Mateo 1:20 - Biblia Dc en Mixe de Quetzaltepec

²⁰ Tëë ënety ja José jëtu'un myäy tyäjy ko ojts t'ixy kuma'ayjoty tu'uk ja Wintsën ja y'anklës. Tääts ojts y'ënë'ëmxëty: José, David yë tyëëmp y'aats, këtii xytsyë'ëkë ko xytyo'oxytyëjk'atëty yë Maria, yajminäämpy tu'uk yë mëxu'unk, Kënu'kxypyë Mëk'ajtënkyëjxm.

Biblia Mixe de Quetzaltepec

²⁰ Tëë ënäty ja José jëtu'un myäy tyäjy ko ojts t'ixy kuma'ayjoty tu'uk ja Wintsën ja y'anklës. Tääts ojts y'ënë'ëmxëty: José, David yë tyëëmp y'aats, këtii xytsyë'ëkë ko xytyo'oxytyëjk'atëty yë Maria, yajminäämpy tu'uk yë mëxu'unk, Kënu'kxypyë Mëk'ajtënkyëjxm.

Mateo 1:20 ပူးပေါင်းရင်းမြစ်များ

Lucas 1:19

Tääts ja tsajpjotmëtë kukäjpxy y'ëtsooy: Gabrielës ëjts, Tiosës y'ënä'ämën npatuunëp; yë'ëjës të xykyexy ets mijts n'ëwaanëty ya'atë aaw ayuk oypyë.

Mateo 1:18

Jëtu'un ja Wintsën Jesukristë myiiny kye'exy. Yë Maria, ja Jesús tyaak, yë'ë ënety mëët ja José tsyëënëja'any. Ka'anëm ënety tsyëënëtë tääts ja Maria ojts wyi'imy u'unk mëët, ja Wintsën ja myëk'ajtën y'oyajtën ojts tyukëtä'äkyë.

Mateo 2:19

Ko ja Herodes y'o'ky, ënät ja José ojts t'ijxkojnëpë kuma'ayjoty ja Wintsën ja y'anklës jam Egiptë, ets y'ënëmaayë:

Joel 2:28

Ko ënety jëtu'un të tyuny të jyätyë, täätsës nëjkx nyajkëtä'äky yë nmëk'ajtënës ma nitëkokyë ja'ayëtyën: yë m'u'unk m'ëna'këty ye'etyëjkpë ets to'oxytyëjkpë nëjkxëp yë n'ayukës tkajpxnaxtë ma miitsëtyën; yë mëjja'aytyëjk nëjkxëp mya'atë pyo'kxtë ets ëna'ktëjkëty oyëty nëjkx wyikëma'atë.

Lucas 2:4

Paaty ja José tsyo'ony jam Nazaret, Galilea y'itjotm ets ojts nyijkx Belén, Judea y'itjotm, ma ja yajkutujkpë David ënety të myëxu'unk'atyën, jä'ä ko ja José yë'ë tyeety'ajt y'ap'ajt ja David.

Mateo 28:5

Ënet ja tsajpjotmëtë kukäjpxy t'ënëmaay ja to'oxytyëjktëjkëty: Këtii mtsë'ëkëtë. Nija'apës ko miitsëty Jesús m'ixtaaytyëp mëti'ipë ojts ja ja'ay yajkruutspetyën.

Isaías 26:3

Wintsën mijts jotkujk xyaj'ity mëti'ipë mëk jyot wyinma'anyën, jä'ä ko mijts mtuk'ijxpäjtëp.

Jueces 13:3

Ënet ojts tëkok tu'uk yë Wintsën kyukäjpxy nyikëtä'äkyë ets y'ënëmaayë: Mijts ka'ap të tjëkyepy yë u'unk maay xypyaatëty xy'ixëty, e tyam yë'ëts yam ntuknijawëjäämpy ko mijts mpatäämpy m'ixäämpy tu'uk yë u'unk maay.

