Mateo 10:2 - Biblia Dc en Mixe de Quetzaltepec

² Tyaa xyëëw myintë ja majkmäjtskpë Jesús y'ijxpëjkpëtëjk: Simón, mëti'ipë näjyëtu'un yajtijpën Pedro ets ja y'uty Andrés; näjyëtu'un ja Santiago ets ja y'uty Juan, mëti'ipë Zebedeo tyeety'ajtëpën;

Biblia Mixe de Quetzaltepec

² Tyaa xyëëw myintë ja majkmäjtskpë Jesús y'ijxpëjkpëtëjk: Simón, mëti'ipë näjyëtu'un yajtijpën Pedro ets ja y'uty Andrés; näjyëtu'un ja Santiago ets ja y'uty Juan, mëti'ipë Zebedeo tyeety'ajtëpën;

Mateo 10:2 ပူးပေါင်းရင်းမြစ်များ

Mateo 17:1

Ënet ja Jesús tpawooy ja Pedro, Santiago mëët ja y'uty Juan ets ojts pya'tëkëtë ma tu'uk ja kopkën.

Mateo 20:20

Ënet ja Zebedeo y'u'unk myiintë mëët ja tyaak ma ja Jesús ets ja u'unktaak nyäkyoxtënaaytyakë Jesús wyintuuy, t'amëtoy tu'uk ja mëyajtën.

Mateo 26:37

Yë'ë wyoow ja Pedro mëët ja Zebedeo myaankëty nimäjtsk, ënät tyëjkëy moonpë tujkpë, jëtu'un yaj'ixy ya'axaanp yowë.

Mateo 4:18

Jam ënety ja Jesús nyäxy Galilea mejypyë'am ko t'ijxpaty ja ja'ay nimäjtsk tukä'äxëty, tu'uk txëëwaty Simón, mëti'ipë yajtijpën Pedro ets tu'uk txëëwaty Andrés. Ajkxmajtsk tyuunk'ajtëp, tsaay ënety nyëëkujëpijptëp mëti'ipë tyuk'ajkxmajtstëpën.

Mateo 4:21

Tëë ënety wäänë ye'eytyë, jamts ja Jesús ojts t'ijxpaaty wiinkpë nimäjtsk, nän tu'kä'äxëty. Tu'uk txëëwaty Santiago ets tu'uk Juan, Zebedeo y'u'unk. Jam ënety ma ja kepy nëëwinye'epyën ja tsyääy t'ataakëtë mëët ja tyeety. Ënet ja Jesús ojts yaaxëtë.

Marcos 1:29

Ko ja Jesús pyëtsiimy tsajptëkotm ets ojts mëët nyijkx ja Santiagë ets Juan ets tyëjkëtyë ma Simón ets Andrés ja tyëjkën.

Marcos 13:3

Ënet ojts nyëjkxtë jam ma Olivo kopkën ma nyäwyin'ijxpetyën mëët ja tsajptëjk, jam ojts yë Jesús nyaaxweetsy ets ja Pedro, Santiagë, Juan ets ja Andrés tyajtëëwtë:

Marcos 6:30

Tääts ja ijxpëjkpëtëjk ye'eymyujktë mëët ja Jesús ets tukmëmëtyaktaaytyë tiijaty ënety të tuntën ets tii ënety të tuk'ijxpëktën ja ja'ay.

Lucas 11:49

Paaty ja Dios mëët ja wijyajtën të y'ënä'äny: Ntuknikäxantëp ja nkäjpxynyajxpës ets ja n'ijxpëjkpëtëjkës, je'eyëp ko nëjkxëp xyaj'ooktë ets xy'ixjëtit xypyajëtitë.

Lucas 22:14

Ko ja horë tpaty, ënät ja Jesús nyaaxwe'tsy ma ja kaaypyäjnën mëët ja y'ijxpëjkpëtëjk.

Lucas 22:8

Ënet ja Jesús tkejxy ja Pedro mëët ja Juan ets t'ënëmaay: Nëjkxtë ja ëmaayxyëëw a'ux nipëjktaakëtë ets nkä'ämyëty n'ukmëty.

Lucas 5:10

Näy tam ënety ja Santiagë ets ja Juan, Zebedeo myaank, Simón Pedro myëku'uk ets ja Jesús t'ënëmaay ja Simón Pedro: Këtii mtsë'ëkë, tyam ja'ay mijts matsäämpy wi'ix ja nitsokën tpaatëtyën.

Lucas 9:10

Tääts ja Jesús ja y'ijxpëjkpëtëjk jatëkok jyajtë ets tukmëmëtyaktë ja Jesús, wi'ixëty ënety të tuntën winë. Ënet ojts wyoowtsoonëtë ets ëpëky yajnëjkxëtë jam Betsaida kyajpnjotm.

Juan 12:22

Tääts ja Felipe tsyo'ony ets ojts tuk'ëwaanë ja Andrés ets nimäjtsk tuk'ëwa'anëtyë ja Jesús.

Juan 13:23

Ënet tu'uk ja ijxpëjkpë mëti'ipë ja Jesús ni'ik tsyojkpyën, yë'ë ënety jam pyë'am mëët y'a'ux'aty,

Juan 20:2

Ënet ojts nyijkx pëyi'ikyë ma ja Simón Pedro mëët wiinkpë ijxpëjkpën mëti'ipë Jesús ni'ik tsyojkpyën. Tääts ja Maria y'ënäny: Tëë ja Wintsën ja nyi'kx kyopk yamëke'eky ets ka'ap yajnijawë maa të tpëjkta'aktë.

