Mateo 10:7 - Biblia Dc en Mixe de Quetzaltepec

⁷ Ko jam mnëjkxtëty nikajpx nimëtya'aktë ko tää ja tsajpjotmëpë kuttujkën wyinkony.

Biblia Mixe de Quetzaltepec

⁷ Ko jam mnëjkxtëty nikajpx nimëtya'aktë ko tää ja tsajpjotmëpë kutujkën wyinkony.

Mateo 10:7 ပူးပေါင်းရင်းမြစ်များ

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Mateo 10:8

Yajtso'oktë ja pa'amja'ay ets mëti'ipë pu'uts mëëtën, yajjuukpyëktë ja o'kpë ets ixkäxtë ja ku'oypyë. Namëyajtën miitsëty të myajmo'otë ya'atë kuttujkën, këtii xynyipëktëty ko pën xyajtso'oktëty.

Mateo 11:1

Ko Jesús tukmëmëtyaktaay ja majkmäjtskpë y'ijxpëjkpë mëti'ipë tyuntëpën, ojts nyijkxy yaj'ijxpëjkpë, tkajpxwä'kxy ja Dios ja y'aaw y'ayuk maajëty ja kajpnën mëti'ipë jam yajpatpën ma Galilea y'itjotmën.

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kuttujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Mateo 21:43

Paaty miits n'ënëëmëtë: Myajpëjkëjantëp ja tsajpjotmëtë kuttujkën ets yë'ë yajmo'oja'antë ja kajpn mëti'ipë ja pëjktä'äky oy yajpëtë'ëkëpën.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Mateo 4:17

Tääts ja Jesús ojts ëka'any ja tyuunk tyajtso'ontä'äky, tkajpxwä'kxy ja Dios ja y'aaw y'ayuk ets y'ënäny: Wimpitë ma Tiosën, jä'ä ko wiinkoonp ja tsajpjotmëpë kuttujkën.

Marcos 6:12

Tääts ja y'ijxpëjkpëtëjk ojts tsyoontë ets ojts nyëjkxtë Dios y'aaw y'ayuk kajpxwa'kxpë, ets ja ja'ay ja y'ëxëëk winma'any t'ëxmatstëty, wä'än tjootwinpitë ma Tiosën.

Lucas 16:16

Yë ënä'ämën tëyajtën ets käjpxynyajxpëtëjk jääpaat jyëjpkëxy ma ja Juan Yajnëëpäjtpë jyuuky'äjtyën. Ets tsyo'ontä'äky ja oy aaw oy ayuk mëti'ipë Dios kyutujkën'ajtypyën ets may ja ja'ay jam tyëkëja'antë.

Lucas 9:2

Ojts tkexy ets tkajpxwa'kxtëty ja Dios kyutujkën ets tyajtso'oktëty mëti'ipë pëjkëtëpën.

Lucas 9:6

Ojts ye'eywya'kxtë ets nyëjkxtë oymyakajpnëty, tkajpxwa'kxtë ja oy aaw oy ayuk ets ja pa'amja'ay tyajtso'oktë.

Lucas 9:60

Ënet ja Jesús y'ëtsooy: Wä'än yë ja'ay tyajnaaxtëkëtë yë y'o'kpë mëti'ipë näjyëtu'un ookantëpën; mijts minmës ets xykyajpxwa'kxëty ja Dios ja kyutujkën.

Juan 3:2

Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Dios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Dios tmëëtëty.

Hechos 10:25

Ko ja Pedro jyä'äjty ma ja tëjkën, tääts ja Cornelio ojts pyëtsimy tyëjk ëkë'p ets nyäkyoxtënaaytyakë Pedro wyintum ets t'ëwtata'any.

Hechos 28:31

Ja Pablo ëwaatsëtum jam yajpaty ets ja Dios ja kyutujkën tkajpxwa'kxë; nimëtyä'äky wi'ix ja Wintsën Jesukristë ja y'ijxpëjkën y'ixëtyën ets ni pën ijty kyayajjotkëxyë.

Hechos 4:2

Tëë ënety jyoot'anpëktë, jä'ä ko ja Pedro ets ja Juan ja ja'ay tyaj'ijxpëktë ko tëë nyikëxë'ëky ma ja Jesusën ko ja o'kpë jyuukpyëktë.