Génesis 31:11

Maas ënety jam jëtu'un nkuma'ayën, ënät ja Dios tsajpjotmëpë kyukäjpxy xytyukmëkäjpxyës ja nxëëwës etsës n'ëtsooy: Tyaajës jä'ä.

Mateo 2:22

Ko tnija'awëy ja José ko yë'ë ja Arquelao jam yajkutujkp Judea y'itjotm ets yë'ë ja tyeety Herodes të tkutëkë, tsë'kë ja José ets jam nyëjkxëty. Kuma'ayjoty ojts ja Dios y'anklës tyuk'ëwaanëty ets ka'ap tsyëënëty jam Judea, paaty ojts nyijkxy jam Galilea.

Salmos 143:8

Ko jyopyëp'atëty, tuknija'awëkës yë mtsojkën mja'awën, mijtsyë tu'ukyë ntuk'ijxpejtyp. Tuknija'awëkës wi'ixës nja'ay'atëtyën, jä'ä ko yë ntsojkënës jamës npëjktä'äky ma mijtsën.

Salmos 119:125

Ëjtsës mijts xytyuunpë'ajtp. Mooykyës yë ijxkujkën ja'aykyujkën; nnijawëjäämpyës yë m'ënä'ämën mtëyajtën.

Salmos 94:19

Koos mëk nmay ntajy ets kanaakjëjp ja jotmay maas yë njot nkëpajkën, mijtsës xyajjotkujktakp etsës xymyo'oy yë xoontakën.

Mateo 2:13

Tëë ënety ja matsa'a ixtääpyë tsyoontë ko ja José ojts t'ixy kuma'ayjoty ja Wintsën y'anklës ets y'ënëmaayë: Pëtë'ëk ets nëjkx jap Egiptë mëët yë mëxu'unk ets tyaak. Jap m'itëty koonëmës nikajpxëty, jä'äkyëjxm ko ja Herodes y'ixta'ajäämpy yë mëxu'unk ets tyaj'ooka'any.

Jeremias 33:26

nijëna'ajës nka'ixtija'any yë Jacob ets ntuunpës David yë y'u'unk y'ok, ka'apës nijëna'a ntu'u'ëtuka'any yë Abraham, Isaac ets Jacob y'u'unk y'ok ets yajkutuktëty. Jä'ä ko npa'ëyoowtëpës paaty jatëkok nyajjotkujkëja'antës.

Isaías 30:21

Ko ënety muum ajotkumonë mtu'utëkoyä'äny, pojën xymyëtowa'any tu'uk ayuk mjëxkë'ëy mëti'ipë nëjkx m'ënë'ëmxëtyën: Tyaatsow ja tu'u, yaatsow nëjkxtë.

Proverbios 12:5

Yë wa'ats ja'aytyëjk yë'ë myëmaay myëtajtëp yë tëyajtën jaanty'ajtën; e yë ëxëëkja'aytyëjk yi'iyë myëmaay myëtajtëp wi'ix wyin'ëën wyinxajtëtyën.

1 Reyes 17:13

Tä ja Elías y'ëtsooy: Këtii mtsë'ëkë. Nëjkx yaj'oyë mëti'ipë të xynyikäjpxyën. Jëyëjp ja tsajpmokway xyajtunëty jampë xymyëët'atyën ets xyaj'oyëty tu'uk yë nma'atsyës ets mjä'ä xyaj'oyëty ets mmaank yë jyä'ä näjyëtu'un.

Jeremias 40:9

Ets ja Guedalías y'ënëmaayëtë, yë'ë tyios tyukkajpxpejtyp: Këtii mtsë'ëkëtë ko yë caldeo ja'ay m'ënä'äma'anëtë. Jam wë'ëmtë tsënääpyë Babilonyë ets oy myajpaatëty.

