Mateo 12:14 - Biblia Dc en Mixe de Quetzaltepec

¹⁴ Ënet ja fariseë ja'ayëty tsyo'ontë ets tkäjpxy'ajtë wi'ix ja Jesús tyaj'ooka'antën.

Biblia Mixe de Quetzaltepec

¹⁴ Ënät ja fariseë ja'ayëty tsyo'ontë ets tkäjpxy'ajtë wi'ix ja Jesús tyaj'ooka'antën.

Mateo 12:14 ပူးပေါင်းရင်းမြစ်များ

Mateo 26:4

Jamts ojts tnimay tnitajëtë wi'ix ja Jesús tmatsa'antë awin'ëënë ets tyaj'ooka'antë.

Mateo 27:1

Ko xyiinytyäky, ni'ëmukë ja teety wintsëntëjk ets ja mëjja'aytyëjk ojts tkäjpxy'atë ko ja Jesús y'ookëty.

Marcos 14:1

Mäjtsk xëëw ënety tyëkoy'äty ets ja ëmaayxyëëw tpaatëty, ko ja ja'ay tkaytyë ja tsajpkääky ka'apë levadura tmëëtëtyën, ënät ja teety wintsëntëjk ets ja tsajptëkotyëtë yaj'ijxpëjkpëtëjk t'ixtaaytyë ja ënëëmëtyä'äky wi'ix yajmatsëtyën ja Jesús ets tyaj'ooka'antë.

Marcos 3:6

Ënet ye'epyëtsëëmtë ja fariseë ja'ayëty tsajptëkoty ets ënätyë tmëëtmëtyaktë ja Herodes ja jyä'äyëty ets tkäjpxy'ajtë wi'ix ja Jesús tyaj'ooktëtyën.

Lucas 22:2

Ja teety wintsënëty ets ja tsajptëkotyëtë yaj'ijxpëjkpëtëjk jä'ä y'ixtaaytyëp ja winma'any wi'ix ja Jesús tyaj'ooktëtyën, je'eyëp ko tsyë'këtëp ja mayjyä'äy.

Lucas 6:11

E ja wiink ja'ayëty ojts jyoot'anpëktë ets xim yam nyäyajtëëwëtë wi'ix ja Jesús t'ëktuntëty.

Juan 10:31

Ënet ja jutiis ja'ayëty jatëkok tkoonë'ktë ja tsaa ets tjaka'atsantë ja Jesús,

Juan 10:39

Tääts ojts tjamatsa'antë jatëkok, je'eyëp ko ojts ja Jesús ye'eytyëkoy.

Juan 11:53

Jä'ä xëëw ja kutuunktëjk ojts tkäjpxy'atë ets ja Jesús tyaj'ooka'antë.

Juan 11:57

Ja fariseë ja'ayëty ets ja teety wintsënëty tëë ënety tni'ënä'ämëtë ko pën tnijawëty maa ja Jesús, ënätyë tnikajpxëty ets yajmatsëty.

Juan 5:18

Paaty ja jutiis ja'ayëty tjantyyaj'ooka'antë, jä'ä ko ka'ap yi'iyëty po'kxënxëëw tka'ëmaay'äty, näjyëtu'un nyätyijyë ko Tiosëty, jä'ä ko y'ënä'äny ko Dios teety'äty.

Juan 7:30

Ënet ojts tjamatsa'antë, je'eyëp ko ni pën ojts tkanixajë, jä'ä ko ka'anëm ënety ja nyixëëw tpaatynyëm.

Juan 7:32

Ko ja fariseë ja'ayëty tmëtoy'ajtëy ko ja ja'ay ja Jesús tnikäjpxy tnimëtya'aktë, ënät yë fariseë ja'ayëty ets ja teety wintsënëty ojts tkäxtë ja mëjtsajptëjk këwent'ajtpë ets tmatstëty ja Jesús.

Juan 7:44

Tam jënaakën mëti'ipë ojts tjamatsa'antën, je'eyëp ko ka'ap tmajtstë.

Juan 8:59

Ënet ja tsaa tkoonë'ktë ets tjaka'atsantë ja Jesús; je'eyëp ko näyu'tsë ënätyë ets pyëtsiimy ma ja mëjtsajptëjkën.