Mateo 11:17 - Biblia Dc en Mixe de Quetzaltepec

¹⁷ Tëës yë xuxn njatukxu'uxtës, miitsëty ka'ap të m'ätstë, tëëjës nja'ëwtë mon tuk, miitsëty ka'ap të mya'axtë.

Biblia Mixe de Quetzaltepec

¹⁷ Tëës yë xuxn njatukxu'uxtës, miitsëty ka'ap të m'ätstë, tëëjës nja'ëwtë mon tuk, miitsëty ka'ap të mya'axtë.

Mateo 11:17 ပူးပေါင်းရင်းမြစ်များ

Génesis 50:10

Ko jya'ajtë maa Goren-ha-adad y'itjotmën, mëti'ipë awinmtsow wë'ëmpën ma Jordán mëjnëëjën, ënät ojts jam tyu'ukmuktë ets mëj këjää tnimoon tnitujktë ja Jacob ko ënety të y'o'knë. Wëxtujk xëëw ojts jam yë José yajpaaty mon tuk mëët ko ënety ja tyeety të y'ooky.

1 Reyes 1:40

Tä tpatso'ontaaytyë ja Salomón, mëët ja xuxpë wojpë. Yajxon ja ja'ay nyä'ämnëtë mëët ja xoontakën, jëtu'un yajmëtoownë mëpaatëp yowë naaxwiinyëtë pyëjnë kyë'tsnë.

Isaías 30:29

E miitsëty ni'ikyë nëjkx mxoonta'aktë, ni'ikyë nëjkx m'ëwtë mya'axtë jëtu'un tä ja'ay xyëëwtunyën tu'ktsu'um; jotkujk nëjkx yajpaatë mjot mwinma'anyëty ijxtëm ja'ay tkuuy'etsyën xuxpë wojpë ko nyijkxy jam kajpnjotm ma ja Wintsën ja tyun kyopkën, ma ja Israel ja'ayëty tmëët'atën ja tsoktakn.

Jeremias 31:4

Tëë jatëkok nyaj'oyës ja mnaax mkajpn. Ets mminëty jatëkok akujk jotkujk mëët ja xuxn, ak ets äjtspë pujtpë.

Mateo 11:16

Ti ntukmë'ijxkijpxmëp ja tyampë ja'ayëty. Tsojk jëtu'un mpëjktakëm tä pi'k ëna'këtyën mëti'ipë kajpn itkujky ëyë'ktëpën ets ja myëku'uk tmëkajpxmuktë ets t'ënëëmëtë:

Mateo 11:18

E ko myiiny ja Juan ka'apë kyäy y'uukyën ijxtëm ja ja'ay kyäytyën y'uuktën, miitsëty jëtu'un m'ënantë ko ku'oypyë myëët'ajtyp.

Mateo 9:15

Tääts ja Jesús y'ëtsoowëtë: ¿Mëpaat jëtää ja ja'ay myontë tyuktë mëti'ipë kaaytyëp uktëp ma ja pëjkën ukën y'ityën ets pën jam yajpaaty ja ye'etyëjk mëti'ipë pëjkpën? Temë pyatäämpy ja xëëw jëmëjt ma nëjkx yajjëwoyën ja ye'etyëjk mëti'ipë pëjkpën, jäänëm tëy, jyëkyejpy mjanty ayuu'atëty.

Mateo 9:23

Ko ja Jesús jyä'äjty ma ja Israel ja'ay wintsën ja tyëjkën ets t'ijxy ja xuxpë wojpë tam nyänyipëjktaakëtë ets tyajnaaxtëkëja'antë ja o'kpë ets ja ja'ay jyë'ëtë ya'axtë,

Lucas 15:25

E ja myëj maank, jam ënety kyamjotm. Ko wyimpijty ma ja tyëjkën, ënät tmëtoowpaty ko ja ja'ay xyu'uxtë wyoptë, y'ätstë pyëktë.

Lucas 23:27

Janty nimay ja ja'ay tpanëjkxtë ets may ja to'oxytyëjk tnijë'ë tniya'axtë.

Lucas 7:32

Jëtu'un jä'äjëty ijxtëm ja u'unk ëna'k y'u'unyëtën maayjoty ets mëk nyämyëya'ax nyämyëjokëtë: Tëës njaxu'uxy, kä'äp miits të m'ätstë; tëëjës nja'ëy jë'ë ya'ax, ka'ap të mya'axtë.

Lucas 8:52

Nimay ja ja'ay ja kiixy u'unk tnijë'ë tniya'axtë ets ja Jesús y'ënëmaayëtë: Këtii mya'axtë, ka'ap yë kiixy u'unk të y'ooky, maap je'eyë.