Mateo 1:12 - Biblia Dc en Mixe de Quetzaltepec

¹² Ojts jam wiinkpë myëkä'äxtëjk jyaak mëxu'unk'atë. Jeconías yë'ë teety'ajtë Salatiel, Salatiel yë'ë teety'ajtë Zorobabel,

Biblia Mixe de Quetzaltepec

¹² Ojts jam wiinkpë myëkä'äxtëjk jyaak mëxu'unk'atë. Jeconías yë'ë teety'ajtë Salatiel, Salatiel yë'ë teety'ajtë Zorobabel,

Mateo 1:12 ပူးပေါင်းရင်းမြစ်များ

2 Reyes 24:14

Tsumy tyajnëjkxtaay ja ja'ayëty jampë tsyëënëtën Jerusalén, ja kopktëjkëty ets ja tsiptuunpë wintsënëty; ojts tyajnëjkxta'ay ja ja'ayëty mëti'ipë ijty kojtëpën taktëpën ets mëti'ipë pujxnyaj'o'oyëtëpën; majk mil ojts tyajkä'pxy ja tsumjyä'äy. Jam ma ja kajpnën nitu'uk ja ja'ay ojts kyawë'ëmy, yi'iyë mëti'ipë mëk timy'ëyoowtëpën.

2 Reyes 25:27

Ma ënety y'i'px wëxtujk anyën ja mëmäjtskpo'opë, ma më'i'px majkmokx mäjtsk jëmëjt y'apetyën ma ja yajkutujkpë Joaquín, Judá ja'ay yajmënëjkxyën jap Babilonyë; jää ojts tyëkë yajkutujkpë yë Evil-merodac. Tyaapë yajkutujkpë ojts yë ama'atjot tmëët'aty, paaty tpa'ëyooy ja Joaquín ets tju'ty jap pujxn tëkoty,

1 Crónicas 3:17

Yë y'u'unk y'ëna'k yë Jeconías, mëti'ipë nyaaxjoty kyajpnjoty yaj'ëxwojptën ets ojts tsumy matsy yajmënëjkxtë, jä'ä xyëëwajtë: Salatiel, ja kä'äxkopk,

Esdras 3:2

Ja Josué, Josadac yë myaank ets ja myëku'uktëjk ninu'un tyeety'atën, näjyëtu'un yë Zorobabel, Salatiel yë myaank ets ja jyiiky myëku'uk. Ojts tyajtso'onta'aktë ja tuunk ma tkojë'ëktën ja Wintsën ja wyintsë'këntyakn, ma tyaktëtyën ja wintsë'kën nino'okpyë, tä jap myinyën këxja'ay ma ja ënä'ämën tëyajtënën mëti'ipë ja Moisés yajkën, Dios yë tyuunpë.

Esdras 5:2

Ënet ja Zorobabel, Salatiel myaank ets Josué, Josadac myaank tyëjkëtyë tuunpë ets jatëkok tniwa'këtyë ja tsajptëjktuunk jam Jerusalén, e ja Dios ja kyäjpxynyajxpëtëjk jä'ä jam tyimmëët'ajtyp ets tputëkë.

Nehemías 12:1

Ya'atë jëtu'un ojts tyeety'atë ets Leví ja'ayëty mëti'ipë jatëkok winpijtën jam Jerusalén mëët Zorobabel, myaank yë Salatiel ets mëët yë Josué: Jä'ä ja teetytyëjkëty mëti'ipë txëëwajtëpën: Seraías, Jeremías, Esdras,

Jeremias 22:24

Jëtu'un ja Wintsën t'ënëmaay ja Jeconías, yë Joaquim yë myaank mëti'ipë jam Judá yajkutujkpën: Yë njuukyajtënës kë'ëm ntukajpxpejtyp etsës n'ëna'any: Oyxyëp jeexyë mijts jëtu'un mtimyajpatpë nkë'ëkëjxyës tä tu'uk kë'ëjiitsën mëti'ipë ja'ay tyuknokytsyääpyën, mijts je'eyëm njëpëka'any maajës yë nkë'ëjën

Jeremias 22:28

¿Wä'än yë Jeconías jyëtu'unëty tä tu'uk yë tu'tsën mëti'ipë pu'ujënë, ëkë tä tu'uk yë texyën ëkë a'ukën mëti'ipë ka'ap pën tsyokyënë? ¿Wi'ix jëtää ko jam të yajnajtswojpëtya'atë wiink naax wiink kajpn ma ka'ap pën t'ixy'ätyën?