Juan 21:2

Tam ënety ja Simón Pedro mëët ja Tomás mëti'ipë yajtijpën xeeny u'unk ets ja Natanael mëti'ipë kukajpn'ajtpën Caná, Galilea y'itjotm. Näy tam ja Zebedeo myaank ets nimäjtskpë ja Jesús ja y'ijxpëjkpë.

Juan 21:20

Ko ja Pedro y'ijxwinpijty ets t'ijxy ko ja ijxpëjkpë ix'ok myiny mëti'ipë ja Jesús mëk tsyojkpyën, mëti'ipë ënety të tyajtëyën ja Jesús ma jam y'a'ux'atën: Wintsën, ¿pën mkë'ëyakanëp?

Juan 21:24

Ya'atë jëtu'un ja ijxpëjkpë mëti'ipë yam winë nyimëtyäkpyën, ets yë'ë të tkuja'ay. Ets nija'awëm ko tyiyëty mëti'ipë nyimëtyäkpyën.

Juan 6:67

Tääts ja Jesús tyajtëëy ja nimajkmäjtskpë ja y'ijxpëjkpëtëjk: ¿Mnëjkxantëp miits näjyëtu'unë?

Juan 6:70

Ënet ja Jesús y'ëtsooy: Nimajkmäjtsk miits të nwin'ixtë, je'eyëp ko tam tu'uk mëti'ipë ku'oypyë'ajtpën.

Juan 6:71

Ko ja Jesús jëtu'un y'ënäny, ja Judas ënety tyijpy, ja Simón Iscariote ja myaank; tu'uk ja nimajkmäjtskpë ja Jesús ja y'ijxpëjkpë, jä'ä ko ja Judas ënety kyë'ëyakäämpy ja Jesús.

Juan 6:8

Ets y'ënëmaayë tu'uk ja y'ijxpëjkpë, Andrés xyëëwajtyp, Simón Pedro myëkä'äx:

Hechos 1:13

Ko jyajtë jam kajpnjotm, tääts pyäjtë tëjkëjxm ma jyajta'aktën. Tap ja Pedro, Juan, Santiagë, Andrés, Felipe, Tomás, Bartolomé, Mateo; Santiagë, mëti'ipë Alfeo y'u'unk'ajtypyën; Simón, mëti'ipë ja zelotë winma'any tyuk'ijtëpën ets ja Santiagë, mëti'ipë Judas y'u'unk'ajtypyën.

Hechos 1:26

Tääts t'ijxpëtsëëmtë suertëjoty pën tuka'ajëp. Ja Matías ojts tyuka'ayë ja tuunk ets jam yajkuja'ayëy ma ja nimajk tu'ukpë ja ijxpëjkpëtëjkën.

Hechos 12:2

ets ojts tni'ënä'ämë ets tkupuxtëty ja Santiagë, ja Juan ja y'äjty.

Hechos 3:1

Tëkok ja Pedro ojts nyijkxy mëët ja Juan ma ja mëjtsajptëjkën, jënäkyxyëëw ënety, jää ma ja ja'ay ijty nyiye'eypyätën Dios mëkajpxpë.

1 Corintios 15:7

Ok nyänyikëxë'kë ma ja Santiagën ets ma ni'ëmukë ja ijxpëjkpëtëjkëtyën.

Efesios 4:11

Yë'ë pyëjktak ja ja'ay ets ja oy aaw oy ayuk tkajpxwa'kxëty, wiinkpë Dios kyäjpxynyajxpë'atëty, wiinkpë tkajpxwa'kxëty ja oy'aaw oy ayuk, wiinkpë ja mëpëjkpëtëjk t'ijx'it tkëwent'atëty ets ja wiinkpë yaj'ixpëkëty.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

1 Pedro 1:1

Yë Pedro, Wintsën Jesukristë y'ayuk kajpxnajxpë, tyam mtuknikäxëtë kajpxpo'kxën mëti'ipë kujë kääkë yajpatëpën ma Ponto y'itjotm, Galacia, Capadocia ets Bitinia y'itjotmën,

2 Pedro 1:1

Simón Pedro, Wintsën Jesukristë tyuunpë ets y'ayuk kajpxnajxpë, mtuknijayëtë ya'atë noky miitsëty, mëti'ipë ja Yajnitsokpë Jesukristë nTios'ajtëmë të tmëpëktën.

2 Juan 1:1

Ja mëjja'ay Juan, tyajnaxy ja kajpxpo'kxën ma ja mëpëjkpëtëjkëtyën mëti'ipë ja Dios të wyin'ixëtën. Mëjwiin këjää miits ntsoktë njawëtë ets näjyëtu'un ni'ëmukë mëti'ipë të tnijawëtën ja tëyajtën,

3 Juan 1:1

Ja mëjja'ay Juan. Tkajpxpo'kxy ja nmëku'uk'ajtëm Gayo, mëti'ipë mëtëy tsojkp ja'apën.

Apocalipsis 1:1

Ya'atë ja Dios ojts tuknijawë ja Jesukristë, ets tuk'ëwaanëty ja tyuunpëtëjk mëti'ipë tunan jatanëpën tsojk. E tëë ja Jesukristë ja y'anklës tuknikexy ja Juan ets yë'ë winë tnikajpxta'ajëty,

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Dios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Dios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënety nyajpaaty Patmos, ma tu'kkëëyi'ikpyën ja naax jam mejyjyotm.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.

Apocalipsis 22:8

Ëjts Juan, ëjts ya'atë n'ijx nmëtoowës. Koos jëtu'un n'ijxy nmëtooyës, ënätës ja tsajpjotmëtë kukäjpxy wyintuuy nnäkyoxtënaaytyakë mëti'ipës winë xytyuk'ijxpën ets n'ëwtata'anyës.