Mateo 13:33 - Biblia Dc en Mixe de Quetzaltepec

³³ Ojts näjyëtu'un tyukmëmëtya'akëtë ya'atë ijxpäjtën: Jëtu'un ja tsajpjotmëpë kuttujkën ijxtëm ja levadura, mëti'ipë ja to'oxytyëjk tëkëëk kijpxn tyukmëtijëyën ja tsajpmokway. Ënet ja levadura tuktëjkëtyääy ja jësty.

Biblia Mixe de Quetzaltepec

³³ Ojts näjyëtu'un tyukmëmëtya'akëtë ya'atë ijxpäjtën: Jëtu'un ja tsajpjotmëpë kutujkën ijxtëm ja levadura, mëti'ipë ja to'oxytyëjk tëkëëk kijpxn tyukmëtijëyën ja tsajpmokway. Ënät ja levadura tuktëjkëtyääy ja jësty.

Mateo 13:33 ပူးပေါင်းရင်းမြစ်များ

Gálatas 5:9

Yajnija'ap ko yi'inëmpë ja levadura tu'kë'ëyë ja jëtsy tyajxuunta'ay,

Lucas 13:21

Jëtu'un yë'ë ijxtëm tu'uk ja to'oxytyëjk tëkëëk apëjkën ja levadura tukmëtijën ja tsajpmokway ets xyunëty.

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Oseas 6:3

Tsojk winma'any mëk mpëjktakëmë ets n'ixy'ajtmëty yë Wintsën. Xynyimina'anëm yë Wintsën ets kopkpëky xynyimina'anëmë jëtu'un tä kopkpëky yë xëëw pyëtsimyën, jëtu'un tä kyopkpëkyëtyën ko yë naax tyajmëyäty yë nëë tuu ma pyotm'atyën ets ma xyëkopk'atyën.

Job 17:9

Yë'ë wa'ats nyäyajnaxëtë ets jëtu'un y'ëna'antë ko yë'ëjëty ka'ap nitii tuuntëkoytyë.

Génesis 18:6

Ënet ja Abraham jap tyëjkëy tëkoty, ma ja wyittëjkën ets t'ënëmaay ja tyo'oxytyëjk Sara: Pe'tym, mijts ëkni''ijxëkyoj yë tsajpmokway oy i'px tsimën ets xyaj'oyëty yë tsajpkääky.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.

Filipenses 1:9

N'amëtoopy npëjktsoopyës ja Dios ets wäänëni'ik ja m'oyjot m'oywyinma'anyëty jyaaktimkyëjääjëty ets ja Dios ni'ik mjaaktimmyo'ojëtëty ja wijy'ajt ets ja'aykyujkën,

Filipenses 1:6

Njëjp'ijxypës ko ja oypyë tuunk mëti'ipë ja Dios yajtso'ontakën ma miitsëtyën, yë'ë oy yajtu'uye'eyäämpy koonëm ja Jesukristë wyimpitëty.

Juan 15:2

Ko tu'uk ja tsatym xe'enty ka'ap tyëëmyäky, tääts tkatspuxy; e ko tyëëmyäky ni'ikyë twinpëky twintuny ets nëpuxy nëpooty mëti'ipë atsijpën tääts yajxon tyëëm'atëty.

Marcos 13:20

Ets ko ja Wintsën jeexyë tka''akajpxtuky ja ëyo'on, ka'ap jeexyë pën ja nitsokën tpaaty; tëë ja Wintsën tyaj'akony ja ëyo'on jä'äkyëjxm ko jam jyuuky'atë ja ja'ay mëti'ipë të twin'ixyën.

Mateo 13:24

Tääts ja Jesús tnimëtyäky wiinkpë ja ijxpäjtën: Yë tsajpjotmëtë kuttujkën jëtu'un yë'ë ijxtëm ja ja'ay twëjyën yë oytyëëmp kyamjotm.

Jueces 6:19

Ënet ja Gedeón ojts nyijkxy pëyi'ikyë ma tyëjkën ets ja tojkx tyaj'o'oyëy, yaj'o'k tu'uk yë tsajppax ets ja tsajpkääky tyaj'o'oyëy mëët i'px tsim yë tsajpmokway ka'apë tsyooymyëëtëty, ko tyaj'o'oyëtyääy jap ja tsu'utsy t'apëjkëy katyjoty, ja tojkxnëë jap t'apëjkëy tu'tsjoty ets ojts jam tmënëjkxy kopkëjxm.

1 Samuel 1:24

E ko ojts ja tyi'tsk tuk'ëxmajtsnë mutsknëm ënety oy, ënät ojts tmënëjkxnë ma ja Wintsën ja jyëën tyëjkën jam Siló. Ojts näjyëtu'un mëët tmënëjkxy tëkëëk yë tsajpkaa'u'unk, i'px tëkëëk tsim yë tsajpmokway ets tu'kxuty yë tsatsym nyëë.

2 Samuel 13:6

Amnón ënätyë jap tyëjkëy tyëkoty ets nyäpyëjktakë jam myaapäjnkëjxm, pëjkëp yowë. E ko ja tyeety ojts nyinëjkxyë, tää t'ënëmaay: Tun yë mëyajtën wä'än yë n'utyës Tamar tminy ets wäänë tyaj'oyëty yë nkääkyës n'uukyës ets yë'ë kë'ëm y'apëkëp.