Mateo 1:21 - Biblia Dc en Mixe de Quetzaltepec

²¹ Ye'eytyëjk y'ita'any. Jä'ä xytyukxëëwatëty Jesús, jä'ä ko ja jyä'äy tyajpokynyiwa'atsa'any.

Biblia Mixe de Quetzaltepec

²¹ Ye'eytyëjk y'ita'any. Jä'ä xytyukxëëwatëty Jesús, jä'ä ko ja jyä'äy tyajpokynyiwa'atsa'any.

Mateo 1:21 ပူးပေါင်းရင်းမြစ်များ

Hechos 13:23

Tääts ja Dios näjyëtu'un najtskäjxëy ja Yajknitsokpë Jesús, David yë y'u'unk y'ok, jëtu'un ijxtëm të twaantä'äkyën.

Hechos 4:12

Ka'ap maa wiinkpë yajnitsokpë, ka'ap maa naaxwiinyëtë apëtsëmy ja ja'ay mëti'ipë ja Dios të xymyo'oyëmën ets xyajnitsokmëty.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Dios wyintsë'kën mëti'ipë ja naaxwiinyëtë ja'ay yajpokywyätsëpën.

1 Juan 3:5

Tëë miits xynyijawëtë ko ja Jesukristë, yë'ë të tniminy yaa naaxwiiny ets xyajpokywyatsmëty, yë'ë, ka'ap tii poky tmëëtëty.

Lucas 2:21

Kom tuktujk xëëw ja mëxu'unk yajnatsujk'ëwtijty ja ye'etyëjkajtën ets xyëëwpejty Jesús, nän yë'ë xëëw pyëjktaktë mëti'ipë ënety ja tsajpjotmëtë kukäjpxy të tuk'ëwaanën ja Maria ma ënety ka'ap ja y'u'unk nëkëjxm'atynyëmën.

Hechos 5:31

Tëë ja Dios tpëjktä'äky y'aka'any'äämpy Yajkutujkpë ets Yajknitsokpë, jëtu'unts ja Israel ja'ay t'ëxmatstëty ja y'ëxëëk winma'anyëty ets ja pyoky yajnimä'kxtëty.

Lucas 1:31

U'unk mëët mwë'ëma'any, mpaatäämpy tu'uk ja maank mëti'ipë mtukxëëwatëpën Jesús.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Lucas 2:11

Tëë tyam myëxu'unk'aty jam David kyajpnjotm ja Yajnitsokpë, yë'ë ja Kristë, ja Wintsën.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Hechos 3:26

Ko ja Dios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Dios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Jeremias 23:6

Ko ënety yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Génesis 18:10

Tää ojts nitu'uk y'ënä'äny: Jëmëjt jatëkok min nku'ix nkukajpxëtë. Ko jyamëjt'atëty, Sara yë mto'oxytyëjk pyatäämpy tu'uk yë u'unk maay. E yë Sara, yë Abraham yë tyo'oxytyëjk; taptëm ënety tmëtoow'ity jëxkë'ptsow ma yajnitëkën ja wyittëjk.

Lucas 1:13

Tääts ja tsajpjotmëtë kukäjpxy y'ënëmaayë: Zacarías, këtii mtsë'ëkë, tëë ja Dios tmëtoy ko xyjyä'äymyetsy, pyatäämpy ja mto'oxytyëjk Isabel tu'uk ja y'u'unk mëti'ipë mtukxëëwatëpën Juan.

Jeremias 33:16

Jä'ä xëëw ëwaatsëtuuy nëjkx Judá yajpaaty ets Jerusalén jotkujk nëjkx y'ity. Jëtu'un nëjkx tijtë: Yë Wintsën yë'ë xyajmëtakëm.

Génesis 17:19

Ets Dios y'ëtsoowë: Mëti'ipë mijts ntuk'ënëmääpyën yë'ë ko mto'oxytyëjk tu'uk yë u'unk tyajmina'any naaxwiiny ets xyëëw xypyëjtakëty Isaac. Mëët yë'ë ntuknikajpxpejtypyës yë n'oyajtënës ets yë'ë myëët'atantëp yë y'u'unk y'ok.

Génesis 17:21

E yë n'oyajtënës yë'ëjës yë Isaac ntukmëët'atäämpy, yë mëti'ipë Sara yajminäämpyën naaxwiiny jajëmëjt.

Jueces 13:3

Ënet ojts tëkok tu'uk yë Wintsën kyukäjpxy nyikëtä'äkyë ets y'ënëmaayë: Mijts ka'ap të tjëkyepy yë u'unk maay xypyaatëty xy'ixëty, e tyam yë'ëts yam ntuknijawëjäämpy ko mijts mpatäämpy m'ixäämpy tu'uk yë u'unk maay.

1 Samuel 1:20

Tä ja Aná ja y'u'unk myääy tyajja'ajty naaxwiiny ets txëëwmooy Samuel. Jä'ä ko ja Wintsën ënety të tpëjktsoy.

Mateo 1:25

Ka'ap yë José mëët yë Maria myaamujky ijxtëm yë ja'ay tsyëënëtën tëëpë pyëktën, koonëm ja Maria tpaty tu'uk ja y'u'unk ets tukxëëwajty Jesús.

Juan 4:42

Ets t'ënëmaaytyë ja to'oxytyëjk: Nmëpëjktëpës tyam, ka'ap yi'iyëty ko mijts të xynyikäjpxy, näjyëtu'un koos kë'ëm të nmëtowtë ko tyiyëty, ko yë'ë naaxwiinyëtë ja'ay Yajknitsokpë.