Mateo 13:21 - Biblia Dc en Mixe de Quetzaltepec

²¹ Je'eyëp ko ka'ap ja tyikts kyëkëty, ka'ap mëk yajpaatë. Ko ënät yajpajëtijta'aktë ënätyë t'ëxmatstë mëti'ipë të tja'amëtoow'itën.

Biblia Mixe de Quetzaltepec

²¹ Je'eyëp ko ka'ap ja tyikts kyëkëty, ka'ap mëk yajpaatë. Ko ënät yajpajëtijta'aktë ënätyë t'ëxmatstë mëti'ipë të tja'amëtoow'itën.

Mateo 13:21 ပူးပေါင်းရင်းမြစ်များ

Mateo 11:6

Ets akujk jotkujk ja'ay yajpaaty mëti'ipë ka'ap y'anäp y'atä'pxën maas ëjtsën.

Oseas 6:4

Jëtu'un yë Wintsën y'ënä'äny: ¿Wi'ix mtunëty mijts Efraín? ¿Wi'ix ntunëty mijts Judá? Yë mtsojkën mja'awën jëtu'unës mpëjktä'äky tä yë nëëma'a jopyëp yaj'ixyën, tä maanik kyuxëënyën, tä yë poj tyëkooytyä'äyën.

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

Proverbios 12:3

Yë ëxëëkajtën ka'ap jeky tyaj'ity; yë wa'ats ja'aytyëjk ta'tspëky yajpaatë.

Job 19:28

koos të nmëtoy ko miits m'ëna'antë: ¿Wi'ix tsoky, wi'ix mëpaat nyëë pyoky n'ixta'ayëmë? Yë y'ëxëëkjot y'ëxëëk winma'any jap yajpaaty ma jyot mwinma'anyën.

Salmos 36:3

Ëxëëkjatyëty yë aaw ayuk tyajpëtsëmy ets antakp, të tyajtëkooynyë yë y'oyjyot y'oywyinma'any ets ka'ap tii oy t'ëktuunë.

2 Timoteo 1:15

Tëë xynyijawë ko tëëjës xynyikäkta'atë ja Asia ja'ayëty, ja Figelo ets ja Hermógenes.

Filipenses 1:6

Njëjp'ijxypës ko ja oypyë tuunk mëti'ipë ja Dios yajtso'ontakën ma miitsëtyën, yë'ë oy yajtu'uye'eyäämpy koonëm ja Jesukristë wyimpitëty.

Gálatas 6:15

Ka'ap tsyowpaaty oy ja ja'ay ye'etyëjk'ajtënën jyanatsujk'ëwtityëty; yi'iyë tsoowpatp ko ja'ay tmëëtëty ja juukyajtën jempyë.

Gálatas 6:12

Ya'atë ja'ayëty mëti'ipë tsyojktëpën ets ja ja'ay y'oyjyawëtëty mëët mëti'ipë tyuuntëpën, yë'ë m'atsip'atanëtëp ets yajnatsujk'ëwëtittëty ja mye'etyëjk'ajtënëty. Jä'äkyëjxm jëtu'un tuntë ets ja ja'ay y'oyjyawëtëty ets ka'ap tsyiptëkëja'antë ko tkajpxwa'kxtë ko ja Kristë tëë xykyu'o'këmë kruutskëjxm.

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

Juan 6:26

Ets ja Jesús y'ëtsoowëtë: Tëy miits nëëmëtë, paaty xy'ixta'atës ko ojts ku'uxyë mkaytyë; ka'ap yë'ëjëty ko miits xy'ixtë ja mëj'ajtën.

Lucas 8:13

Ja tëëmt mëti'ipë ojts kyä'äyën tsaajotm, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Dios ja y'aaw y'ayuk ets jotkujk myëpëjkojtë. Ko ënät wi'ix tkujatëtë tääts t'ëxmatstë. Yë'ë jëtu'un jajtp ijxtëm ja tsajpmokyonën mëti'ipë ka'ap tyiktsk kyëkëtyën.

