Mateo 10:19 - Biblia Dc en Mixe de Quetzaltepec

¹⁹ Ko myajkë'ëyaktëty ma ja yajkutujkpëtëjkën ëkë ma ja kutuunkën, ka'ap xymyëmay xymyëtajtëty wi'ix m'ëna'antëty ëkë pën tii mkajpxtëp, ma ënety miits mtimkyajpxa'antën jää nëjkx myajmo'otë ja aaw ayuk mëti'ipë mkajpxtëpën,

Biblia Mixe de Quetzaltepec

¹⁹ Ko myajkë'ëyaktëty ma ja yajkutujkpëtëjkën ëkë ma ja kutuunkën, ka'ap xymyëmay xymyëtajtëty wi'ix m'ëna'antëty ëkë pën tii mkajpxtëp, ma ënäty miits mtimkyajpxa'antën jää nëjkx myajmo'otë ja aaw ayuk mëti'ipë mkajpxtëpën,

Mateo 10:19 ပူးပေါင်းရင်းမြစ်များ

Éxodo 4:12

Paaty nëjkx tyam, ëjts mijts njämyëët'atäämpy, ko ënety mkajpxa'any mëtya'aka'any, ëjts mijts ntukni''ixëp tii mkajpxëp mëtya'akëpën.

Éxodo 4:15

Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.

Jeremias 1:7

E yë Wintsën tääjës xy'ënëmaay: Këtii jëtu'un m'ëna'any ko m'ëna'knëmëty. Mijts jam mnëjkxëty ma nkäxa'anyën, yë'ë mkajpxnaxëp mëti'ipë yam ntuk'ënëëmëjäämpyën.

Jeremias 1:9

Tää ja Wintsën xynyixajwo'tyës ets ja kyë'ë xytyuk'atijë'kyës etsës xy'ënëmaay:

Mateo 10:18

Ëjtskyëjxm nëjkx myajmënëjkxtë ma ja yajkutujkpën ets ma ja kutuunkëtyën. Jëtu'un nëjkx xyaj'ixëtë ja tëyajtën ëjtskyëjxm ma yë'ëjëtyën ets ma ja ka'apë jyutiiyësëty.

Mateo 6:25

Paaty n'ënëëmëtë: Ka'ap xymyëmay xymyëtajtëty tii mkaytyëp m'uuktëp ets mjuuky'atëty ets ja mwitëty mxoxëty mëti'ipë ja mjot mnini'kx mtuk'ëtujktëpën. ¿Këtii jëtää ja juukyajtën këjää tsyowpaaty këtiinëm ja kääky uuky, ets ja ni'kx kopk këtiinëm ja wit xoxë?

Mateo 6:31

Paaty këtii xymyëmay xymyëtajtëty ets mnäyajtëwëtëty: ¿Tii ënät nkä'ämyëp n'ukmëp?, ëkë ¿tii ënät nwit'ajt nxox'ajtmëp?

Mateo 6:34

Ka'ap xymyëmay xymyëtajtëty pën tii jëpom wëxtëjkm miimp wiinkoonp, jä'ä ko winjëpom miits xymyëët'atë mëti'ipë mmëmay mmëtajtëpën. Tu'uktu'uk xëëw nyäxy aak myëët'ajtyp ja mëti'ipë yajmääpy yajtajpën.

Lucas 12:11

Ko pën myajnëjkxëtëty ma ja tsajptëjkën, ma ja kutuunktëjkëtyën ets ma ja tëytyuunpëtëjkëtyën, ka'ap xymyëmay xymyëtajtëty wi'ix m'ëtsowtëtyën ëkë pën tii mkajpxtëp;

Lucas 12:12

jä'ä ko ënety mkajpxa'antë, yë'ë ja Kënu'kxymyëkajtën nëjkx mwinma'anymyo'ojëtë ets mkajpxtëty oy.

Hechos 6:10

je'eyëp ko ka'ap tmëmëtaktë ja Esteban, jä'ä ko ja Esteban wijyajtën mëët kyäjpxy ets yë'ë winma'anymyooyëp ja Kënu'kxymyëkajtën.

Filipenses 4:6

Këtii tii je'eyë xymyëmon xymyëtuktëty, yë'ë Dios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.

2 Timoteo 4:17

E Ojtsës ja Wintsën Jesús xypyutëkë ets xymyooyës ja mëjaaw ets ja oy'aaw oy ayuk nkajpxwa'kxëtyës ets tmëtowtëty ja ja'ay mëti'ipë ka'ap jyutiis'atën. Jëtu'unës ja Dios xyaj'ëwa'atspëtseemy jam tsimptum o'këntum,

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.