Jeremias 22:30

Jëtu'un yë Wintsën y'ënä'äny: Jap ya'atë ye'etyëjk kuuja'atë ma yajjaaypyätën yë ye'etyëjktëjk, ko jëtu'un yë'ë tä tu'uk ja'ayën mëti'ipë ka'ap nitu'uk yë y'u'unkën, tä tu'uk yë ye'etyëjkën mëti'ipë ka'ap tii të y'oypyëtsë'ëmxëtyën ko të jyuuky'äty. Jä'ä ko ka'ap nëjkx nitu'uk yë y'u'unk y'ëna'k jyä'ty ma David yë kyutujktaknën ets jeexyë jam jatëkok y'ëne'emy Judá.

Hageo 1:1

Ma ja Darío mëmäjtsk jëmëjt yajkutukyën, ma tyu'uk anyën ja mëtëtujk po'opë. Ojts yë Wintsën mëët yë Hageo käjpxynyajxpë tmëkäjpxy yë Judá yajkutujkpë, mëti'ipë xyëëwajtypyën Zorobabel, Salatiel yë myaank ets Josué mëti'ipë nyikopk'ajtypyën yë teetytyëjk, yë Josadac yë myaank.

Hageo 1:12

Yë Zorobabel, yë Josué ets nitëkokyë ja'ayëty mëti'ipë ojts tmëtowtën wi'ix ja Wintsën y'ënä'änyën mëti'ipë ja Hageo käjpxynyajxpë nyimëtyäkpyën, ojts tsyë'ëkëtë.

Hageo 1:14

Jëtu'un'äämpy ojts yë Wintsën tyajjotmëktä'äky yë Zorobabel jatëkok, mëti'ipë jam Judá yajkutujkpën, tääts ja Josué, mëti'ipë nyikopk'ajtypyën ja teetytyëjkëty ets nitëkokyë ja ja'ayëty; e ma y'i'px majktaxk anyën ja mëtëtujk po'opë ma mëmäjtsk jëmëjt yajkutukyën ja Darío, jää ojts tkojtso'onta'aktë ja Wintsën ja jyëën tyëjk, mëti'ipë Tios'ajtpën mëti'ipë maaytyääyëpën winë.

Hageo 2:2

ets tuknipëjky t'ënëëmëty ja Zorobabel, ja Josué ets ja ja'ayëty:

Hageo 2:23

Jä'ä xëëw, mijts Zorobabel, mëti'ipës ntuunpë'ajtypyën nëjkx nkuwa'any ets jëtu'un nëjkx ntimy myëët'aty tääjës nmëët'atyën yë nkë'ëjiitsës mëti'ipës winë noky ntuktsääpyën, jä'ä koos mijts kë'ëm të nwin'ixy. Ëjts Wintsën, mëti'ipë maaytyääyëpën winë, ëjts ënaanp.

Mateo 1:11

Josías yë'ë teety'ajtë Jeconías mëët yë myëkä'äxtëjk ko ojts ja Israel ja'ay yajtsum yajmatstë ets yajmënëjkxtë Babilonyë.

Mateo 1:13

Zorobabel yë'ë teety'ajtë Abihud, Abihud yë'ë teety'ajtë Eliaquim, Eliaquim yë'ë teety'ajtë Azor,

Mateo 1:17

Majkmajkts najtskä'äxë tpaty ko tsyo'ontä'äky ma Abraham ets jyä'ty ma David. David jatëkok tyuktso'ontäkpy majkmajkts najtskä'äxë koonëm ja Israel ja'ay yajmënëjkxtë Babilonyë. Ënet ja wiinkpë tsyo'ontäky ja majkmajkts najtskä'äxë mapaat ja Kristë myiiny naaxwiiny.

Lucas 3:27

yë Johanán y'u'unk, yë Resá y'u'unk, yë Zorobabel y'u'unk, yë Salatiel y'u'unk, yë Nerí y'u'unk,