Mateo 10:1 - Biblia Dc en Mixe de Quetzaltepec

¹ Tä ja Jesús twoowtsooy ja nimajkmäjtskpë y'ijxpëjkpëtëjk ets tmooy ja kuttujkën ets t'ixkäxtëty ja ku'oypyë ets tyajtso'oktëty oymyëti'ipë pa'amëty ets pëjkën ato'onën.

Biblia Mixe de Quetzaltepec

¹ Tä ja Jesús twoowtsooy ja nimajkmäjtskpë y'ijxpëjkpëtëjk ets tmooy ja kutujkën ets t'ixkäxtëty ja ku'oypyë ets tyajtso'oktëty oymyëti'ipë pa'amëty ets pëjkën ato'onën.

Mateo 10:1 ပူးပေါင်းရင်းမြစ်များ

Mateo 19:28

Tääts ja Jesús y'ëtsoowëtë: Tëy miits n'ënëëmëtë, ko ënety winë y'ajemyëtyä'äy, ma ja naaxwiinyëtë ja'ay ja y'U'unk ja kyutujkën tpëkyën ets nyaaxwäätsëty ma ja oypyë tsujpë ja y'ënyääypyäjnën; ets miitsëty mëti'ipëjaty të xymyëpëktënës mnaaxwä'tsta'atëty ma ja majkmäjtskpë ja ënyääypyäjnën ets xypyaye'eytyëty ja nyëë pyokyëty ja Israel ja'ayëty nimajkmäjtsk teetypë.

Mateo 26:20

Ko tsyu'ujënë, tam ënety ja Jesús ma ja kaaypyäjnën mëët ja y'ijxpëjkpëtëjk nimajkmäjtskpë.

Mateo 26:47

Tam ënety ja Jesús kyäjpxynyëm ko ja Judas jyä'äjty, mëët ja mayjyä'äy, tam mëti'ipë tëypyujxn myëët'ajtypyën ets mëti'ipë kepy myëëtën, yë'ë käjxëtëp ja teety wintsëntëjkëty ets ja mëjja'aytyëjkëty.

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kuttujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Mateo 9:35

Tyukjëtijtëtyääy ja Jesús ja naax kajpn mëj mutsk ets yaj'ixpëky tsajptëkoty maajëty tu'uktu'uk ja kajpnën ets tuk'ëwaanë ja ja'ay aaw ayuk oypyë ma Dios kyutujkën yajnimëtyä'äkyën ets tyajtso'oky oymyëti'ipë pa'amëty ets pëjkën ato'onën.

Mateo 9:38

Paaty miitsëty amëtowtë ja mëti'ipë nyiWintsën'ajtypyën ja pëjktä'äky ets tkäxëty may ja tuunpë mëti'ipë ja pëjktä'äky yajpëtë'ëktëpën.

Lucas 10:19

Ëjts miits të nmo'otë ja kuttujkën ets ka'ap wi'ix mjatëty oy xyjyatukwa'kpätëty ja tsa'any ëkë ja kä'py ets xymyëmëta'aktëty miits ja mmëtsip, ka'ap wi'ix mjatëty.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

Lucas 24:49

Ntuknikäxtëp miits mëti'ipë ja Dios Teety të twaantä'äkyën, je'eyëp ko wë'ëmtë miits yaa Jerusalén koonëm xypyaatëty ja mëk'ajtën mëti'ipë tsajpjotm tso'onpën.

Lucas 6:13

Ko xyiinytyäky ënät tyaxtsooy ja y'ijxpëjkpëtëjk ets twinwijtsy nimajkmäjtsk mëti'ipë ojts txëëwmo'oyën ayukkajpxwa'kxpë.

Juan 17:2

Jä'ä ko mijts të xymyo'oy ja kuttujkën ma tëkokyë naaxwiinyëtë ja'ayëtyën, ets tmo'oja'any ja juukyajtën tëkokyë mëti'ipë të xymye'eyën.

Juan 3:27

Ets ja Juan y'ënëmaayëtë: Ka'ap pën tii tmëëtëty pën ka'ap ja Dios të myo'oyë.

Juan 3:35

Ja Dios Teety tsyojkpy ja y'u'unk ets tëë tukkë'ëtëjkëtyä'äy mëti'ipë myëët'ajtypyën.

Juan 6:70

Ënet ja Jesús y'ëtsooy: Nimajkmäjtsk miits të nwin'ixtë, je'eyëp ko tam tu'uk mëti'ipë ku'oypyë'ajtpën.

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Hechos 19:15

E tëkok ojts ja ku'oypyë y'ëtsoowëtë: N'ixy'äjtypyës ja Jesús ets nnija'apës pën Pablo'ajtp e miitsëty, ¿mpën miitsëty?

Apocalipsis 12:1

Ënet kyëxë'ky tu'uk ja mëj ijxpät jam mëjtsajpwinm: tu'uk ja to'oxytyëjk tyänë xëëw nijuuxy po'okëjxm. Jëtu'un nyi'kx kyopk ijxtëm xëëw y'änyën ets tam yë kyujän, majkmäjtsk ja matsa'a tmëëtëty.