Mateo 11:21 - Biblia Dc en Mixe de Quetzaltepec

²¹ Mon tuk myajpaatë miitsëty Corazín ja'ayëty ets Petsayëtë ja'ayëty, mëët ko të mkamëpëktë ets ko të xykyayaj'oyëtë mjot mwinma'anyëty. Ko jeexyë ja Dios ja myëj'ajtën të tyuny të jyätyë jam Tirë ets Sidón ijxtëm të tyuny të jyätyën ma miitsëtyën, tëëyëp ja nyajjootwinpijnëtë ets tëëyëp ja u'kxypyë wit natuktëjkënëtë, ets ja kuyjaam nyanätyukniwëjënëtë.

Biblia Mixe de Quetzaltepec

²¹ Mon tuk myajpaatë miitsëty Corazín ja'ayëty ets Petsayëtë ja'ayëty, mëët ko të mkamëpëktë ets ko të xykyayaj'oyëtë mjot mwinma'anyëty. Ko jeexyë ja Tios ja myëj'ajtën të tyuny të jyätyë jam Tirë ets Sidón ijxtëm të tyuny të jyätyën ma miitsëtyën, tëëyëp ja nyajjootwinpijnëtë ets tëëyëp ja u'kxypyë wit natuktëjkënëtë, ets ja kuyjaam nyanätyukniwëjënëtë.

Mateo 11:21 ပူးပေါင်းရင်းမြစ်များ

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

Jeremias 13:27

Tëës n'ixy ja mjot mwinma'any, wi'ix ka'ap xywyintsë'ëkën ja mniye'etyëjk, ja tsëtyu'unmëëtpë ja tuunk ko jëtu'un m'ëtë'ëtsy tä tu'uk ja to'oxytyëjkën mëti'ipë jyot nyini'kx tyo'kpyën yäjkpyën, ko xytyuny ja ka'apë tyuunëtyën jam tunkëjxm kopkkëjxm. Janty mon janty tuk jëtu'un myajpaaty. ¿Jëna'a jyëjpkëxa'any tääpë jëtu'unpë ëxëëk tuunk xyajtu'uye'eyën?

Joel 3:4

¿Tiitën mtsojktëp ma ëjtsën? miitsëty Tirë ja'ayëty, Sidónja'ayëty ets Filistejë ja'ayëty. ¿Jam tii ëxëëk xytyuunwinpita'antë? ¿Ëkë jamës tii xytyukkëpäta'antë? Oy ko xytsyoktë, tyam nmo'otëty mëti'ipë mnitëjkëyëtëpën.

Amós 1:9

Jëtu'un yë Wintsën y'ënä'äny: Yë Tirë ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts tkë'ëyaktë yë naax kajpn mëti'ipë ënety mëët ja käjpxytyu'unën të tuntën, jëtu'un tä tu'uk ja'ay tu'kmëkä'äx tii tkäjpxytyunyën ets tkë'ëyajktë jam ma Edom ja'ayëtyën.

Mateo 11:22

Temë jëtu'un miits n'ënëëmëtë, ko nëjkx ja naaxwiinyëtë ja'ay yajpaye'ey ja nyëë pyoky, wäänë mëk nëjkx miits myajtëytyuntëty këtiinëm ja ja'ay mëti'ipë tsënaaytyëp jam Tirë ets Sidón.

Mateo 15:21

Tääts ja Jesús jam tsyo'ony ets ojts nyijkxy jam Tirë ets Sidón.

Mateo 18:7

Ëxëëk tjapaaty ko yaa naaxwiiny naaxkëjxy yi'iyë jää'ajtp wi'ix ja'ay pyokytyunëtyën. Jää'ataanp yë xëmë, je'eyë ko ja ja'ay mëti'ipë ja myëku'uk yajpokytyuunpyën ëxëëk ja jyata'any kyëpäta'any.

Mateo 26:24

Jëtu'unës nja'ata'any ijxtëm kuja'ay myinyën. Temë tääpë ja'ay mëti'ipës xykyë'ëyakaanpën, oyxyëp të kyaminy naaxwiinyëtë.

Marcos 3:8

Ko tnija'awëtyë ja'ay mëti'ipë tyuunpy kyäjpxypën ja Jesús, tääts may ojts ninëjkxtë. Tam mëti'ipë tso'ontëpën Judea, Jerusalén, Idumea; tam mëti'ipë tso'ontëpën nëë'awinm ma Jordán mëjnëë nyäxyën ets tam mëti'ipë tso'ontëpën Tirë ets Sidón.

