Mateo 1:6 - Biblia Dc en Mixe de Quetzaltepec

⁶ Yë Jesé yë'ë teety'ajtë David. Yë yajkutujkpë David yë'ë teety'ajtë Salomón, yë Salomón yë'ë tyaak'ajt yë Urías yë tyo'oxytyëjk.

Biblia Mixe de Quetzaltepec

⁶ Yë Jesé yë'ë teety'ajtë David. Yë yajkutujkpë David yë'ë teety'ajtë Salomón, yë Salomón yë'ë tyaak'ajt yë Urías yë tyo'oxytyëjk.

Mateo 1:6 ပူးပေါင်းရင်းမြစ်များ

1 Reyes 15:5

jä'ä ko ja David oy ënety winë të tuny Wintsën wintum, yë'ë ka'ap ojts nijëna'a tja'atyëkoy mëti'ipë ja Wintsën të tyuk'ëne'emyën, tu'k'ok ojts je'eyë tyëkoy ma Urías tyaj'o'kyën, mëti'ipë Hit ja'ayën.

1 Samuel 17:12

Jä'ä jëmëjt ma ja Saúl y'ëne'emyën, jam Belén, tam ijty tu'uk yë ja'ay tsyëënë, jä'ä xyëëwajtyp Jesé, tëë ënety myëjja'ayënë. Nituktujk ijty ja myaank: tu'uk David xyëëwajtyp.

1 Crónicas 14:4

Ja y'u'unkëty mëti'ipë mëxu'unk'ajtën jam Jerusalén jä'ä xyëëwajtë: Samua, Sobab, Natán, Salomón,

1 Crónicas 3:5

ma ojts nimajktaxk jyaakmin jyaakja'tën ja y'u'unkëty, mëti'ipë xyëëwajtën: Simá, Sobab, Natán ets Salomón, tëkokyë aakyë'ë yajmëxu'unk'ajt yë Betsabé, Amiel nyëëx.

2 Samuel 23:1

Ya'atë ja aaw ayuk ojts tjaakäjpxy ja David: Yë David, myaank yë Jesé, tu'uk ja ye'etyëjk mëti'ipë ojts ja Wintsën mëj yajnaxyën, mëti'ipë ja Wintsën kë'ëm timwin'ijxën ets yajkutukëty; mëti'ipë oyëty ja ëy myä'kxën, ets oyëty ja aaw ayuk ojts tkäjpxy:

1 Samuel 16:1

Ënet ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.

Romanos 8:3

Tëë ja Dios tuny mëti'ipë ja ënä'ämën ka'ap myääyën tunëty, jä'ä ko ënety ja myëk'ajtën kyujënäkyëty ets ko ja ja'ay ëmaay paki'ix yajpaatë. Paaty ja Dios ja y'u'unk të tkexy ets yaj'ijxy ijxtëm ja pokyjyä'äyën ets wyintsë'kën'atëty, tkunaxëty ja ja'ay ja pyoky, jëtu'un tyajkutëkoy ja poky ma ëëtsajtëmën.

Isaías 11:1

Jëtu'un tä tu'uk kepy jyiitsyën, jëtu'un ja Jesé tu'uk ja jyä'äy pyëtsëma'any.

Salmos 72:20

Yaa jëtu'un jyëjpkukëxë yë tsajpkäjpxy, mëti'ipë yë David kyajpxën, Jesé myaank.

1 Crónicas 28:5

E maas ja n'u'unk n'ëna'kën, ijxtëm yajnijawën ko nimay oyëty mëti'ipës yë Wintsën të xymyo'oyën. Yë Wintsën yë'ë të twin'ixy yë nmaankës Salomón ets yë'ë t'ëxajëty ja kutujktakn, ma ja Wintsën ja ënä'ämën kuttujkën tyaj'ityën ma ja Israel ja'ayëtyën.

1 Crónicas 11:41

Urías, ja Hit ja'ay; Zabad, myaank yë Ahlai;

1 Crónicas 2:15

Osem ja mëtëtujkpë ets David ja mëwëxtujkpë.

2 Samuel 23:39

ets ja Urías, ja Hit ja'ay. Jä'ä nyiwinë'ajtë ni''ipxmajkmokx mäjtsk.

2 Samuel 11:3

Tä ja David tkejxy ja tyuunpë ets tyajtëwtëty pën tääpë ja to'oxytyëjk, tä t'ënëmaaytyë ja David ko Betsabé xyëëwajtyp, yë nyëëx yë Eliam ets yë'ë tyo'oxytyëjk yë Urías, Hit ja'ay.

1 Samuel 22:8

Tëkokyë miitsëty aak jëtu'unës n'ijxnë aak xymyëtsip'ajtëpës yowënë. Ni pënës të xykya'ëwaanë ko yë nmaankës tëë yë käjpxytyu'unën tuny mëët tapë Jesé myaank. Ni pën yowë ëjts xykyä'ëkjot'ajnë paatyës ka'ap të nyajtuk'ëwaanë ko yë nmaankës tëëjës xymyëtsiptsoony etsës yë njuukyajtën o'kënjëjp'am xypyëjktakë.

1 Samuel 17:58

Tä ja Saúl tyajtëëy ja David: Tuk'ëwa'anëkës u'unk maay ¿Pën mteety'äjtyp? Tä ja David y'ëtsooy: Yë nteetyës jä'ä txëëwaty Jesé, jam tsyëënë Belén mëti'ipë mijts mtuunpë'ajtypyën.

Rut 4:22

Obed xyëëwajt yë tyeety yë Jesé, Jesé xyëëwajt yë tyeety yë David.

Mateo 1:5

Salmón yë'ë teety'ajtë Booz, yë Booz yë'ë Rahab tyaak'ajt, Booz yë'ë teety'ajtë Obed ets Obed, yë'ë Ruth tyaak'ajt. Obed yë'ë teety'ajtë Jesé,