Mateo 11:7 - Biblia Dc en Mixe de Quetzaltepec

⁷ Tëë ënety tsyo'onëtë ja Juan ja kyexyye'epyë, ko ja Jesús tnimëtyaktëjkëy ja Juan, jëtu'un y'ënäny: ¿Tii ojts xynyinëjkxtë jam të'ëts'itjotm ets wi'ix ojts xy'ixtë? ¿Ojts xy'ixtë ja tsajpkäpyny tëëpë wyimpojtaaynyënë?

Biblia Mixe de Quetzaltepec

⁷ Tëë ënäty tsyo'onëtë ja Juan ja kyexyye'epyë, ko ja Jesús tnimëtyaktëjkëy ja Juan, jëtu'un y'ënäny: ¿Tii ojts xynyinëjkxtë jam të'ëts'itjotm ets wi'ix ojts xy'ixtë? ¿Ojts xy'ixtë ja tsajpkäpyny tëëpë wyimpojtaaynyënë?

Mateo 11:7 ပူးပေါင်းရင်းမြစ်များ

Génesis 49:4

Pyaatäämpy ja xëëw jëmëjt ma mijts ka'ap m'ëk jëyëjp'ajnëty, jä'ä ko jëtu'un mijts mja'ay'äty tä mëj nëëkomën, mëti'ipë ka'ap tjëkyepy yaj'ëtukëtyën. Mijts ka'ap të xywyinkutsë'ëkë yë nmaapäjnës, mëëtko'knaay ja to'oxytyëjk mëti'ipës ënety mëët jëtu'unyë ntsëënën.

Mateo 11:8

Ets pën ka'ap, ¿tii ojts xynyinëjkxtë ets tii ojts xy'ixtë? ¿Tu'uk ja ja'ay janty tsujpë xyoxyëtyënë? Mnija'awëtëp miits mëti'ipë janty tsuj näxyojxëtëpën, jam ja y'itë ma ja yajkutujkpë tsyëënëtën.

Mateo 12:20

Jëtu'un yë'ë ijxtëm tu'uk ja ja'ayën mëti'ipë ka'ap tëjyën ja tsajpkäpyny mëti'ipë tëjjanëpën, ets ijxtëm tu'uk ja ja'ayën mëti'ipë kyayajpi'tsypyën ja jëën mëti'ipë pi'itsanëpën, koonëm tyajmëta'akëty ja oypyë ja nipaye'eyën,

Mateo 3:5

Ninëjkxëp ja ja'ay ets y'amëtoow'ityë mëti'ipë tso'ontëpën jam Jerusalén ets Judea y'itjotm, näjyëtu'un mëti'ipë myëwinkon'ajtëpën ja Jordán mëjnëë.

Lucas 8:18

Mëtowtë yajxon. Pën may tii myëët'ajtyp, wäänëni'ik jyaak timyajmo'oja'any; pën yiin wäänë tii myëët'ajtyp, yajpëjkëjaanp tu'kë'ëyë mëti'ipë ënety jyamëët'ajtypyën.

Juan 1:38

Tääts ja Jesús y'ijxwinpijty. Ko t'ijxy tää pyaminëtë ets tyajtëëy: ¿Tii m'ixtaaytyëp? Tääts y'ëtsoowtë: Wintsën: ¿Maa të mja'ajtä'äky?

Juan 5:35

Jëtu'un ja Juan ijty ijxtëm tu'uk ja jëën tyoyën ets kyutë'kxy, ets miitsëty ojts wäänë ja kyutë'kxn xytyukxontë.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

Santiago 1:6

Mëët yë mëpëjkën tii t'amëtowëty ets ka'ap kyumay kyutajëty; jä'ä ko pën kuma'ay kutajëp jëtu'un yë'ë ijxtëm yë nëë jyä'tsminy jyä'tsxëpyën, ko pyojminy pyojxëpy.