Mateo 13:39 - Biblia Dc en Mixe de Quetzaltepec

³⁹ Ja mëtsip yë'ë ja mëjku'u mëti'ipë nyipën ja ëxëëk ujts. Ko ja pëjktä'äky pyëti'iky yë'ë tyijpy ko ja naaxwiinyëtë kyukëxëja'any; e mëti'ipë ja pëjktä'äky yajpëtë'ktëpën yë'ë ja anklëstëjkëty.

Biblia Mixe de Quetzaltepec

³⁹ Ja mëtsip yë'ë ja mëjku'u mëti'ipë nyipën ja ëxëëk ujts. Ko ja pëjktä'äky pyëti'iky yë'ë tyijpy ko ja naaxwiinyëtë kyukëxëja'any; e mëti'ipë ja pëjktä'äky yajpëtë'ktëpën yë'ë ja anklëstëjkëty.

Mateo 13:39 ပူးပေါင်းရင်းမြစ်များ

Daniel 7:10

ets jam wyintum mëjnëëjën jam yaj'ixy tsyoony ja jëën. Mil'am jam yaj'ixy ja tuunpëtëjk ets millonk'am nyatänëty. Ja mëti'ipë ja aaw ayuk yäjkpyën ënät ojts kyajpxtsoony ets ojts yajkëëywyä'kxy ja noky.

Joel 3:13

Jä'ä ko yë'ëjëty ëxëëk jyä'äy'atë. Kupujxta'atë tä tsajpmok majën, jä'ä ko tëë tpatnë jëna'a pyëtë'ëktëtyën; jëtu'un tä'änakëtya'atë tä ja'ay tä'ännakën yë tsatsymtsya'am, jä'ä ko tëë tpatnë jëna'a y'uukykyojëtyën.

Mateo 12:32

Nyimä'kxäämpy yë Dios ja ja'ay mëti'ipë myëkajpxtëkoopyën ja Naaxwiinyëtë ja'ay y'U'unk; yë'ë tëy pën myëkajpxtëkoopy ja Dios ja kyënu'kxymyëk'ajtën ka'ap yajnimä'kxa'any tyam ma naaxwiiny jyuuky'ätyën ets ni jää ma ënety y'ookyën.

Mateo 13:22

Ja tëëmt mëti'ipë ojts kyä'äyën äpny akujk, jëtu'un jä'ä ijxtëm ja ja'ay Dios y'aaw y'ayuk t'amëtoow'ijtëtën, je'eyëp ko yë'ë myëmaay myëtajtëp ja ajuuy ato'k ets mëk tsojkën'atë ja wit meeny ets yë'ë nyätyukwin'ëënëtë. Tu'kë'ëyë ya'atë, yë'ë yajkumo'onëtyääpy ja Dios ja y'aaw y'ayuk mëti'ipë të tjamëtoow'ityën ets ka'ap maa wyinkëxë'ëky.

Mateo 13:25

Ko ënety jap ni'ëmukë mya'atë, ënät ja kukam ja myëtsip të tkuniipë ja ëxëëk ujts jap kamjoty ma ja tsajpmok kamën.

Mateo 13:28

Tääts ja wyintsën y'ëtsoowëtë: Mëtsip jëtu'un të y'ëti'itsy. Tääts ja tuunpëtëjk tyajtëëwtë: ¿Mtsojkpy etsës nëjkx ja ëxëëk ujts nwijxmuktë?

Mateo 13:40

Jëtu'un ijxtëm ja ëxëëk ujts yajwijxmukyën ets yajjëënkupëky ets jap nyitoy, näjyëtu'un jyata'any ko ënety ja naaxwiinyëtë kyukëxë.

Mateo 13:49

Näyjyëtu'un jyata'any ko ënety ja naaxwiinyëtë kyukëxë. Minantëp ja anklëstëjk ets twinwitsa'antë ja oyjyä'äy ka'oyjyä'äy.

Mateo 24:3

Tam ënety ja Jesús y'u'unyë Olivos kopkwinm, ko ja y'ijxpëjkpëtëjk nyimiinëtë ets yajtëëwëtë aak ayi'iyë: Tuk'ëwa'anëtëkës jëna'a jëtu'un jyata'any kyëpäta'any ets tii ijxwë'ëmën yajtuk'ixëp ko ënety mijts miny ets ko ja naaxwiinyëtë ënety kyukëxë?

Mateo 25:31

Ko myinëty ja naaxwiinyëtë ja'ay ja y'U'unk mëët ja të'kxën jajën ets ja y'anklëstëjk ni'ëmukë, ënät nyaaxwäätsa'any ma ja kyutujktaknën mëti'ipë myëët'ajtypyën ja mëj'ajt oyajtën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

1 Corintios 10:11

Paaty jëtu'un jyajtë ja n'ap'ajt n'ok'ajtëm ets ja ijxpäjtën wyë'ëmëty ma ëëts'ajtëmë ets ojts yajkuja'ay ma ja Dios ja y'aaw y'ayukën ets nnija'awëmëty ma tyam njaakjuuky'ajtëmën ma ja xëëw kyëxanën.

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Dios.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.

Hebreos 9:26

Ko jeexyë jyëtu'unëty, kanaak'ok jeexyë ja Kristë të y'o'knë maju'unëm tsyo'otä'äkyën ja naaxwiinyëtë. E tyaa ma ja xëëw jëmëjt ntuk'ijt ntuktsëna'ayëmën, tëë tu'k'ok ja Kristë myiny ets xëmëkyëjxm yajpaata'any, ko të nyäxy ijxtëm tu'uk ja wintsë'kënën mëti'ipë ja poky jyëpëkäämpyën.

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Judas 1:14

Näyjyëtu'un yë Henoc, ja mëwëxtujkpë y'ijtyën jëwyiin yë Adán, ojts kyäjpxy ets nimëtyäky ya'atë ja'ay: Tëës n'ixy ja Wintsën, mëët mil'am ja y'anklëstëjk,

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Apocalipsis 13:14

Jëtu'un'äämpy ja ja'ay twin'ëëny twinxajy ko ja myëk'ajtën tyaj'ixyë. Tääts twin'ë'ëny ja naaxwiinyëtë ja'ay ets t'ënëmaay ets t'oytyuntëty tu'uk ja awinax ijxtëm ja mëjëwyiinpë ja mëj jëyujkën mëti'ipë ka'ap të y'ookyën, oy të jyayajpuxy.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.