Mateo 12:25 - Biblia Dc en Mixe de Quetzaltepec

²⁵ Nyija'awëy ja Jesús wi'ix ja ja'ay myäytyën tyajtën, paaty t'ënëmaay: Tu'kë'ëyë naax kajpn mëti'ipë kanaakpëky të nyäwyä'kxyën aak mëtsip nye'ixëtë, tääts kë'ëm nyäyajkutëkoyë; näjyëtu'un ja kajpn ëkë ja'ay tu'kjëën tu'ktëjkpë të nyäwya'kxëtën ¿wi'ix ja myëk'ajtën kyutujkën t'ëkmëët'atëty?

Biblia Mixe de Quetzaltepec

²⁵ Nyija'awëy ja Jesús wi'ix ja ja'ay myäytyën tyajtën, paaty t'ënëmaay: Tu'kë'ëyë naax kajpn mëti'ipë kanaakpëky të nyäwyä'kxyën aak mëtsip nye'ixëtë, tääts kë'ëm nyäyajkutëkoyë; näjyëtu'un ja kajpn ëkë ja'ay tu'kjëën tu'ktëjkpë të nyäwya'kxëtën ¿wi'ix ja myëk'ajtën kyutujkën t'ëkmëët'atëty?

Mateo 12:25 ပူးပေါင်းရင်းမြစ်များ

1 Reyes 16:21

Ënet ojts ja Israel kajpn nyäwyä'kxyë mäjtskpëky. Tu'kpëky jä'ä pyutëjkëp ja Tibní, Guinat yë myaank ets yë'ë yajkutukëty, e jatu'kpëky jä'ä pyutëjkëp ja Omri.

Salmos 139:2

Wa'ats xynyijawë tiijës ntuunpy nkäjpxypën, ets jëkämpaat xynyijawë wi'ixës nmay ntajyën.

Isaías 9:21

Ja Manasés ja'ay nyipëtë'knëtëp ja Efraín ja'ay, ja Efraín ja'ay nän nyipëtë'knëtëp ja Manasés ja'ayëty ets yë'ëjëty tëë näjyëtu'un tnipëtë'ëktë ja Judá ja'ayëty. Ja Wintsën kä'äpyëm jyotxeemy, je'eyëm ja ëyo'on jotmay tyajkëtä'äky.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Amós 4:13

Yë Wintsën mëti'ipë yajkojën yë tun kopk ets poj, mëti'ipë tyuknija'apën yë naaxwiinyëtë ja'ay tii tyunäämpyën, mëti'ipë yaj'awinpijtypyën yë kootspë të'kxën jajën, mëti'ipë y'aye'epyën yë itjot naaxjot këjxmëtypë naaxwiinyëtë apëtsëmy. Wintsën, Dios mëti'ipë maaytyääyëpën winë txëëwaty.

Mateo 9:4

Nyija'awëy ja Jesús wi'ix ënety myäytyë tyajtën. Tääts yajtëëwëtë: ¿Tii ko ëxëëk winma'any xymyëët'atë?

Marcos 2:8

Näy ënätyë ja Jesús tnija'awëy ko ja ja'ay jëtu'un myäytyë tyajtë ets t'ënëmaay: ¿Ti ko miits jëtu'un mmaytyë mtajtë?

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

1 Corintios 2:11

¿Pën jëtää y'ëknija'ap tii yë ja'ay myääpy tyäjpy, këtii yë'ëjëty kë'ëm ja ja'ayë? Näyjyëtu'un ka'ap pën nijawë mëti'ipë ja Dios myääpy tyäjpyën, yë'ë ja Dios ja Jya'awën kë'ëm nyija'ap.

Gálatas 5:15

Ko aak miitsëty kë'ëm mnäykyäy mnätsyu'utsëtë ijxtëm ja tënë'k nyätsyu'uts nyäwyëtsëtën winpity atëjy, kë'ëm nëjkx mnäyajkutëkoyëtë.

Hebreos 4:13

Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Apocalipsis 16:19

Ënet ja mëj kajpn tëkëëkpëky nyäwya'kxë ets ja jëën tëjk kyëtaawtaay maajëty ja kajpnën naaxwiiny ets ja Dios tja'amyejtsy ja mëj kajpn Babilonyë ko tuk'uuka'any ja tsatsym nyëë, jä'ä jëtu'un tyijpy ko tmo'oja'any ja ëyo'on mëët ja tsip äkë.