Jeremias 31:22

¿Je'eyë mnaxa'any mtëkëja'any tä tu'uk to'oxy ëna'kën mëti'ipë tëë yë tyaak tyeety t'ëxmajtsnën? Ëjts mëti'ipë Wintsën'ajtpën, tëëjës npëjktä'äky tu'uk yë winma'any jempyë: Ko yë to'oxytyëjk yë'ë y'amëtowëp yë ye'etyëjk ijxtëm jeexyë yë ye'etyëjk yë'ë t'amëtoyën yë tyo'oxytyëjk.

Isaías 51:7

Mëtoow'itë ya'atë aaw ayuk, miitsëty ninu'un xynyijawëtën mëti'ipë mëtëyën, miitsëty naax kajpnëty mëti'ipë kyupëjktëpën ja n'ijxpëjkënës. Këtii xymyëjpëjkta'aktëty oy pën wi'ix m'ënë'ëmxëtëty, këtii xymyëmon xymyëtukëty ko m'ojëtëty,

Génesis 46:3

Ënet yë Dios y'ënäny: Ëjts jëtu'un Dios, mëti'ipë mteety Tyiosajtën. Këtii mtsë'ëkë, ko mnëjkxa'any Egiptë, jä'ä ko jamës yë m'u'unk m'ok nyajnimayëja'any ets tu'uk yë kajpn nyajkoja'anyës.

Isaías 7:2

Jää jëmëjt ojts ja aaw ayuk tukninëjkxtë ja yajkutujkpë Ahaz ma ja jyëën tyëjkën, jëtu'un t'ënëmaaytyë: Yë yajkutujkpëtëjk mëti'ipë Siria ja'ayëtyën tëë käjpxytyu'unën tuntë mëët yë Efraín ja'ayëty. Tä ja yajkutujkpë tyëjkëy tsëyuuypyë mëët ja nyaax kyajpn ijxtëm aay kepy tsyëtyuyën ko pyojyu'kxy.

Isaías 7:13

Ënet ja Jeséas y'ënäny: Miitsëty jënu'un ja David xymyëku'uk'atën, mëtoow'itë ya'atë ja aaw ayuk, miitsëty mëti'ipë David m'u'unk'ajt m'ok'ajtëtëpën. Miitsëty ka'ap yowë mtimkyu'uxëtë nijënu'un ko ja mjëëky mmëku'uk je'eyë xyajjotkëxtë ets xymyëmayëtë, yë'ëpaat yë Dios xymyëma'ayënëtë.

1 Reyes 3:5

Tëkok ojts wyinkuma'ay jam Gabaón, jä'ä twin'ijxy Wintsën nyiminyë ets y'ënëmaayë: Amëtoowkës tii mtimtsyojkpyën ets tyam nmo'ojëty.

Mateo 2:12

Ko ënety të t'ëkwintsë'ëkëtë ja mëxu'unk, tääts ojts yajtuk'ëwaanëtë kuma'ayjoty ko ka'ap nän jam y'ëkwinpijnëtëty ma ja Herodes. Tääts wyimpijnëtë ma wiink tu'ujën ets nyëjkxnëtë kyajpnjotm.

Mateo 27:19

Tam ënety ja Pilato y'u'unyë ma ja kyutujktaknën ko ja tyo'oxytyëjk ojts ja ayuk tyuknikexyë: këtii tääpë ja'ay xymyëmayëty, ka'ap tii poky tmëëtëty. Jä'ä ko tëëjës tääpë ja'ay nwinkuma'ay ya'atë tsu'um.

Hechos 5:19

Tu'uk ojts ja Wintsën ja y'anklës myiny ets ja pujxntëjk tyaj'ëwatsy ets pyëtsëëmtë. Tääts y'ënëmaayëtë:

Apocalipsis 19:7

Nxoontakëmë, n'ijtëmë nxo'onëmë ets nmëjja'aw njaantyjya'awëmë, jä'ä ko tëë ja xëëw tpaaty ma ja Dios U'unk mëët ja jyä'äy nyäpyaata'anyën, ets mëët pyëka'any y'uuka'any, tëë ja jyä'äy nyäy'ixkukëtë.