Mateo 12:10 - Biblia Dc en Mixe de Quetzaltepec

¹⁰ Tap ënety tu'uk ja ye'etyëjk mëti'ipë ja kyë'ë të'ëtsën tu'k'atu'um; ja ja'ayëty mëti'ipë myëtsip'ajtëpën ja Jesús ënätyë ojts wyinma'any'ixta'atë wi'ix t'ëkyajka'atëty ja Jesús, paaty t'ënëmaaytyë: ¿Mëpaat'ajtp tu'uk yë pa'amja'ay tsyo'oky säpëtë xëëwë?

Biblia Mixe de Quetzaltepec

¹⁰ Tap ënäty tu'uk ja ye'etyëjk mëti'ipë ja kyë'ë të'ëtsën tu'k'atu'um; ja ja'ayëty mëti'ipë myëtsip'ajtëpën ja Jesús ënätyë ojts wyinma'any'ixta'atë wi'ix t'ëkyajka'atëty ja Jesús, paaty t'ënëmaaytyë: ¿Mëpaat'ajtp tu'uk yë pa'amja'ay tsyo'oky säpëtë xëëwë?

Mateo 12:10 ပူးပေါင်းရင်းမြစ်များ

Lucas 13:14

E ja tsajptëjk wintsën ojts tukjoot'anpëky ja Jesús ko ja to'oxytyëjk ojts tyajtso'oky po'kxënxëëwjoty paaty ja ja'ay t'ënëmaay: Tëtujkxëëw nyikutukyëty ets ja'ay tyuntëty. Pën mtso'okantëp, mintë oyjyëna'ajëty ets ka'ap pyo'kxën xëëwjotyëty.

Juan 9:16

Ënet jënaakën ja fariseë ja'ayëty y'ënantë: Ja ja'ay mëti'ipë ya'atë tyuunpyën ka'ap yë'ëjëty Dios yajtunyë, jä'ä ko ka'ap yë po'kxënxëëw t'ëmaay'äty. Ets ja wiinkpë y'ënantë: ¿Wi'ix jëtää mëj'ajtën tunëty pën pokyjyä'äy? Tääts ojts nyäpyëjkwa'kxëtë xim yam.

Juan 8:6

Jëtu'un ojts tyajtëwtë yë'ë y'ëk'ixantëp wi'ix ja Jesús y'ëtsoy, ko kyajpxtëkoyëty tääts ni'ëënëja'antë. Ja Jesús ojts wyintä'äky ets jyääy naaxkëjxy mëët ja kyë'ëwa'axy.

Juan 5:10

paaty ja jutiis ja'ayëty t'ënëmaaytyë ja ja'ay mëti'ipë ënety të tsyo'okyën: Po'kxënxëëw tyam, ka'ap kyutukyëty ets tyam xykyiiyjyëtitëty yë mmaapäjn.

Lucas 11:54

ets jä'ä yajtëëwtëp wi'ix mëpaat ja Jesús kyajpxtëkoyën ets tni'ëënëja'antë.

Mateo 12:2

Ko ja fariseë ja'ayëty jëtu'un t'ijxtë, ënät t'ënëmaaytyë ja Jesús: Ix yë m'ijxpëjkpëtëjk y'ëtë'ëtstë, yë'ë tyuuntëp ka'apë mëpaat säpëtë xëëw yajtunyën.

Zacarías 11:17

Janty mon janty tuk yajpaaty yë kupixyny këwent'ajtpë mëti'ipë nyikekpyën yë kyupixyny. Wä'än jam tka'ay yë tëypyujxn ma y'a'oykyë'ëjën ets ma a'oypyë wyiinën.

Isaías 32:6

Jä'ä ko yë ëxëëk ja'ay ëxëëkëty kyäjpxy myëtyä'äky ets aak ëxëëkjaty tii tnimay tnitajë; yajja'ay ookaanp je'eyë ets wiinkjaty tnimëtyä'äky ja Wintsën; ja mëti'ipë ja yuu'o'këpën ka'ap tkääky mye'ey; mëti'ipë tëtsëpën, ka'ap tyajnëë'uuky.

Juan 5:3

Jamts ja maypya'am ja'ay kyo'knëtë ets ja wiintspë, kë'ëma'atpë tekymya'atpë ets ja xujxpë.

Lucas 23:2

Jamts tni'ë'ënëtyë ets y'ënantë: Tëës ya'atë ja'ay nkupaatëtë ko t'akajpxë ja naax kajpn. Jëtu'un y'ënä'äny ets ka'ap yajmo'ojëty ja këpäjtën ja yajkutujkpë kopk César ets nän ënaanp ko yë'ëty Kristë, yajkutujkpë.

Lucas 23:14

ets t'ënëmaay: Miits ya'atë ja'ay xytyuknimiintëpës ets m'ëna'antë ko yë'ë t'akajpxë ja naax kajpn. Tëës npaye'ey, nyajtëy nyajtëtä'äky miits mwintuuyëty, ka'apës tii poky të npaaty ma yë'ëjën mëti'ipë miits mtukni'ë'ënëtëpën.

Lucas 20:22

¿Oy jëtää ko ja yajkutujkpë César nmëkëpäjtmëtyë ëkë ka'apë?

Mateo 19:3

Tam ja Farisejë ja'ayëty näjyëtu'un yajpaatë, yë'ë ja Jesús wyinma'any'ixantëp je'eyë ets tyajtëëwtë: ¿Kutujkp ets ja ye'etyëjk t'ëxmatsëty ja tyo'oxytyëjk ko tii tuk'ijxma'atëtyë yiinpë wäänpë?

Isaías 59:13

Tëës yë Wintsën nkäjpxykyumëtoownaxtë ets ka'ap të nmëj'ixtës, ka'apës të ntsoktë mpanëjkxtëty; ja tsiptu'unën jä'äs të n'akajpxtë ets ja njëëky nmëku'ukëtyës të nkë'ëyaktë, yë'ë të yajmay të yajtajy wi'ix nwin'ëëntëtyës ja nmëku'ukëtyës.

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Marcos 3:2

Tap ja ja'ayëty mëti'ipë y'ijxtaaytyëpën ja winma'any pën tii y'ëktukni'ë'ënëtyëp ja Jesús, jä'ä nyijawëjantëp pën y'ëkyajktsokpy ja pa'amja'ay po'kxënxëëwjoty.

Juan 7:23

E miitsëty ko xykyaninaxa'antë ja Moisés ja y'ënä'ämën, mnatsujk'ëwtijtëp ja mëxu'unk ja ye'etyëjkajtën po'kxënxëëwjoty. ¿E tiits ko xywiinkjawëtë koos nyajtso'oky po'kxënxëëwjoty tu'uk ja pa'amja'ay?