Mateo 12:45 - Biblia Dc en Mixe de Quetzaltepec

⁴⁵ Ënet tsyoony ets nëjkx tjaakwoy niwëxtujk ja myëku'oypyë ets jap tyëkëtë ma ja ja'ayën tsënääpyë; ja ja'ay ni'ik o'ktëy y'awinpity këtiinëm ënety jëtu'un të y'ity. Näyjyëtu'un jyata'antë ja ëxëëkja'aytyëjkëty mëti'ipë tyam juuky'ajtëpën.

Biblia Mixe de Quetzaltepec

⁴⁵ Ënät tsyoony ets nëjkx tjaakwoy niwëxtujk ja myëku'oypyë ets jap tyëkëtë ma ja ja'ayën tsënääpyë; ja ja'ay ni'ik o'ktëy y'awinpity këtiinëm ënäty jëtu'un të y'ity. Näyjyëtu'un jyata'antë ja ëxëëkja'aytyëjkëty mëti'ipë tyam juuky'ajtëpën.

Mateo 12:45 ပူးပေါင်းရင်းမြစ်များ

Mateo 12:24

Ko ja fariseë ja'ayëty jëtu'un tmëtoowtë, ënät y'ënantë: Yë ku'oypyë wintsën ya'atë ja'ay mooyëp yë myëk'ajtën, paaty yë ku'oypyë t'ixkexy.

Mateo 12:44

Wimpitëpës ënät jatëkok maas të ntsoonyën. Ko wyimpity jëtu'un ja ja'ay tpaaty tä tu'uk yë tëjkën tukwa'atspë, päätë'ëky ja'axë'ëky.

Mateo 17:21

Yë ku'oypyë jëwa'kp näjyëtu'un ko ja'ay Dios tja'amyetsy ets ko ja'ay y'ayuu'aty.

Mateo 23:15

Mon tuk miitsëty myajpaatë, yaj'ijxpëjkpëtëjkëty mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Mtuknajxtaaytyëp miits ja naaxwiinyëtë ets ja mejy ko ja mja'ay xy'ixta'atë, ets ko xypyaatë ja mja'ayëty, wäänëni'ik ëxëëk xyajjat xyajkëpätë ets nyëjkxëty jap ëyoowtaknjoty këtiinëm miitsëty.

Mateo 23:24

Miitsëty, wiints tyu'uwinwoop, axity miits winë xy'uuktë ets ja tsukts ka'ap nyaxëty, je'eyëp ko jëtu'un miitsëty ijxtëm jeexyë xyjyëëntë ja jëyujk mëti'ipë mëjën.

Marcos 16:9

Ko ja Jesús jyuukpyijky, sëmaan'ëjxy jopyëp; Maria Magdalena ojts y'ixyë jëyëjp, mëti'ipë ënety tëë ja ku'oypyë niwëxtujk y'ëxmatsyën.

Marcos 5:9

Tääts ja Jesús tyajtëëy: ¿Ti mxëëw'ajtyp? Ets ja ku'oypyë y'ëtsooy: Legiónkës nxëëwajtyp, jä'ä koos nimay'atë.

Lucas 11:26

Ënet tsyoony ets nëjkx tjaak woy ja myëmëjku'u niwëxtujk ets ënät tuktëkëtë ja ja'ay; tsënaaytyakn twa'antë ets ja ja'ay wäänë ëxëëk jyajnë ka'ap jyëtu'unëty ko ijty tu'uk ja ku'oypyë tmëëtëty.

Efesios 6:12

Jä'ä ko ka'ap jyä'äyëty mëët ntsiptu'unëm, yë'ë mëët ntsiptuntë mëti'ipë tsajpwinm yajkutujktëpën; kutujkënmëëtpë, mëk'ajtënmëëtpë ets mëti'ipë ënä'ämtëpën ma ja ja'ay tkamëmëtowtën ja Dios.

Hebreos 10:39

Ka'apës njëtu'un'atë ijxtëm y'ëtë'ëtstën mëti'ipë tu'utëkajtstëpën ets tyu'utëkoytyë, yë'ëjës nmëjwa'kpäjtëp mëti'ipë mëpëjktëpën ets ja nitsokën tpaatë.