Mateo 12:15 - Biblia Dc en Mixe de Quetzaltepec

¹⁵ Ko ja Jesús tnija'awëy, tääts jam tsyo'ony. Nimay ja ja'ay pyatso'onë. Jesús yajtsoktaay ja pa'amja'ay,

Biblia Mixe de Quetzaltepec

¹⁵ Ko ja Jesús tnija'awëy, tääts jam tsyo'ony. Nimay ja ja'ay pyatso'onë. Jesús yajtsoktaay ja pa'amja'ay,

Mateo 12:15 ပူးပေါင်းရင်းမြစ်များ

Mateo 10:23

Ko myajpajëtijta'aktëty ma tu'uk ja kajpnën, käknëjkxtë wiink kajpn. Tëy miits n'ënëëmëtë ko minëpës naamka'anëm ënety miits ja Israel it xye'ey'apëtsëmtë; ëjts, naaxwiinyëtë ja'ay y'U'unk.

Juan 11:54

Paaty ja Jesús ka'ap nikëxë'ëky y'ëkjëtijnë ma ja jutiistëjkën, jam ojts nyijkx ma ja itën wiinkonpë, të'ëts'itjotmëpë, ma ja kajpn txëëwatyën Efraín. Jamts ojts wyi'im mëët ja y'ijxpëjkpëtëjk:

Juan 7:1

Ko jëtu'un y'ëkjajty y'ëkkëpejty, jamtsow ja Jesús jyëtijty Galilea y'itjotm. Ka'ap ojts nyijkxy Judea y'itjotm, jä'ä ko yaj'ookanëp ënety ja jutiis ja'ayëty jam.

Mateo 19:2

May ja Jesús ja ja'ay pyatso'onë. Ojts ja pa'amja'ay may tyajtso'oky.

Marcos 6:56

Ko ja Jesús ijty nyijkxy oymyaajëty, kajpntum ëkë kamjotm, ënätyë ja ja'ay tpëjkta'aktë ja pa'amja'ay jam muum tu'ujotm. Jamts tmënu'kxta'aktë ja Jesús ets ja wyit pa'a tyo'onxëtëty oy jënu'unën ja pa'amja'aytyëjk; ets tu'kë'ëyë mëti'ipë tyoontëpën ja Jesús ja wyit, tsoktëp akëtaktëp poj'am.

1 Pedro 2:21

Paaty ja Dios të mmëkajpxëtë, jä'ä ko tëë ja Kristë mku'ëyowëtë ets të najtstunë mëti'ipë miits xykyuuy'ixtëpën.

Gálatas 6:9

Ka'ap n'ënu'kxëmëty ko ja oypyë ntu'unmëty. Ko ka'ap nwinmaaytsyëkajtsmëty, npatmëp ja oyajtën ko ënety ja tiempo tpaaty.

Juan 9:4

Ma tyam jyaakxënyëmëty, kopkpëky ko ntu'unmëty ja tyuunk mëti'ipës të xykexyën. Miimp ja kootsajtën ma ka'ap t'ëkjëkyäpnëtyën ets pën tyunëty.

Lucas 6:12

Jää po'o ja Jesús ojts nyijkx Dios mëkajpxpë kopkëjxm, tu'ktsu'um ja Dios ojts tja'amyetsy.

Lucas 5:22

Jesús, wa'ats ënety tnijawë wi'ix myäytyën tyajtën, paaty tyajtëëy: ¿Tii ko jëtu'un mmaytyë mtajtë?

Lucas 9:11

Ko ja mayjyä'äy tnija'awëtyë, tääts ojts tpanëjkxtë. Jesús kyupëjk ja mayjyä'äy ets tukmëmëtyäky ja Dios ja kyutujkën ets ja pa'amja'ay nimay tyajtsoky.