Mateo 11:10 - Biblia Dc en Mixe de Quetzaltepec

¹⁰ Yë'ë Juan yajnimëtyakp ma ja Dios ja y'aaw y'ayuk myinyën kuja'ay, ko y'ënä'äny: Tyamës jëwyiin nkexy tu'uk ja nkäjpxynyajxpës ma mijtsën, ets ja mnë'ë mtu'u tnipëjktaakëty.

Biblia Mixe de Quetzaltepec

¹⁰ Yë'ë Juan yajnimëtyakp ma ja Tios ja y'aaw y'ayuk myinyën kuja'ay, ko y'ënä'äny: Tyamës jëwyiin nkexy tu'uk ja nkäjpxynyajxpës ma mijtsën, ets ja mnë'ë mtu'u tnipëjktaakëty.

Mateo 11:10 ပူးပေါင်းရင်းမြစ်များ

Isaías 40:3

Jëtu'un tu'uk ja aaw yo'kn yajmëtoy y'ënä'äny: Yaj'oyëtë ja në'ë tu'u ma ja Wintsën nyaxëtyën, tuk'akäätsëtë tëywyijtsnë ma nyajtswa'akëtyën ja nWintsën'ajtëm Dios, jam të'ëts'itjotm ma ka'ap tii y'ity wyintëyën.

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Malaquías 4:5

Ëk'ixtë: Ëjts yë'ëjës yam nkäxäämpy yë Elías yajkutujkpë, ma ka'anëm tpaatyën ja xëëw po'o ma ëyo'on jotmay y'ita'anyën.

Mateo 11:11

Tëy miits n'ënëëmëtë ko ni pën jëtu'un kyamëjjëty ijxtëm yë Juan Yajnëëpäjtpën. Jä'ä ko jam ma tsajpjotmëpë kuttujkën mëj'äämpy yë ja'ay nyäxy mëti'ipë mutsk näyajnajxëpën yaa naaxwiiny.

Mateo 11:3

ets tyajtëwtëty: ¿Mijts jëtu'un mëti'ipë minaanpën, ëkë njaak'ëwxijtëp ëëts ja wiinkpë?

Mateo 3:3

Yë'ë Juan Yajnëëpäjtpë ojts yaj'antijy, mëti'ipë yë käjpxynyajxpë Jeséas ojts tnikäjpxyën ko y'ënäny: Tu'uk ja mëto'owën yä'äxy jyoky jam të'ëts'itjotm: Nipëjktaakëtë ja Wintsën ja nyë'ë tyu'u, yaj'ëwa'atstë tu'uk ja në'ë tu'u tëypyë.

Marcos 1:2

Ijxtëm ja Dios ja kyäjpxynyajxpë Jeséas ja nyoky y'ënä'änyën: Nkejxypyës yë nkäjpxynyajxpë ma mijtsën jëwyiin jëyëjp, mëti'ipë ja tu'u nyipëjktakëpën.

Lucas 1:76

E mijts, u'unk maay, jä'ä nëjkx myajtijy: Dios ni'ik këjxmëpë kyäjpxynyajxpë, jä'ä ko jëyëjp mnëjkxa'any ma ja Wintsënën ets xynyipëjktaakëja'any ja nyë'ë tyu'u,

Juan 1:23

Tääts ja Juan y'ëtsoowëtë: Ëjts ja aaw ayuk mëti'ipë yaxp jojkpën të'ëts'itjotm: Yaj'ëwa'atstë në'ë tu'u tëypyë ma Wintsën nyaxëtyën, jëtu'un tä yë käjpxynyajxpë Jeséas y'ënänyën.