Mateo 13:3 - Biblia Dc en Mixe de Quetzaltepec

³ Tääts yaj'ijxpëjktso'ony, kanaakpëky ja winma'any ojts tkäjpxy aakmëët yë nyi''ijxpäjtën ets y'ënëmaayëtë: Tu'uk ja ja'ay tsyo'ony tsajpmok wëjpë.

Biblia Mixe de Quetzaltepec

³ Tääts yaj'ijxpëjktso'ony, kanaakpëky ja winma'any ojts tkäjpxy aakmëët yë nyi''ijxpäjtën ets y'ënëmaayëtë: Tu'uk ja ja'ay tsyo'ony tsajpmok wëjpë.

Mateo 13:3 ပူးပေါင်းရင်းမြစ်များ

Marcos 4:13

Tääts ja Jesús tyajtëëy: ¿Ka'ap xyjyä'äkyukëtë ya'atë ijxpäjtën nyimëtyä'äkyë? ¿Wi'ix wiinkpë mëtyä'äky ijxpäjtënmëëtpë xyjyä'äkyukëja'antë?

Marcos 4:33

Jëtu'un ja Jesús yaj'ijxpëjky mëët ja ijxpäjtën ijxtëm ya'atën, jëtu'un ijxtëm mëpaat naje'eyë yaja'akyukën.

Mateo 13:53

Ko ja Jesús tnimëtyaktaay ja ijxpäjtën, ënät jam tsyo'ony,

Salmos 78:2

Yë'ëjës yam nkajpxäämpy nmëtya'akäämpy yë winma'any tsipë etsës yam nikajpxa'any tëkokyë mëti'ipë yu'utsy'ijtpën, mëti'ipë ka'ap pën të tnijawën tëëyëp ets tyampaat.

Marcos 12:12

Tääts ojts tjamatsa'antë ja Jesús jä'äkyëjxm ko tja'aykyujkëtë yë'ë yowë yajnimëtyaktëp mëët ja ijxpäjtën. Je'eyëp ko tsyë'këtyëp ja mayjyä'äy, paaty ka'ap tmajtstë. Tääts jam tsyo'ontë.

Salmos 49:4

Tyamës nikajpxa'any tëkokyë yë aaw ayuk mëti'ipë tsipëtyën, etsës nimëtya'aka'any mëti'ipës yu'utsy nmëët'ajtypyën jëtu'un tä yë kow y'ënä'änyën.

Juan 16:25

Tëë miits ya'atë ntuk'ëwaanëtë mëët ja nyi''ijxpäjtën. E pyatäämpy ja xëëw jëmëjt ko miits ka'ap n'ëktuk'ëwaanëjanëtë winë mëët ja ijxpäjtën, wa'ats nëjkx ntukmëmatyaknëtë ja nTeetyës.

Lucas 12:41

Ënet ja Pedro tyajtëëy ja Jesús: Wintsën, ¿ëëts je'eyë xytyukmëmëtyaktëp winë mëët yë ijxpäjtën, ëkë näjyëtu'un wiinkëtypë ja'ayë?

Lucas 8:10

Tääts ja Jesús y'ëtsoowëtë: Miits ja Dios të mtuknijawëtë mëti'ipë yu'utsy'ijtpën ma ja kyutujktaknën. E ja wiinkëtypë ja ja'ay, ijxpäjtën mëët yajtukmëmëtya'aktë këtiipë tja'akyukëtëty oy tja'ixtëty, ets ka'ap tmëtoowkukëtëty oy tjamëtowtëty.

Marcos 12:1

Ënet ja Jesús yaj'ijxpëjktso'ony mëët ja ijxpäjtën ets y'ënäny: Tu'uk ja ye'etyëjk ojts tpëjktä'äky ja tsatsymkyam ets tnakeemy tnapëjky, ojts t'oytyuny tu'uk ja tsatym mä'tstakn ets ojts tkojy tu'uk ja potsy janty këjxm ma yajkëwent'atëtyën ja kam. Tääts ja tuunpëtëjk ojts tuknipëky ja kam ets ojts tsyoony nyijkxy jëkäm.

Marcos 3:23

Tääts ja Jesús tmëkajpxmujky ja ja'ay ets tkajpxwatsy mëët tu'uk ja ijxpäjtën ets y'ënäny: ¿Wi'ix jëtää tu'uk ja mëjku'u t'ëk'ixkäxëty ja myëmëjku'u?

Mateo 24:32

Jatë ya'atë nyi''ijxpëjkën ja higo kepy: ko xye'entyjiitsy ets ja y'ääy pyëtsimy, yë'ë yajtuknija'ap ko myiny wyinkony ja xëkopk'ajtën.

Habacuc 2:6

E ja naax kajpn mëti'ipë të yajmëmëta'aktën nëjkxëp tnëxi'ik tukxi'iktë ja kajpn mëti'ipë ënety të myëmëta'akëtën ets jëtu'un nëjkx tkuuy'ëwtë: Mon tuk mijts myajpaaty ko mnäyajkumeenytyä'äkyë mëët mëti'ipë ka'ap xyjyä'äjëtyën. ¿Jëna'apaat xynyipëjkpäta'any ja wit meeny mëti'ipë nu'kx m'amëtoowën?

Miqueas 2:4

Jä'ä xëëw nëjkxëp miitsëty myajtukwin'ëwtë ja ëy mëti'ipë yajjëëy yajyaxpën. Jëtu'un myaj'ënëëmëtë: Tëë yajxon ntimy y'atëko'oytyä'äyëmë; ja nkajpn'ajtëmë, mëti'ipë ja Wintsën kyajpn'ajtypyën tëë ja nyiwintsën tyëkatsy ets ka'ap pën wi'ix të y'ënä'äny; yë nkam'ajt ntu'u'ajtëmë yë'ë të tpëjkwa'kxtë yë ja'ayëty mëti'ipë të xymyëmëtakëmën.

Ezequiel 20:49

Täätsës n'ëtsooy: Aay Wintsën, ja'ay jëtu'un y'ëna'antë ko ëjts yi'iyës nkäjpxyp nmëtyäkpy mëti'ipë ka'ap ni pën tja'akyukën.

Ezequiel 17:2

Mijts ye'etyëjk, tukmëmëtya'ak yë naax kajpn tu'uk yë ijxpäjtën.

Mateo 22:1

Tääts ja Jesús ojts tmëtyaktsoony jatëkok ja ijxpäjtën ets y'ënëmaayëtë:

Mateo 13:4

Ets ko ja tyëëmp twëjjëtijty, tääts tu'kpëky ja tëëmt ojts kyä'äy tu'ujotm. Ënet ja joon myiintë ets tpiiwmujktë.