Mateo 10:26 - Biblia Dc en Mixe de Quetzaltepec

²⁶ Ka'ap ja'ay xytsyë'ëkëtëty. Ka'ap tii niwitsy nijuuxy y'ity ka'apë nijëna'a yajniwijtstu'utëtyën, ets ka'ap tii yu'utsy kë'ëy y'ity mëti'ipë ka'ap yajnijawëtyën.

Biblia Mixe de Quetzaltepec

²⁶ Ka'ap ja'ay xytsyë'ëkëtëty. Ka'ap tii niwitsy nijuuxy y'ity ka'apë nijëna'a yajniwijtstu'utëtyën, ets ka'ap tii yu'utsy kë'ëy y'ity mëti'ipë ka'ap yajnijawëtyën.

Mateo 10:26 ပူးပေါင်းရင်းမြစ်များ

Proverbios 10:9

Mëti'ipë ka'ap maa nyu'kxyën ka'ap tii tsë'ëkë; mëti'ipë ëxëëk ja'ay'ajtpën, ëxëëk kyukëxë.

Proverbios 28:1

Yë ëxëëk ja'ay nëkooyë jyänty kye'eky jyänty pyuty oy pën kyapapo'oyë; yë wa'ats ja'aytyëjk akujk jotkujk tyimnäjyawëtë jëtu'un tä kaajën.

Proverbios 29:25

Mëti'ipë ja'ay myënaaxwiinyëtë ja'ay tsyë'këpën, kyë'ëm winma'any ëxëëk yajjajt yajkëpäjtëp; e mëti'ipë ja'ay yë Dios tyuk'ijxpejtypyën, Dios këwent'atanëp.

Eclesiastés 12:14

Yë Dios yë'ë xyajtëwa'anëmë wi'ix tu'uktu'uk të njuuky'ajtëmë, oy ënety ëxëëk ëkë oy të njuuky'ajtëmë ets oy ënety tii yu'utsy me'ty të ntu'unëmë.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Isaías 41:14

Jëtu'un yë Wintsën y'ënä'äny: Mijts Israel, Jacob yë nyaax kyajpn, oy mutskëty ets mxyëëpëty, këtii mtsë'ëkëty, tyam mputëkëty. Ëjts Wintsën, wa'atspë yajpaatyën ma Israel ja'ayëtyën, ëjts mijts xynyitsokpë'ajtp.

Jeremias 1:8

Ni pën xykyatsë'ëkëty, ëjts yajpataanpës mëët mijts ets n'ijx'ita'any nkëwent'ata'any. Ëjts, mëti'ipë Wintsën'ajtpën, ëjts ënaanp.

Ezequiel 2:6

Mijts, ye'etyëjk këtii xytsyë'ëkëty ets këtii xymyëpëkëty oy wi'ix jya'ëna'antëty, oy jëtu'un mjanäjyawëtëty äpny akujk ëkë kä'py akujk yowë myajpaaty. Këtii mtsë'ëkëty oy wi'ix m'ënë'ëmxëtëty ets këtii xytsyë'ëkëty ko ëxëëkëm wyintë'kxtëty ets nëkooyë y'ëwa'an'atëty.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Marcos 4:22

Näyjyëtu'un, ka'ap tii yu'utsy'ity ka'apë yajnijawëtyën, të'kxy winë yajnija'awëtyä'äy.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Lucas 8:17

Näyjyëtu'un, ka'ap tii yu'utsy y'ity mëti'ipë ka'ap yajnijawëtyën, ka'ap tii yajpëjkë'ëky xëmë mëti'ipë ka'ap yajpaatëtyën.

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Hechos 4:13

Ko ja kutuunktëjkëty t'ijxtë ko amëk jotmëk kyajpxtë ja Pedro ets ja Juan ets ko tnijawëtë ko ka'ap ënety maa të tni''ijxpëkëtë, mëjmëtoy ojts tmëtowtë; ënät nija'awëtyë ko yë'ë ja Jesús ja y'ijxpëjkpë.

Hechos 4:19

Tääts ja Pedro ets ja Juan y'ëtsoowtë: Miits kë'ëm yajxon ëkwinmay ëkwintajtë pën paat'ajtëp Dios wyintuuy ko miits myajmëmëtowtëty ets Dios ka'ap.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

1 Pedro 3:14

E pën jamts xykyu'ëyowëtë ko ja oypyë xytyuntë, akujk jotkujk itë. Këtii mtsë'ëkëtëty mjawëtëty, ni mkatsëtyuytyëty.