Marcos 6:45

Ënätyë ja Jesús ja y'ijxpëjkpëtëjk tkukäjxëy kepy nëëwinye'epyëjoty ets nyëjkxtëty jam Betsaida ets ja Jesús ojts wäänë jyaak wë'ëmy ets nyäjyëkäjpxyë ma ja mayjyä'äyën.

Marcos 7:24

Tääts ja Jesús jam tsyo'ony ets ojts nyijkx Tirë ets Sidón. Ko ja tëjk jam tpaty, jamts tyëjkëy; ka'ap ja ja'ay tjatuknijawëja'any ko ënety jam të jyä'ty. E ka'ap ojts jëtu'un jyäty.

Marcos 7:31

Ojts jatëkok ja Jesús jam tsyoony Tirë ets ojts nyijkx Sidón ets jam jyä'äjty ma Galilea mejyën Decápolis y'itjotm.

Marcos 8:22

Tääts jyajtë jam Betsaida. Jamts ja Jesús yajtuknimiiny tu'uk ja ja'ay wiintspë ets ojts yajmënu'kxtä'äky tkë'ënixajëty ja wiints ets tyajktso'okëty.

Lucas 4:26

E ja Dios kä'äp tkejxy ja Elías ma ja to'oxytyëjk ja ku'ookpyën jam Israel, yë'ë yajktuknikäjxtë mëti'ipë ënety tsënaaytyëpën jam Sarepta, ma tu'uk ja kajpn yajpaatyën jam Sidón y'itjotm.

Lucas 6:17

Tääts ja Jesús tsyo'ony jam kopkëjxm mëët nimay ja y'ijxpëjkpëtëjk ets wya'ak'o'oyëy ma tu'uk ja joyën. Tam ënety nimay ja ja'ayëty të myuktë mëti'ipë tso'ontëpën Judea y'itjotm, Jerusalén ets mejy ëkë'ëmpë tsyoontën ma ja Tirë kajpnën ets Sidón kajpnën.

Lucas 9:10

Tääts ja Jesús ja y'ijxpëjkpëtëjk jatëkok jyajtë ets tukmëmëtyaktë ja Jesús, wi'ixëty ënety të tuntën winë. Ënet ojts wyoowtsoonëtë ets ëpëky yajnëjkxëtë jam Betsaida kyajpnjotm.

Juan 1:44

Ja Felipe mëët ja Andrés ets ja Pedro, Betsaida ijty kyukajpn'atë.

Juan 12:21

Yë'ë ojts nimintë ja Felipe, mëti'ipë kukajpn'ajtpën Betsaida, Galilea y'itjotm tääts tmëpëjktsoowtë: Wintsën, Jesús n'ixantëpës.

Hechos 12:20

Myëtsip'ajtyp ijty ja Herodes ja ja'ayëty mëti'ipë jam tsënaaytyëpën Tirë ets Sidón, mëti'ipë ojts nyäkyajpxëtë ko jam nyëjkxa'antë ma ja Herodes yajkutukyën. Oy ja Blasto tmëëtmëtyaktë ets kyupëjkëtë. Yë Blasto mëj wintsën ijty y'ity ma ja Herodes yajkutukyën. Ojts nëëmëtë ko oy mëët y'ita'antë ets ko ka'ap tiitsip mëët tuna'antë, jä'ä ko ja Tirë ets Sidón jam winë tyajtsoontë ma ja Herodes ja kyutujktaknën.

Hechos 27:3

Ënätës ntso'ontë Cesarea etsës nja'ajtë ma ja kajpn txëëwatyën Sidón. Jamts ja Julio ojts ja Pablo tnajtsmatsë ëwaatsëtum ets nëjkx tku'ixë ja myëku'uktëjk ets yajxon yajkaay yaj'ukë.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

Apocalipsis 11:3

Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.

Apocalipsis 6:12

Ko ja Kupixyny U'unk tyaj'ëwatsy ja mëtëtujkpë ja tsa'ayën, ënätës n'ijxy ko mëk ja ujx nyäjxy. Ojts ja xëëw yëk jyajta'ay, ijxtëm yëk witën mëti'ipë ja'ay pyëjktaktëpën ko pën y'ooky; ja po'o tsapts y'awinpijty ijxtëm ja ne'pynyën,