Mateo 10:41 - Biblia Dc en Mixe de Quetzaltepec

⁴¹ Pën ja Dios ja kyäjpxynyajxpë kyupëjkpy jä'ä ko kyäjpxynyajxpëty, nän yajmo'ojëp ja kuma'ayën mëti'ipë ja Dios kyäjpxynyajxpë ënety yajmoopyën; ets pën ja oyjyä'äy kyupëjkpy jä'äkyëjxm ko y'oyjyä'äyëty, nän yajmo'ojëp ja kuma'ayën mëti'ipë ënety ja oyjyä'äy yajmoopyën.

Biblia Mixe de Quetzaltepec

⁴¹ Pën ja Tios ja kyäjpxynyajxpë kyupëjkpy jä'ä ko kyäjpxynyajxpëty, nän yajmo'ojëp ja kuma'ayën mëti'ipë ja Tios kyäjpxynyajxpë ënäty yajmoopyën; ets pën ja oyjyä'äy kyupëjkpy jä'äkyëjxm ko y'oyjyä'äyëty, nän yajmo'ojëp ja kuma'ayën mëti'ipë ënäty ja oyjyä'äy yajmoopyën.

Mateo 10:41 ပူးပေါင်းရင်းမြစ်များ

Hebreos 6:10

Jä'ä ko yë Dios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Dios ja nyaax kyajpn ijxtëm tyampaat xytyuun'ëtë'ëtstën.

2 Juan 1:8

Näkyëwent'atëtë, këtiipë y'atëkoyëty ja ijxpëjkën mëti'ipë miits të myajtuk'ijxpëktën ets kä'pxy myajkumaytyëty.

Génesis 20:7

E tyam yajwinpijtë ënät yë tyo'oxytyëjk tääpë ye'etyëjk, jä'ä ko käjpxynyajxpë yë'ë, yë'ëjës xymyënu'kxta'akaanp ets mijts mjuuky'atëty. E pën ka'ap xyajwinpijtë yë tyo'oxytyëjk, tyam yajxon ntim'ënëëmë ko o'kta'ajantëp niwinë ja'ay mëti'ipë mmëët'ajtypyën.

1 Corintios 9:17

Pën kë'ëmtsojkën ya'atë ntunyës, njëjp'ixëpës ja nkuma'ayën; ets pën ka'ap, oy jyajëtu'unëty, kopkpëky koos ya'atë tuunk ntuny jä'ä ko Tiosës të xytyuknipëky.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Mateo 6:18

ets ja ja'ay ka'ap nijawëtëty ko mijts m'ayuu'aty. Temë ja mTeety tsajpjotmëpë, mëti'ipë ka'ap yaj'ixyën, nyijawëp jä'ä mëti'ipë yajtuunpën ayu'utsy. Yë'ëts mmo'ojëtëp ja kuma'ayën.

Romanos 16:23

Mkajpxpo'kxëtëp ja Gayo, jam maas nja'ajtä'äkyën, ma ja mëpëjkpëtëjk ye'eymyuktën. Mkajpxpo'kxëtëp näjyëtu'un ja Erasto, mëti'ipë ja kajpn meeny pyëjkë'kpyën ets ja nmëku'uk'ajtëm Cuarto.

Mateo 6:6

Temë ko mijts ja Dios xymyëkajpxëty, tëkë mtëkoty, yaj'ëtuk ja mtëjk ets ja'amyäts ja Dios Teety mëti'ipë ka'ap yaj'ixyën. Ënet ja Dios Teety, mëti'ipë y'ijxypyën tii mtuumpy ayu'utsy, yë'ë mmo'ojëtëp ja kuma'ayën.

Hechos 16:15

Tää ojts nyëëpety mëët ni'ëmukë mëti'ipë jam tsënaaytyëpën ma tyëjkën. Täätsës xymyënu'kxtaktës ets y'ënäny: Tuntë mëyajtën, mintë maas yë ntëjkën, pën m'oyjya'awëtëp miits koos nmëpeky ja Wintsën. Ënätës kwanë ojts xyajnëjkxtë.

Mateo 6:4

yu'utsy y'itëty mëti'ipë mtuumpyën. Jëtu'unts ja mTeety mëti'ipë y'ijxypyën tii yu'utsy, mmo'ojëtëty ja mkuma'ayën.

Mateo 6:1

Ko yë mmëku'uk xypyutëkëty ijxtëm pyaat'atyën, ka'ap nikëxë'ëky tii xytyuntëty ets ja'ay t'ixtëty. Ko nikëxë'ëky tii xytyuntëty, ka'ap ja mTeetyëty tsajpjotmëpë mmo'ojëtëty ja kuma'ayën.

Isaías 3:10

Ja ja'ay mëti'ipë mëtëy juukyajtpën jotkujk yajpaaty, oy winë wyinpëtsë'ëm jyëjpëtsë'ëmxëty ets yë'ë tyukjotkujk'ajtyp ko winë oy tuny.

Mateo 7:8

Jä'ä ko pën tii y'amëtoopy, yajmoopy; ko pën tii t'ixta'ay, pyätyp; ets pën pyijkxnojkpy ja tëjk'aaw, ëwatsxëyëp.

Mateo 25:44

Ënet näjyëtu'un tyajtëëwtë: ¿Wintsën, jëna'a mijts të myuu'ookyë, ëkë jëna'a të mtëëtsë, ëkë të m'any të mpojy, ëkë niwa'ats ëxwa'ats të mjëtity, ëkë të mpëky të m'ixyë ëkë pujxn tëkoty të myajpaaty ets ka'ap të mputëkëtë?

Mateo 25:45

Ets ja yajkutujkpë y'ëtsowa'anëtë: Tëy miits n'ënëëmëtë, ko tu'kë'ëyë mëti'ipë miits ka'ap të xytyuntë oy ma tyaapë ja'ayëtyën ëmaay amutskpë, ëjtsën jëtu'un miits të xytyuntë.