Mateo 10:35 - Biblia Dc en Mixe de Quetzaltepec

³⁵ Yë'ëjës të niminy ets ja ye'etyëjk tmëtsiptsoonëty ja tyeety, ja nëëx tmëtsiptsoonëty ja tyaak ets ja xäkxy tmëtsiptsoonëty ja tyaak më't,

Biblia Mixe de Quetzaltepec

³⁵ Yë'ëjës të niminy ets ja ye'etyëjk tmëtsiptsoonëty ja tyeety, ja nëëx tmëtsiptsoonëty ja tyaak ets ja xäkxy tmëtsiptsoonëty ja tyaak më't,

Mateo 10:35 ပူးပေါင်းရင်းမြစ်များ

Mateo 10:21

Nëjkxëp ja ja'ay ja y'uty ëkë ja y'äjty tkë'ëyäky o'këntum, näjyëtu'un ja teety taak, nëjkxëp ja y'u'unk y'ëna'k tkë'ëyäky ets ja u'unk ëna'k myëtsiptsoonäämpy ja tyeety tyaak ets nëjkxëp tyaj'ooky.

Lucas 21:16

Yë'ëpaat nëjkx yë mtaak mteety mkë'ëyakëtë, näjyëtu'un yë mjëëky mmëku'ukëty ets mëti'ipë mëët mnämyäyëtën ets tam mëti'ipë nëjkx myaj'ookëtën.

Marcos 13:12

Nimay ja ja'ay tu'kmëkä'äxpë nyäkyë'ëyaka'anëtë ets y'ooktëty. May ja u'unkteety, u'unktaak ja y'u'unk y'ëna'k nëjkx tmëtsipëktë ets tkë'ëyaktë. Näyjyëtu'un ja u'unk ëna'k ja tyaak tyeety nëjkx tmëtsipëktë ets tyaj'ooktë.

Mateo 24:10

Nimay nëjkx ja ja'ay jää t'ëxmatstë ja myëpëjkën ets nyäkyë'ëyakëtëty ets nyämyëtsip'atëtëty nixim niyam.

Lucas 12:53

Nämyëtsip'atëtëp ja u'unkteety mëët ja myaank; ja myaank mëët ja tyeety; ja u'unktaak mëët ja nyëëx; ja nyëëx mëët ja tyaakxyäkxy, ja tyaakxyäkxy mëët ja xyäkxy ets ja xyäkxy mëët ja tyaak.