Mateo 13:11 - Biblia Dc en Mixe de Quetzaltepec

¹¹ Tääts ja Jesús y'ëtsoowëtë: Miitsëty tëë ja Dios mtuknijawëtë mëti'ipë yu'utsy myëët'ajtypyën jam ma tsajpjotmëpë kutujkënën, e yë ja'ayëty ka'ap tnijawëtë.

Biblia Mixe de Quetzaltepec

¹¹ Tääts ja Jesús y'ëtsoowëtë: Miitsëty tëë ja Tios mtuknijawëtë mëti'ipë yu'utsy myëët'ajtypyën jam ma tsajpjotmëpë kutujkënën, e yë ja'ayëty ka'ap tnijawëtë.

Mateo 13:11 ပူးပေါင်းရင်းမြစ်များ

1 Corintios 2:14

Pën ja Kënu'kxymyëkajtën ka'ap tmëëtëtyën, ka'ap tkupëky mëti'ipë ja Kënu'kxymyëkajtën jyä'ä'ajtypyën, jä'ä ko tsuuwinma'any tijy ets ka'ap tja'akyukë; ya'atë yë'ë mëët yajnijawë Kënu'kxymyëkajtën.

Mateo 19:11

Tääts ja Jesús y'ëtsoowëtë: Ka'ap ja'ay ni'ëmukë twinmëtoowta'atë, yi'iyë wyinmëtoowtëp mëti'ipë ja Dios jëtu'un të pyëjkta'akëtën.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.

1 Juan 2:27

Mmëët'ajtëp ja Kënu'kxymyëkajtën, mëti'ipë ja Wintsën Jesukristë mëët të mkënu'kxëtën, ets ka'ap xyajmëyatë ets pën myaj'ijxpëkëtëty, jä'ä ko ja Kënu'kxymyëkajtën mëti'ipë të mmo'ojëtën yë'ë mtuk'ijxpëjkëtëp winë, ets aakjä'ä yaj'ijxpëjkpy mëti'ipë mëtëyën, yë'ë ka'ap wyin'ëëny. Tu'ukyë mëët ja Kristë yajpaatë, jëtu'un tä ja Kënu'kxymyëk'ajtën të mtukni''ixëtën.

1 Juan 2:20

Tëë miits ja Dios mmo'ojëtë ja Kënu'kxymyëkajtën, paaty ja tëypyë jaantypë xynyijawëtë.

Mateo 16:17

Ënet ja Jesús y'ënëmaayë: Akujk jotkujk mijts, Simón, Jonás yë myaank, jä'ä ko ka'ap jyä'äyëty të mtuknijawëty, Dios Teety tsajpjotmëpë yë'ë të mmo'oyë jëtu'unpë winma'any.

Efesios 1:9

ets të xytyuk'ijxëm ja wyinma'any mëti'ipë ijty ka'ap yajnijawën wi'ix të tuknipëjktaakën tyajwintu'upëka'any mëët ja Kristë.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënety ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Efesios 5:32

Yë ya'atë mëti'ipë ijty ka'ap yajnijawën, yë'ë ja Kristë ntijpyës mëët ja mëpëjkpëtëjk.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

Lucas 8:10

Tääts ja Jesús y'ëtsoowëtë: Miits ja Dios të mtuknijawëtë mëti'ipë yu'utsy'ijtpën ma ja kyutujktaknën. E ja wiinkëtypë ja ja'ay, ijxpäjtën mëët yajtukmëmëtya'aktë këtiipë tja'akyukëtëty oy tja'ixtëty, ets ka'ap tmëtoowkukëtëty oy tjamëtowtëty.

1 Corintios 15:51

E yë'ëjës ntsojkpy ets miits xynyijawëtëty mëti'ipë ijty ka'ap yajnijawën, ka'ap nëjkx ni'ëmukë n'o'këmë, je'eyë nëjkx ni'ëmukë ntëkajtsëmë,

1 Corintios 2:7

Yë'ë yajtijp ja Dios ja wyijy'ajtën kyejyajtën mëti'ipë ijty kayajnija'apën, mëti'ipë ja Dios tyuknipëjktakëyën tëëyëp ma ja naaxwiinyëtë ënety ka'ap tyajkojynyëmën ets ëëtsajtëm ntuk'oy'ajtmëty.

Juan 6:65

Ets jyaak'ënany: Paty miits nëëmëtë ko ka'ap tjëkyepy pën xynyiminëtyës pën ka'ap ja Dios Teety wyoowminyë.

1 Timoteo 3:9

Ja tëyajtën tyuk'o'kpätëp mëti'ipë të nnija'awëmën ko të nmëpëjkëmë ets wa'ats tmëët'atëty ja jot winma'any.

1 Corintios 13:2

Oyës ja Dios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

Marcos 4:11

Tääts ja Jesús y'ënëmaayëtë: Miitsëty tëë ja Dios mtuknijawëtë mëti'ipë ijty kayajnija'apën; temë mëti'ipë jëkäm yajpatëpën mëët ja ijxpäjtën winë yajtukmëmëtya'aktë.

