Mateo 13:24 - Biblia Dc en Mixe de Quetzaltepec

²⁴ Tääts ja Jesús tnimëtyäky wiinkpë ja ijxpäjtën: Yë tsajpjotmëtë kuttujkën jëtu'un yë'ë ijxtëm ja ja'ay twëjyën yë oytyëëmp kyamjotm.

Biblia Mixe de Quetzaltepec

²⁴ Tääts ja Jesús tnimëtyäky wiinkpë ja ijxpäjtën: Yë tsajpjotmëtë kutujkën jëtu'un yë'ë ijxtëm ja ja'ay twëjyën yë oytyëëmp kyamjotm.

Mateo 13:24 ပူးပေါင်းရင်းမြစ်များ

Mateo 25:1

Jëtu'un ja tsajpjotmëpë kuttujkën jyata'any ko tpaatëty ja xëëw jëmëjt ijxtëm jyäjtyën tëkok ma ënety ja ja'ay pyëktën: nimajk ja to'oxy'ëna'këty mëti'ipë ojts ja kyutë'kxn tkontën ets t'ëwxitë ja ye'etyëjk pëjkpë.

Mateo 20:1

Jëtu'un ja tsajpjotmëpë kuttujkën npëjktakmëty ijxtëm tu'uk ja kukamën, mëti'ipë ojts tsyoonyën tsojkyë tuunpë ixtääpyë ets tyuntëty ma ja tsyätym kamën.

Mateo 13:47

Yë tsajpjotmëpë kuttujkën tsojk jëtu'un mpëjktakmëty tä tu'uk yë tsaay ajkxmajtsn mëti'ipë yajnëëkujëpijpën ets tkujëpipy kanaakjëjp ja ajkx.

Mateo 22:2

Jëtu'un ja tsajpjotmëpë kuttujkën ijxtëm ja yajkutujkpë xyëëwtunyën ko ja myaank tyajpëka'any.

Mateo 13:37

Tääts ja Jesús y'ëtsooy: Yë naaxwiinyëtë ja'ay y'U'unk, yë'ë ja oytyëëmp nyipy,

Lucas 13:20

Tääts ja Jesús jyaak'ënany: ¿Tii ntukmë'ijxkijpxmëp ja Dios ja kyutujkën?

Lucas 13:18

Näyjyëtu'un ja Jesús y'ënäny: ¿Tii ntukmë'ijxkijpxmëp ja Dios ja kyutujkën, tii jëtää mëët tyu'knaxëty?

Mateo 13:33

Ojts näjyëtu'un tyukmëmëtya'akëtë ya'atë ijxpäjtën: Jëtu'un ja tsajpjotmëpë kuttujkën ijxtëm ja levadura, mëti'ipë ja to'oxytyëjk tëkëëk kijpxn tyukmëtijëyën ja tsajpmokway. Ënet ja levadura tuktëjkëtyääy ja jësty.

1 Pedro 1:23

Tëë miits jatëkok mëxu'unk'atë; ka'ap yë'ëty ko jam xymyëët'atë ja mteety mtaakëty mëti'ipë o'ktëpën, yë'ë ko ja Dios ja y'aaw y'ayuk të xymyëpëjkëtë, mëti'ipë xëmëkyëjxm ijtpën ets juukyën.

Mateo 13:31

Ojts näjyëtu'un yë Jesús tnimëtyä'äky ya'atë ijxpäjtën: Jëtu'un ja tsajpjotmëpë kuttujkën ijxtëm ja mostasë pajkën mëti'ipë tu'uk ja ja'ay nyipën kyamjotm.

Mateo 18:23

Paatyës jëtu'un n'ëna'any: Yë tsajpjotmëpë kuttujkën jëtu'un yë'ë ijxtëm tu'uk ja yajkutujkpë tmëtyoyën ja meeny mëët ja tyuunpëtëjk mëti'ipë të tyajtunyën.

Mateo 13:19

Ja tëëmt mëti'ipë ojts kyä'äyën tu'ujotm, jëtu'un jä'ä ijxtëm ja ja'ayëtyën mëti'ipë të t'amëtoow'itën ja Dios ja y'aaw y'ayuk ets ka'ap tja'akyukëtë; ënät myiiny ja mëjku'u ets pyëjkxëtë ja Dios ja y'aaw y'ayuk mëti'ipë të jyayajni'ipyën ma jyot wyinma'anyën.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Mateo 21:33

Mëtoow'itë ya'atë wiinkpë ijxpäjtën: Tu'uk ja ja'ay ojts tpëjktä'äky ja tsyätym kam ets tnakeemy tnapëjky, ënät t'oytyuuny tu'uk ja tsyätym mä'tstakn ets ojts tkojy tu'uk ja potsy janty këjxm ma yajkëwent'atëtyën ja kam. Tääts ja tuunpëtëjk yajtukë'ëtëjkëtyë ënu'kxy ja kam ets ojts nyijkxy ëpëky it ja wintsën.

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kuttujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Colosenses 1:5

Jä'äkyëjxm ko xyjyëjp'ixtë mëti'ipë të myajtuknipëjktaakëtën jam tsajpjotm. Tëë ya'atë jëtu'unpë xy'ëkmëtoowtëpë ko të xynyijawëtë ja tëyajtën ko të yajnimëtyä'ä ja oy aaw oy ayuk,

Ezequiel 17:2

Mijts ye'etyëjk, tukmëmëtya'ak yë naax kajpn tu'uk yë ijxpäjtën.

Isaías 28:13

Paatykyëjxm ja Wintsën jëtu'un myëkajpxa'anëtë tä pi'k ëna'k yajmëkäjpxyën, mëti'ipë nokykyapxtso'ontëpën. Ko ënety muum nyëjkxtë, jëtu'unyë yuntëty kyëtawtëty ets nyäyajtsëtyutëtëty, nyäyajkuka'anaxëtëty muum ets koonëm tsyiptëkëtëty.

Isaías 28:10

¿Ti jëtu'un xy'ijxëmë pi'k ëna'kënë, mëti'ipë je'eyë tsi'tsk y'ëxmajtsypnyëmë? ¿Mëti'ipë je'eyë kajpxë'kpnëmën?

Mateo 13:25

Ko ënety jap ni'ëmukë mya'atë, ënät ja kukam ja myëtsip të tkuniipë ja ëxëëk ujts jap kamjoty ma ja tsajpmok kamën.