Mateo 13:38 - Biblia Dc en Mixe de Quetzaltepec

³⁸ e yë naaxwiinyëtë, yë'ë kam'ajtp. Ja oypyë tëëmt yë'ë ja ja'ayëty mëti'ipë yajpatëpën ma tsajpjotmëtë kuttujkën, e ja ëxëëk ujts yë'ë ja ja'ayëty mëti'ipë ja mëjku'u jä'ä'ajtëtëpën.

Biblia Mixe de Quetzaltepec

³⁸ e yë naaxwiinyëtë, yë'ë kam'ajtp. Ja oypyë tëëmt yë'ë ja ja'ayëty mëti'ipë yajpatëpën ma tsajpjotmëtë kutujkën, e ja ëxëëk ujts yë'ë ja ja'ayëty mëti'ipë ja mëjku'u jä'ä'ajtëtëpën.

Mateo 13:38 ပူးပေါင်းရင်းမြစ်များ

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Salmos 22:30

Yë n'u'unk n'okës yë'ë y'ëwtatantëp yë Wintsën ets yë'ë nyimëtya'akantëp mapaat jyuuky'atën.

Isaías 53:10

Ja Wintsën ojts mëk yaj'ëyoyë mëët ja pëjkën ijxën. E yë'ëkyëjxm ko nyäkyë'ëyajkë tä tu'uk wintsë'kënën, winë xëëw winë jëmëjt jyuuky'ata'any ets y'ixäämpy ja y'u'unk y'ok, mëët yë'ëkyëjxm nëjkx oy wyimpëtsëmy jyëjpëtsëmy mëti'ipë ja Wintsën të tuknipëjktaakën.

Oseas 2:23

Nyajnaaxkëta'akäämpyës yë naax nkajpn ma tu'uk yë naaxjotmën etsës ëjts nkajpn niwa'ana'any; mpa'ëyowäämpyës yë Jo-ruhamá ets n'ënëëmëja'anyës yë Lo-ruhamá: Mijts nkajpn'ajtyp, etsës yë'ë xy'ëtsowa'any: Mijts nTios'ajtyp.

Mateo 13:19

Ja tëëmt mëti'ipë ojts kyä'äyën tu'ujotm, jëtu'un jä'ä ijxtëm ja ja'ayëtyën mëti'ipë të t'amëtoow'itën ja Dios ja y'aaw y'ayuk ets ka'ap tja'akyukëtë; ënät myiiny ja mëjku'u ets pyëjkxëtë ja Dios ja y'aaw y'ayuk mëti'ipë të jyayajni'ipyën ma jyot wyinma'anyën.

Mateo 24:14

Ets ya'atë aaw ayuk oypyë ma Dios kyutujkën yajnimëtyä'äkyën, nëjkxëp yajkajpxwä'kxy ma tu'kë'ëyë naaxwiinyëtën ets nëjkx ja ja'ay tnija'awëtya'atë, täänëm ja naaxwiinyëtë kyukëxëty.

Mateo 5:37

Tëy winë xykyajpxëty: Oy'atëp ëkë ka'ap y'oy'atëty; jä'ä ko ka'ap y'oyëty ko pën tëkatsy tii tuny.

Mateo 8:12

E mëti'ipë japaat'ajtëtëp jeexyë yajpaatë ma ja kyutujktaknën, nëjkxëp yajpëjkta'aktë akootstuuy tëja'p. Tääts tyëkëtëty jëëpyë yaxpë ets ka'ap nëjkx tmëmëta'aktë.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Juan 12:24

Tëy miits nëëmëtë ko tu'uk ja tsajpmokpajk kyä'äy naaxkëjxy ets ka'ap y'ooky, ka'ap yë tyëëm tyäky, e ko y'ooky, wäänëmay ja tyëëm wyimpity.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Hechos 13:10

ets t'ënëmaay: Mijts, win'ë'ënpë, mëjku'u y'u'unk. Mmëtsip'ajtyp tu'kë'ëyë mëti'ipë mëtëyën. ¿Tii ko xëmë xyajma'ata'any ja Wintsën ja nyë'ë tyu'u tëypyë?

Romanos 10:18

E nyajtëëpyës yam: ¿Wä'än jëtää ka'ap ja ja'ay të tmëtowtë ja Dios ja y'aaw y'ayukë? Myëtoowtë jä'ä. Jä'ä ko jëtu'un kuja'ay myiny: Tëë yajmëtoy ja y'ayuk mapaat yë naaxwiinyëtën yajpaatyën ets të yajnijawë mapaat yë naaxwiinyëtë jyëjpkukëxën.

Romanos 16:26

je'eyëp ko tëë tyam yajnijawë ko ja y'aaw y'ayuk të tukjaaywyi'imy ja kyäjpxynyajxpëtëjk ijxtëm tni'ënä'ämën ja xëmëkyëjxmëpë Dios ets ja naaxwiinyëtë ja'ay ni'ëmukë yajtuknijawëtëty jëtu'un tmëpëktëty ets tmëmëtowtëty.

Romanos 8:17

Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Dios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

Colosenses 1:6

mëti'ipë jampaat të jyä'tyën ma miitsëtyën. Ni'ikyë myëjwiin kyëjääjë ya'atë aaw ayuk ets oy wyimpëtsëmy oy tyimmatsowëty naaxwiinyëtë apëtsëmy. Jëtu'un tä të jyäty të kyëpetyën ma miitsëtyën ko ojts ëka'any xymyëtowtë ja oy aaw oy ayuk ets xyjyä'äkyujkëtyë ja tëyajtën.

Santiago 1:18

Jä'ä ko Dios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Dios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

1 Pedro 1:23

Tëë miits jatëkok mëxu'unk'atë; ka'ap yë'ëty ko jam xymyëët'atë ja mteety mtaakëty mëti'ipë o'ktëpën, yë'ë ko ja Dios ja y'aaw y'ayuk të xymyëpëjkëtë, mëti'ipë xëmëkyëjxm ijtpën ets juukyën.

1 Juan 3:2

Mëku'uktëjkëty ninu'un miits ntsoktën njawëtën, Dios ëëts tyam xy'u'unk'ajtënëp. Oy nkanija'awëmë wi'ix ok nyajpaata'anëmën, tëë nnija'awëm ko ja Jesukristë myina'any jatëkok jëtu'un nëjkx n'awinpijtëmë tä yë'ëjën; jä'ä ko nëjkxëp n'ijxëmë wi'ix y'ixëtyën.

Apocalipsis 14:6

Ënet ja wiinkpë ja tsajpjotmëtë kukäjpxy n'ijxyës jam tsajp'itkujkm kyaakëtity. Ja ayuk myëmiinpy ets tkajpxwa'kxa'any wi'ix nyitso'oktëty ja naaxwiinyëtë ja'ay, oymyëti'ipë kajpnëty, oymyëti'ipë naaxëty, ets oy tyimpën ja'ayëty ets tu'kë'ëyë mëti'ipë ja aaw ayuk kyajpxtëpën.