Marcos 4:17

Jëtu'un jä'äjëty ijxtëm ja tsajpmokyonën mëti'ipë ka'ap tyiktsk kyëkëtyën. Ka'ap jeky y'ity jä'äkyëjxm ko ja Dios ja y'aaw y'ayuk tku'ëyo'onpatëtë ëkë yajpajëtijta'aktë ets ënätyë t'ëxmatstë mëti'ipë ënety të tja'amëtoow'itën.

Mateo 26:33

Tääts ja Pedro tnikajpxëy: Oyxyë ni'ëmukë ja'ay mpuwa'ktuta'ayë ëjts nijëna'a mijts nka'ëxmatsëty.

Mateo 26:31

Jamts ja Jesús ojts y'ënë'ëmxëtë: Xy'ëxmatsantëpës miitsëty ni'ëmukë ya'atë tsu'um, jä'ä ko jëtu'un ja Dios ja y'aaw y'ayuk y'ënä'äny: Nyaj'ookäämpyës ja kupixyny këwent'ajtpë ets ja kupixyny jëtu'unyë kyääkwa'kxta'aja'antë.

Mateo 24:13

Temë pën xymyëpëjkpës mapaat jyëjpkëxyën, yë'ë nëjkx nyitso'oky.

Mateo 13:57

Ets ka'ap ojts t'oyjyawëtë ja Jesús: Tääts ja Jesús y'ënëmaayëtë: Oymyaajëty, mëj'äämpy ja'ay tjëkyäptë yë Dios yë kyäjpxynyajxpë; jam ma kyë'ëm naax kyë'ëmkajpnën ka'ap ja'ay jam myëj'ixyë.

Mateo 13:6

Ko ja xëëw pyejty, tääts xyo'tstaay ets tyitsy, jä'ä ko ka'ap ja tyikts.

Mateo 10:22

Aak mmëtsip'atanëtëp ja ja'ay mëët ëjtskyëjxm; pën myëtënääpy mapaat kyukëxën, jä'ä nëjkx tsyo'oky.

Proverbios 12:12

Mëët ko yë ëxëëkja'aytyëjk tëkatsy winë tsojkën'atë, ëxëëk tmëjatë; e ko wa'ats ja'aytyëjk tii tsojkën'atë, kopkpëky ko tpaata'antë.

1 Pedro 1:5

Jä'ä ko xymyëpëktë ja Dios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënety ja naaxwiinyëtë kyixy.

2 Timoteo 4:10

Ja Demas, tëëjës ja xynyikäknë, mëti'ipë yi'iyë tsyojkën'ajtypyën yaapë naaxwiinyën, tëë ja tsyo'onë ets të nyëjkxnë jam Tesalónica. Yë Crescente jam të nyijkx Galacia y'itjotm, e yë Tito të nyijkx jam Dalmacia y'itjotm.

Apocalipsis 2:13

Nija'apës ko jam mtsëënë ma ja mëjku'u kyutujktaknën; je'eyëp ko wa'ats jam mnäyaj'ityë koos ëjts xymyëpëky. Ka'ap ja mmëpëjkën të xyajjëwä'äky ma ëjtsën, ni jää ma ja Antipas y'o'kyën, mëti'ipës oy xymyëtuunën, ma tääpë kajpnën ma mëjku'u tsyëënën.

Mateo 13:20

Ja tëëmt mëti'ipë ojts kyä'äyën tsaajotm, jëtu'un jä'ä ijxtëm ja'ay tmëtoow'itën yë Dios y'aaw y'ayuk ets akujk jotkujk tkupëktë.

Santiago 3:2

Oy tyimpënëty aak tuuntëkoopy yë ja'ay; pën jää pën ka'ap pyokytyuny ko tii tkäjpxy, wa'ats ja'ay tääpë, ets jyäjtyp wi'ix tmajts'itëtyën yë nyi'kx kyopk.