Mateo 12:36 - Biblia Dc en Mixe de Quetzaltepec

³⁶ E ëjts, jëtu'un yam miits n'ënëëmëtë, ko ja paye'eyën tyunëtëty, nëjkxëp xynyikajpxta'atë ja ëxëëk aaw ëxëëk ayuk mëti'ipë ënety të xykyajpxtën.

Biblia Mixe de Quetzaltepec

³⁶ E ëjts, jëtu'un yam miits n'ënëëmëtë, ko ja paye'eyën tyunëtëty, nëjkxëp xynyikajpxta'atë ja ëxëëk aaw ëxëëk ayuk mëti'ipë ënäty të xykyajpxtën.

Mateo 12:36 ပူးပေါင်းရင်းမြစ်များ

Eclesiastés 12:14

Yë Dios yë'ë xyajtëwa'anëmë wi'ix tu'uktu'uk të njuuky'ajtëmë, oy ënety ëxëëk ëkë oy të njuuky'ajtëmë ets oy ënety tii yu'utsy me'ty të ntu'unëmë.

Mateo 10:15

Tëy miits n'ënëëmëtë, ko nëjkx tpaaty ja paye'eyën, wäänë këjää tääpë kajpn ja ëyo'on yajmo'otëty këtiinëm ja Sodomë ets Gomorra itjot.

Mateo 11:22

Temë jëtu'un miits n'ënëëmëtë, ko nëjkx ja naaxwiinyëtë ja'ay yajpaye'ey ja nyëë pyoky, wäänë mëk nëjkx miits myajtëytyuntëty këtiinëm ja ja'ay mëti'ipë tsënaaytyëp jam Tirë ets Sidón.

Mateo 12:37

Jä'ä ko mkë'ëm'aaw mkë'ëm ayuk nëjkx myajtukpaye'eytyë; oytyuuy mwë'ëma'antë pën oy ënety winë të xytyuntë; ëxëëktum pën ëxëëk ënety winë të xytyuntë.

Romanos 14:12

Paaty, ni'ëmukë ëëtsajtëm nëjkx nwinkuwa'këmë ja Dios ets ntuk'ëwa'anëmëty tii ënety të ntu'unëmën.

Romanos 2:16

ko ënety ja xëëw tpaaty ma ja Dios tnipaye'eyä'änyën tëkokyë mëti'ipë yu'utsy'ijtpën mëët ja Jesukristë ja xyëëw, jëtu'un ijxtëmës ja oy aaw oy ayuk të nimëtyä'äkyën.

Santiago 3:6

Näyjyëtu'un yë aaw yä'än ijxtëm yë jëënën, ëxëëktuump ko tii oy tkakäjpxy. Yä'änkëjxm ja ja'ay ja nyi'kx kyopk myä'äty. Jëtu'un ja aaw yä'än ijxtëm jeexyë tyooypyikyën ja jëën mëti'ipë ëyoowtaknjoty tso'onpën ets tyooytyä'äy ja ja'ay jënu'un jyuuky'atën.

Apocalipsis 20:12

Ets n'ijxyës ja o'kpë jam tyänëtë mëj mutsk kutujktakn wintum. Tääts ja noky ojts yaj'akëëywyä'kxy ets yaj'ixy wi'ix të tyuntën nitu'ukjaty, ets näjyëtu'un wiinkpë noky ojts yaj'akëëywyä'kxy ma ja ja'ay ja xyëëw jap y'itën mëti'ipë xëmëkyëjxm juuky'ajtëpën. Jëtu'unts ja o'kpë ni'ëmukë yajpaye'eytyë.