Mateo 13:37 - Biblia Dc en Mixe de Quetzaltepec

³⁷ Tääts ja Jesús y'ëtsooy: Yë naaxwiinyëtë ja'ay y'U'unk, yë'ë ja oytyëëmp nyipy,

Biblia Mixe de Quetzaltepec

³⁷ Tääts ja Jesús y'ëtsooy: Yë naaxwiinyëtë ja'ay y'U'unk, yë'ë ja oytyëëmp nyipy,

Mateo 13:37 ပူးပေါင်းရင်းမြစ်များ

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Mateo 13:41

Yë naaxwiinyëtë ja'ay y'U'unk kyäxäämpy ja y'anklëstëjk ets twoowmujkta'aja'any ma kyutujktaknën mëti'ipë ja myëku'uk yajpokytyuuntëpën ets mëti'ipë ja ëxëëkpë tyuunk'ajtëpën.

Romanos 15:18

Ka'apës nnätyuk'a'ixëty tii nimëtya'aktëty, yi'iyës nimëtyäkpy mëti'ipë ja Kristë të tunyën ëjtskyëjxm etsës nputëkëty mëti'ipë ka'ap jyutiis ja'ay'atën ets ja Dios tmëmëtowtëty. Ya'atë yë'ë mëët wyintu'upëky ja käjpxy mëtyä'äky ets ja tuunk,

Juan 20:21

Tääts ja Jesús jatëkok y'ënëmaayëtë: Jotkujk yajpaatë. Jëtu'un ijxtëmës ja Dios Teety të xykexyën, näjyëtu'un miits nkäxtë.

Juan 13:20

Tëy miits nëëmëtë, pën kyupëjkpy mëti'ipës nkejxypyën, nän ëjts ënety xykyupëjkp; ets pën xykyupëjkpës, nän yë'ë ënety kyupëjkpy mëti'ipës xykyäjxpën.

Mateo 13:27

Ënet ja tuunpëtëjk tninëjkxtë ja wyintsën ets t'ënëmaaytyë: Wintsën, aak oytyëëmp ojts xywyijy jam mkamjotm, ¿këtiijë? ¿E wi'ix ko ëxëëk ujts jam?

Mateo 13:24

Tääts ja Jesús tnimëtyäky wiinkpë ja ijxpäjtën: Yë tsajpjotmëtë kuttujkën jëtu'un yë'ë ijxtëm ja ja'ay twëjyën yë oytyëëmp kyamjotm.

Mateo 10:40

Pën miits mkupëjkëtëp, nän xykyupëjkpës ënety ëjts; ets pën xykyupëjkpës, nän kyupëjkpy ënety mëti'ipës xykyäjxpën.

Mateo 8:20

Tääts ja Jesús y'ëtsooy: Nikë tää wax ja jyut ets joon yë pyä'än; e ëjts, naaxwiinyëtë ja'ay y'U'unk, ni yë'ëjës tkamëët'aty maas yë nkëpajk nkëxkonëtyën.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Hebreos 1:1

Tëëyëp, kanaak ok ojts ja Dios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

Mateo 13:4

Ets ko ja tyëëmp twëjjëtijty, tääts tu'kpëky ja tëëmt ojts kyä'äy tu'ujotm. Ënet ja joon myiintë ets tpiiwmujktë.

Isaías 28:28

Yë tsajpmok yajwintä'änp yë'ë, ets ka'ap yaj'ëxmatsy, yë'ë mëët yë kepy wintëkäämpë yajwinteeny ets pyajk ëpëky yajpëjktä'äky ka'ap yajtä'änakë.