Colosenses 2:2

Paatyës jëtu'un ntuny jä'äkyëjxm koos ntsoky ets ni'ëmukë mjotmëkta'aktëty ets m'itëty tu'ukyë mëët ja nitsokën ets xymyëët'atëty kä'pxy ja wijyajtën kejyajtën, jëtu'unts xyjyä'äkyukëtëty xymyëtoowkukëtëty ja Dios ja jyä'ä mëti'ipë ijty kayajnija'apën, yë'ë jëtu'un ja Kristë.

Efesios 6:19

Tuknija'amyäjtsëtëkës ja Dios, ets ja Dios ja aaw ayuk xymyo'ojëtyës mëti'ipës nimëtya'akëpën, etsës amëk jotmëk nkajpxëty ets ja ja'ay ntuknijawëtyës ja oy'aaw oy ayuk, mëti'ipë ijty kayajnija'apën.

1 Corintios 4:7

Jä'ä ko ¿Pën ja mëk'ajtën mooyëp ets ja mëku'uk xywyiink'ixëty? ¿Ets tii mijts mmëët'ajtyp mëti'ipë Dios ka'ap të mmo'oyën? ets pën Dios winë të mmo'oyë, ¿Tii ko mnätyukyajmëjnaxyë ijxtëm jeexyë mijts kë'ëm të xypyäätyën?

1 Corintios 4:1

Paaty miitsëty, je'eyë ëëts xytyijtëty Jesukristë pyutëjkëpë ets ko yë'ë të xytyuknipëktës etsës ja ja'ay ntuk'ijxpëktëty ja Dios ja wyinma'any mëti'ipë ijty kayajnija'apën.

Juan 7:17

Pën jää pën tuna'any mëti'ipë Dios tsyojkpyën, nyijawëp pën jamës ja n'ijxpëjkën tsyoony ma Tiosën, ëkë pën nkë'ëmwinma'anyës nkäjpxyp.

Salmos 25:14

Yë Wintsën y'oyjya'ap yë ja'ay mëti'ipë mëjpëjktakëpën, ets tyuknija'ap ja käjpxytyu'unën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Efesios 1:18

N'amëtoopyës ja Dios ets mtukja'akyukëtëty ja oypyë mëti'ipë mjëjp'ijxtëpën, ja oypyë tsujpë kuma'ayën mëti'ipë ja Dios të mtukniwoowtsowëtën ets mmo'oja'anëtë ma mnaax'at mkajpn'atëtën,

Isaías 29:10

Yë Wintsën tëë mtuknikäxëtë tsuu ma'ay. Yë käjpxynyajxpëtëjk yë'ë ja'ay tyukjotkujk'ajtëp je'eyëp ko jëtu'un yë Wintsën të tyunëtë tä jeexyë wit të yajtukwinkuwitsëtën.

Hechos 16:14

Tam ënety tu'uk ja to'oxytyëjk mëti'ipë xyëëwajtypyën Lidia, Tiatira kyukajpnëty, wit to'kp, aakjä'ä ijty tyo'kpy ja tsu'unk wit. Ya'atë to'oxytyëjk wyintsë'këp ijty ja Dios. Wintsën ojts winma'any myo'oyë ets tja'akyukëty wi'ix ja Pablo y'ënä'änyën.

Isaías 29:11

Tu'kë'ëyë mëti'ipë jeexyë ja käjpxynyajxpë nyikäjpxypën, jëtu'un tä jeexyë muum këxja'ay y'ityën ets pëjkë'ëky ets ku'ëtsa'ay. E oy pën ja myëku'uk tja'ënëëmëty mëti'ipë nokykyajpxpën: Tyaa tyaapë noky ënät ëk kajpx, yë'ë je'eyë y'ëtsowa'any: Ka'ap tjëkyepy nkajpxëtyës, jä'ä ko ku'ëtsa'ay tääpë noky.

Mateo 13:10

Tääts ja Jesús ja y'ijxpëjkpëtëjk nyimiinëtë ets yajtëëwëtë pën tii ko ja ja'ay tyaj'ijxpëky mëët ja ijxpäjtën.

Mateo 20:23

Tääts ja Jesús y'ëtsoowëtë: Wä'än jëtää xymyëmëta'aktëty ja ëyo'on ijxtëmës n'ëyowa'anyën, je'eyëp ko ja ënyääytyakn mëti'ipë jamën maas yë nkutujktaknën, ka'ap y'ëjtsëty xypyääty miits nmo'otëty. Jä'ä yajmo'otëp mëti'ipë ja nTeetyës të tuknipëjktaakën.

Marcos 10:40

e ko miits xy'amëtowtë ets m'u'unyëja'antë ëjts n'anajny n'aka'anyës, ka'ap y'ëjtsëty xypyaat'aty nmo'otëty, yë'ë yajmo'ojantëp pën të yajktuknipëjktaakëtën.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Dios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.