Mateo 11:8 - Biblia Dc en Mixe de Quetzaltepec

⁸ Ets pën ka'ap, ¿tii ojts xynyinëjkxtë ets tii ojts xy'ixtë? ¿Tu'uk ja ja'ay janty tsujpë xyoxyëtyënë? Mnija'awëtëp miits mëti'ipë janty tsuj näxyojxëtëpën, jam ja y'itë ma ja yajkutujkpë tsyëënëtën.

Biblia Mixe de Quetzaltepec

⁸ Ets pën ka'ap, ¿tii ojts xynyinëjkxtë ets tii ojts xy'ixtë? ¿Tu'uk ja ja'ay janty tsujpë xyoxyëtyënë? Mnija'awëtëp miits mëti'ipë janty tsuj näxyojxëtëpën, jam ja y'itë ma ja yajkutujkpë tsyëënëtën.

Mateo 11:8 ပူးပေါင်းရင်းမြစ်များ

2 Reyes 1:8

Yë'ë wyit'ajtyp u'kxywyit ets jëtu'unyë nitëy'äty, tam pyo'owëën, jëtu'un y'ëtsoowtë. Elías yë'ë, mëti'ipë jam kukajpn'ajtpën Tisbé. Jëtu'un y'ënäny ja yajkutujkpë.

Isaías 20:2

Jä'ä jëmëjt ojts yë Wintsën tmëkäjpxy yë Jeséas, Amós yë myaank ets t'ënëmaay: Jän tääpë wit mëti'ipë kuumpën u'kxpën, jän näjyëtu'un yë mkë'ëk. Ënet yë Jeséas tjantyjyeeny yë wyit ets nyätyuktekyjyääntutë yë kyë'ëk.

Zacarías 13:4

Jä'ä xëëw ja käjpxynyajxpëtëjkëty je'eyë nëjkx tsyëtyuntë jyääypyätë ko ënety nikajpxtë nyätyijyë mëti'ipë të t'ijxpëtsëmtën. Ni pën nëjkx kyawin'ëëny oy ënety tjapëjktä'äky ja po'o'ak mëti'ipë yajtuuntëpën yë käjpxynyajxpëtëjkëty,

Mateo 11:7

Tëë ënety tsyo'onëtë ja Juan ja kyexyye'epyë, ko ja Jesús tnimëtyaktëjkëy ja Juan, jëtu'un y'ënäny: ¿Tii ojts xynyinëjkxtë jam të'ëts'itjotm ets wi'ix ojts xy'ixtë? ¿Ojts xy'ixtë ja tsajpkäpyny tëëpë wyimpojtaaynyënë?

Mateo 11:9

Pën ka'ap jyëtu'unëty, ¿tiits ko m'ojtstë? ¿Yë'ë ojts xy'ixtë tu'uk ja Dios kyäjpxynyajxpë? Jëtu'un, mëtëy yë'ë ets jä'ä mëti'ipë ni'ik mëj'äämpyën këtiinëm ja Dios kyäjpxynyajxpë.

Mateo 3:4

Jëyujk jëku'ux ak ijty yë Juan nyixox'ajtyp, po'o wyëën'ajtyp, mu'u tsyu'tsyp ets uuxpa'ak y'ukpy.

Lucas 7:25

E pën ka'ap, ¿tii ojts xynyinëjkxtë ets xy'ijxtë? ¿Tu'uk ja ja'ay janty oypyë xyoxyëtyënë? Mnija'awëtëp miits mëti'ipë ja ja'ay oy ja wyit nätyukxojxëtëp ets janty'oy nyäyaj'itëtë, jam yajpaatë ma yajkutujkpë tyëjkën.

1 Corintios 4:11

Tyampaatës ja ëyo'on n'ixtë npaatë, ja yuu tëëtsë ets ko ja wit xox kyaka'ty, ëxëëkjaty ja ja'ay xytyuntës, ka'apës tii ja njëën ntëjkëty.

2 Corintios 11:27

Tëës nmënaxy nyajnaxy ja tuunk mëkpë tsaatsypë ets ja amay jotmay, ma nkama'ay nkapo'kxyës, ma ayuu nëëtëëtsë të n'ityësën ets ma ja potmjot näjyëtu'un të nyajnaxyës ets ko ja nwit nxoxës të kyaka'ty.

Deuteronomio 28:54

Oy ënety tu'uk ja ja'ay janty tëtä'äky jyä'äy'äty ets janty oyjyä'äy, ko ja yuu xëëw y'itëty ëxëëk nëjkx ja myëkä'äx t'ijxnë ets ja y'u'unk tyo'oxytyëjk, y'u'unk y'ëna'k mëti'ipë ënety mëk të tsokyën.

Apocalipsis 11:3

Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.