Mateo 10:5 - Biblia Dc en Mixe de Quetzaltepec

⁵ Jëtu'un ja Jesús ojts t'ëne'emy ja y'ijxpëjkpëtëjk nimajkmäjtskpë ko ojts tkexy Dios y'aaw y'ayuk kajpxwa'kxpë: Ka'ap mnëjkxtëty ma ja'ayëtyën mëti'ipë ka'ap jyutiiyësëty, ni mkanëjkxtëty ma ja Samaria y'itjotmën;

Biblia Mixe de Quetzaltepec

⁵ Jëtu'un ja Jesús ojts t'ëne'emy ja y'ijxpëjkpëtëjk nimajkmäjtskpë ko ojts tkexy Tios y'aaw y'ayuk kajpxwa'kxpë: Ka'ap mnëjkxtëty ma ja'ayëtyën mëti'ipë ka'ap jyutiiyësëty, ni mkanëjkxtëty ma ja Samaria y'itjotmën;

Mateo 10:5 ပူးပေါင်းရင်းမြစ်များ

Juan 4:9

Ka'ap ja jutiis ja'ayëty mëët ja samaariëtë ja'ay nyämyäyëtë, paaty ja to'oxytyëjk y'ëtsooy: ¿Wi'ixës ko mijts yë nëë xy'amëtoy?, mjutiis ja'ayts mijts ets ëjts samaariëtë ja'ayës.

1 Tesalonicenses 2:16

Yë'ë y'ëtujktëp koos ntuk'ëwaanëtë mëti'ipë ka'ap jyutiisëty wi'ix nyitso'oktëtyën. Jëtu'un ja pyoky tyajmayëtë. E jä'ä ko këxaanp ja jëtu'unpë, paaty ja Dios të tyuknikäxëtë ja mëj ëyo'on.

Lucas 17:16

Tääts naaxkëjxy nyäkyoxtënaaytyakë Jesús wyintum. Ya'atë ja'ay jä'ä mëti'ipë Samaria tso'onpën.

Hechos 10:45

Ja mëpëjkpëtëjkëty mëti'ipë ja Judá ijxpëjkën mëpëjkën tyuk'ijtëtyëpën, mëti'ipë ënety ja Pedro mëët të jya'tën, jä'ä ojts mëj'ixy t'ixtë ko ja'ayëty yajmo'otë ja Kënu'kxymyëkajtën mëti'ipë ka'ap jyutiis'atën,

Lucas 9:2

Ojts tkexy ets tkajpxwa'kxtëty ja Dios kyutujkën ets tyajtso'oktëty mëti'ipë pëjkëtëpën.

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Juan 20:21

Tääts ja Jesús jatëkok y'ënëmaayëtë: Jotkujk yajpaatë. Jëtu'un ijxtëmës ja Dios Teety të xykexyën, näjyëtu'un miits nkäxtë.

Juan 7:35

Tääts ja jutiis ja'ayëty nyäyajtëëwëtë nixim niyam: ¿Ma nyëjkxa'any ya'atë ja'ay ets ka'ap n'ëkpatënëty? ¿Kajts tjëkyepy jam muum nyëjkxëty wiink kajpn ets jam muum ma jyëpyo'kxykyajpnën tyaj'ijxpëkëty yë jutiis ja'ay?

Juan 4:5

Tääts jyä'äjty ma ja Sicar kajpnën, samaariëtë y'itjot; winkon ma ja naaxjotmën mëti'ipë ja Jacob tyukumaayën ja myaank José.

Lucas 10:33

E ko tu'uk ja samaariëtë ja'ay kyëtäky ets t'ijxy, tääts tpa'ëyooy.

Mateo 4:15

Ja Zabulón y'itjot ets ja Neftalí y'itjot, ma ja tu'u nyäxyën, Jordán mëj nëëpë'ampë, mejypyë'aaypyë: yë'ë jëtu'un yë Galilea y'itjot, ma ja ja'ay tsyëënëtën ka'apë jyutiis'atën,

Hechos 8:1

Oy ja Saulo tja'awëy ko ja Esteban tyaj'o'ktë. Jä'ä xëëw yajpajëtijtaktë ja mëpëjkpëtëjkëty, mëti'ipë ja Jesús myëpëjktëpën jampë tsyëënëtën Jerusalén. Ni'ëmukë, yi'iyë ja Jesús ja y'ijxpëjkpëtëjkëty ojts ka'ap yajpaatë, jä'ä ko ojts ënätyë ye'eywya'kxta'atë, ets nyëjkxtaaytyë maajaty ja Judea ets Samaria y'itjotmën.

Juan 8:48

Ënet ja jutiis ja'ayëty t'ënëmaaytyë ja Jesús: Tëyës n'ëna'antë ko mijts msamaariëtë ja'ay ets ko mijts ku'oypyë mmëët'ajtyp.

Juan 4:20

Ëëts ja nteety n'apëty yaa ijty ja Dios twintsë'ëkëtë ma ya'atë kopkën; e miitsëty jëtu'un m'ëna'antë ko jam Jerusalén mëpaat yë Dios yajwintsë'ëkë.

Lucas 10:1

Ko jëtu'un y'ëkjajty y'ëkëpejty, ënät ja Wintsën Jesús twinwijtsy nitëkë'px majkmäjtsk ja ja'ay ets tkejxy nimäjtskjaty kajpn kajpn.

Mateo 22:3

Ets ja tyuunpë tkejxy ets ja ja'ay twowtëty, e ja ja'ayëty ka'ap myinantë.

Marcos 6:7

Ojts ja Jesús tyaxë ja y'ijxpëjkpëtëjk nimajkmäjtskpë, ënät tkejxy nimäjtskjaty, ets ja kuttujkën tmooy ets t'ixkäxtëty ja ku'oypyë.

Lucas 9:1

Tääts ja Jesús tmëkajpxmujky ja nimajkmäjtskpë ja y'ijxpëjkpëtëjk ets tmooy ja mëk'ajtën, kuttujkën ets ja ku'oypyë t'ixkäxtëty ets tyajtso'oktëty ja pa'amja'ay.

Juan 17:18

Jëtu'un ijxtëmës mijts të xykyexyën ma ja ja'ayëtyën mëti'ipë ja naaxwiinyëtë winma'any yajtuuntëpën, näjyëtu'unës yë'ë yam nkäxtë ma ja ja'ayëtyën mëti'ipë yajtuuntëpën ja naaxwiinyëtë winma'any.