Mateo 1:16 - Biblia Dc en Mixe de Quetzaltepec

¹⁶ Jacob yë'ë teety'ajtë José, mëti'ipë Maria mëët pyijkyën ets tyajmëxu'unk'ajtë yë Jesús, mëti'ipë ojts yajtijyën näjyëtu'un Kristë.

Biblia Mixe de Quetzaltepec

¹⁶ Jacob yë'ë teety'ajtë José, mëti'ipë Maria mëët pyijkyën ets tyajmëxu'unk'ajtë yë Jesús, mëti'ipë ojts yajtijyën näjyëtu'un Kristë.

Mateo 1:16 ပူးပေါင်းရင်းမြစ်များ

Mateo 1:15

Eliud yë'ë teety'ajtë Eleazar, Eleazar yë'ë teety'ajtë Matán, Matán yë'ë teety'ajtë Jacob,

Mateo 16:16

Tääts ja Simón Pedro y'ëtsooy: MKristë mijts, ja juuky Dios ja y'U'unk.

Mateo 16:20

Tääts ja Jesús ojts t'ëne'emy ja y'ijxpëjkpëtëjk ets ka'ap pën tuk'ëwaanëtëty ko yë'ë Kristë.

Mateo 2:13

Tëë ënety ja matsa'a ixtääpyë tsyoontë ko ja José ojts t'ixy kuma'ayjoty ja Wintsën y'anklës ets y'ënëmaayë: Pëtë'ëk ets nëjkx jap Egiptë mëët yë mëxu'unk ets tyaak. Jap m'itëty koonëmës nikajpxëty, jä'äkyëjxm ko ja Herodes y'ixta'ajäämpy yë mëxu'unk ets tyaj'ooka'any.

Mateo 27:17

Ko ja ja'ay myujktë, ënät ja Pilato yajtëëwëtë: ¿Pën mtsojktëp etsës n'ëxmatsëty; yë Jesús Barrabásë ëkë Jesús mëti'ipë yajtijpën Kristë?

Mateo 27:22

Ënet ja Pilato yajtëëwëtë: ¿E wi'ixës mtunëty yë Jesús, mëti'ipë yajtijpën Kristë? Tääts ni'ëmukë y'ëtsoowtë ja mayjyä'äy: Yajkruutspät.

Marcos 6:3

¿Këtii yë'ëjëty ja tsäjtspë, Maria yë y'u'unkë, Santiagë myëkä'äxë, mëët ja José ets ja Judas ets ja Simón? ¿Këtii yaajëty yë myëkä'äxtëjk to'oxy ëna'kpë tsyëënëtë? Ka'ap tmëpëjktë ja Jesús.

Lucas 1:27

ets tku'ixëty ja to'oxy'ëna'k ka'apë ye'etyëjk tmëët'atynyëmën, mëti'ipë xyëëwajtypyën Maria. Ajaaymyuky ënety y'ijnë ets ja José tmëëtsëënëja'any, yajkutujkpë David y'u'unk y'ok.

Lucas 2:48

Ko ja tyaak tyeety y'ijxpatëtë, mëj ixy t'ijxtë. Tääts ja tyaak y'ënëmaayë: U'unk, ¿tii koos jëtu'un xytyuntë? Yë mteety ets ëjts, tëë najënu'un n'ixtaaynyëtë, nëkooyës njotmaypyatnëtë mëët mijts.

Lucas 2:7

Jam myiiny jyä'äjty ja y'u'unk mëtu'ukpë. Tääts ojts tpity tmotsy mëët ja wit ets tko'ky jëyujk ajë'kxënjoty, jä'ä ko ka'ap ojts ja jya'ajtakn tpaatë ma ja kajpnën.

Lucas 3:23

I'px majk ënety ja Jesús ja jyëmëjt ko ja tyuunk tyajtso'ontäky. Jëtu'un ja ja'ay y'ëna'antë ko Jesús yë'ë José y'u'unk ets José Elí y'u'unk,

Lucas 4:22

Oy tsuj ja ja'ay tnikajpxtë ja Jesús, mëjmëtoy tjawëtë ko tii janty tsuj tmëtyä'äky ets xim yam nyäyajtëëwëtë: ¿Këtii yë'ëjëty ya'atë José myaankë?

Juan 4:25

Ënet ja to'oxytyëjk y'ënëmaayë: Nija'apës ko myina'any ja Mesías ja Kristë; ko ënety myiny, yë'ë nyikajpxta'ajäämpy tu'kë'ëyë winë.