Mateo 10:23 - Biblia Dc en Mixe de Quetzaltepec

²³ Ko myajpajëtijta'aktëty ma tu'uk ja kajpnën, käknëjkxtë wiink kajpn. Tëy miits n'ënëëmëtë ko minëpës naamka'anëm ënety miits ja Israel it xye'ey'apëtsëmtë; ëjts, naaxwiinyëtë ja'ay y'U'unk.

Biblia Mixe de Quetzaltepec

²³ Ko myajpajëtijta'aktëty ma tu'uk ja kajpnën, käknëjkxtë wiink kajpn. Tëy miits n'ënëëmëtë ko minëpës naamka'anëm ënäty miits ja Israel it xye'ey'apëtsëmtë; ëjts, naaxwiinyëtë ja'ay y'U'unk.

Mateo 10:23 ပူးပေါင်းရင်းမြစ်များ

Mateo 16:28

Tëy miits n'ënëëmëtë ko tää yaa ja ja'ay yajpaatë mëti'ipë ka'ap y'ooka'antën koonëm t'ixtëty ko ënety myiny ja yajkutujkpë, ja naaxwiinyëtë ja'ay ja y'U'unk.

Hechos 17:10

Ko kyootsëy, ënätyë ja mëpëjkpëtëjk tnajtskäjxëtë ja Pablo ets ja Silas jam Berea. Ko jam jyajtë, ënät ojts nyëjkxtë ma ja jutiis ja'ayëty ja tsyajptëjkëtyën.

Hechos 8:1

Oy ja Saulo tja'awëy ko ja Esteban tyaj'o'ktë. Jä'ä xëëw yajpajëtijtaktë ja mëpëjkpëtëjkëty, mëti'ipë ja Jesús myëpëjktëpën jampë tsyëënëtën Jerusalén. Ni'ëmukë, yi'iyë ja Jesús ja y'ijxpëjkpëtëjkëty ojts ka'ap yajpaatë, jä'ä ko ojts ënätyë ye'eywya'kxta'atë, ets nyëjkxtaaytyë maajaty ja Judea ets Samaria y'itjotmën.

Marcos 13:26

Tääts ja ja'ay t'ixtëty koos yootsjoty ënety nminy mëët ja mëk'ajtën ets ja mëj'ajt oyajtën.

Lucas 21:27

Ënet yaj'ixa'any jam tsajpjotm tsyoony yootsjotm ja naaxwiinyëtë ja'ay ja y'U'unk mëët ja mëj'ajt oyajtën.

Lucas 18:8

Jëtu'un miits nëëmëtë ko ënätyë tpaye'eyä'äny. E yë'ë ënät ko yë naaxwiinyëtë ja'ay yë y'u'unk jatëkok wyimpitëty, ¿jyaak paatëp jëtää ja ja'ay mëti'ipë mëpëjktëpën?

Juan 7:1

Ko jëtu'un y'ëkjajty y'ëkkëpejty, jamtsow ja Jesús jyëtijty Galilea y'itjotm. Ka'ap ojts nyijkxy Judea y'itjotm, jä'ä ko yaj'ookanëp ënety ja jutiis ja'ayëty jam.

Mateo 26:64

Ënet ja Jesús y'ëtsooy: Tëy jëtu'un ijxtëm mijts m'ëna'anyën. Tyam miits n'ënëëmëtë ko tyam xy'ixa'antë ja naaxwiinyëtë ja'ay ja y'U'unk jam y'u'unyë maatsow ja Dios y'a'oykyë'ëjën, jam jatëkok myina'any yootsjotm, tsajpwinm.

Mateo 24:30

Ets yaj'ixa'any jam tsajpwinm ja ijxpäjtën ko ja naaxwiinyëtë ja'ay ja y'U'unk myina'any yootsjoty, mëët ja mëk'ajtën kuttujkën ets oy'ajt mëj'ajtën,

Hechos 17:14

Ënet ja mëpëjkpëtëjk ënätyë kyäjxtso'onëtë ja Pablo, ets nyëjkxëty maatsow ja mejypya'ajën yë Silas ets Timoteo ojts wyë'ëmtë jam Berea.

Mateo 25:13

Näjyëjp'ixëtë, jä'ä ko ka'ap xynyijawëtë pën tii xëëw tii mëtëy jatëkok nmina'anyës.

Mateo 24:48

E pën tääpë mëtuunpë ëxëëk ja jyot wyinma'any, ets myäyëty tyajëty ko ja wyintsën ka'ap tsyojkwinpita'any

Mateo 24:27

Jä'ä ko jëtu'un ja naaxwiinyëtë ja'ay ja y'U'unk myina'any ijxtëm ja wëtsuk yaj'ixyën xëëwpëtsëmy ets xëëwkëtä'äky.

Mateo 23:34

Paaty miits ntuknikäxa'antë ja Dios ja kyäjpxynyajxpëtëjk, wijyjyä'äytyëjkëty ets yaj'ijxpëjkpëtëjk. E miitsëty myaj'ookantëp jënaakëty ets xyajkruutspäta'antë, tam mëti'ipë nëjkx xykyukox xykyutsiikëtën tsajptëkoty ets nëjkx xypyajëtijta'aktë winnaax win.

Mateo 4:12

Ko ja Jesús tnija'awëy ko ja Juan ënety të yajtsumy, ënät ojts nyijkxy jam Galilea y'itjotm.

Mateo 2:13

Tëë ënety ja matsa'a ixtääpyë tsyoontë ko ja José ojts t'ixy kuma'ayjoty ja Wintsën y'anklës ets y'ënëmaayë: Pëtë'ëk ets nëjkx jap Egiptë mëët yë mëxu'unk ets tyaak. Jap m'itëty koonëmës nikajpxëty, jä'äkyëjxm ko ja Herodes y'ixta'ajäämpy yë mëxu'unk ets tyaj'ooka'any.

Hechos 20:1

Ko y'ëmoontaaytyë, tääts ja Pablo ja mëpëjkpëtëjk tmëkajpxmujky ets ojts tjotmëkwinkajpxë. Ok nyäjyëkäjpxyë ets ojts nyijkxy jam Macedonia.

Jeremias 26:21

Yë Joaquim yajkutujkpë mëët yë wyintsëntëjk ets kyutuunktëjk ojts tmëtoow'itë ja aaw ayuk ets ja yajkutujkpë ojts jya'ëna'any tyaj'ooka'any. E ko yë Urías tnija'awëy, ojts ënätyë kye'eky ets ojts jap nyijkxy Egiptë.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Mateo 23:36

Tëyës n'ëna'any ko tkëpäjta'aja'antë ja ja'ay mëti'ipë tyam juuky'ajtëpën.

Mateo 24:34

Tëy miits n'ënëëmëtë, ko ya'atë jää tyuna'any jyata'anyë maanëm ënety ja ja'ay ka'ap y'ooktënëm mëti'ipë jää tyam yajpatëpën.