Mateo 12:26 - Biblia Dc en Mixe de Quetzaltepec

²⁶ Näyjyëtu'un ja ku'oypyë, pën y'ixkejxyp ja myëku'oypyë, tëë ënety kë'ëm nyäyajwä'kxyë; ¿wi'ixtsën ja myëk'ajtën kyutujkën tmëët'ata'any?

Biblia Mixe de Quetzaltepec

²⁶ Näyjyëtu'un ja ku'oypyë, pën y'ixkejxyp ja myëku'oypyë, tëë ënäty kë'ëm nyäyajwä'kxyë; ¿wi'ixtsën ja myëk'ajtën kyutujkën tmëët'ata'any?

Mateo 12:26 ပူးပေါင်းရင်းမြစ်များ

Mateo 13:19

Ja tëëmt mëti'ipë ojts kyä'äyën tu'ujotm, jëtu'un jä'ä ijxtëm ja ja'ayëtyën mëti'ipë të t'amëtoow'itën ja Dios ja y'aaw y'ayuk ets ka'ap tja'akyukëtë; ënät myiiny ja mëjku'u ets pyëjkxëtë ja Dios ja y'aaw y'ayuk mëti'ipë të jyayajni'ipyën ma jyot wyinma'anyën.

Mateo 4:10

Ënet ja Jesús y'ëtsooy: Nëjkx mëjku'u, jëtu'un ja Dios y'aaw y'ayuk kyëxja'ayëty: wintsë'ëkë mWintsën Dios. Yë'ë tu'ukyë m'ëwtatëp ets xymyëmëtowëty.

Mateo 9:34

E ja fariseë ja'ayëty jä'ä ja y'ënantëpë: Ku'oypyë wintsën ya'atë ja'ay, paaty yë mëk'ajtën tmëëtëty ets t'ixkäxëty yë ku'oypyë.

Juan 12:31

Tyam të tpaaty ma ja naaxwiinyëtë ja'ay yajpaye'etyëtyën ets yaj'ëxwopëty mëti'ipë nyiwintsën'ajtypyën ja naaxwiinyëtë winma'any.

Juan 14:30

Ka'apës nëkooyë n'ëkmëtya'akanë mëët miitsëty, jä'ä ko tää wyinkony mëti'ipë ënä'ämpën yaa naaxwiiny; oy tkamëët'aty nitii mëk'ajtën ma ëjtsën,

Juan 16:11

pën nëjkx t'ëxajëtë ja Dios ja tyiytyu'unën: mëti'ipë ënä'ämpën yaa naaxwiiny naaxkëjxy, tëë nyitukë.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

Colosenses 1:13

Tëë ja Dios xyaj'ëwa'atspëtsë'ëmëm ma ja ku'oypyë yajkutukyën ets tëë xypyëjktakëm ma yajkutukyën ja y'U'unk, mëti'ipë ni'ik tsyojkpyën.

1 Juan 5:19

Nnija'awëm ko ëëtsajtëm Dios xyjyä'ä''ajtëm, tu'kë'ëyë ja naaxwiinyëtë atsojkën ku'oypyë jä'ä'ajtëp.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Apocalipsis 16:10

Ënet ja mëmëkoxkpë ja tsajpjotmëtë kukäjpxy tyajtukwatsy ja y'a'ukën ma ja mëj jëyujk kutujktaknën ets kyootsëtyääy mapaat ja jyä'äy t'ëne'emyën, jëtu'unts ja ja'ay je'eyë yä'än t'atsu'tsmuktë mëët ja pëjkën ato'onën;

Apocalipsis 9:11

Jam tu'uk ja tsajpjotmëtë kukäjpxy mëti'ipë tso'onpën ëyoowtaknjotm, yë'ë nyiwintsën'ajtyp ja maymyu'u. Abadón yajtijy ma hebreo ayukën ets ma griego ayukën, Apolion.