Mateo 1:1 - Biblia Dc en Mixe de Quetzaltepec

¹ Yaa myiny kuja'ay ja Jesukristë y'aptëjk, Abraham y'u'unk y'ok ets David y'u'unk y'ok.

Biblia Mixe de Quetzaltepec

¹ Yaa myiny kuja'ay ja Jesukristë y'aptëjk, Abraham y'u'unk y'ok ets David y'u'unk y'ok.

Mateo 1:1 ပူးပေါင်းရင်းမြစ်များ

Génesis 22:18

ets tu'kë'ëyë yë naaxwiinyëtë ja'ayëty nkënu'kxta'ajäämpyës mëët mijtskyëjxm, jä'ä koos mijts të xymyëmëtoy.

Gálatas 3:16

Näyjyëtu'un ënät, Dios ojts tukwinwanë ja Abraham mëët ja y'u'unk y'ok ja oypyë ja juukyajtën. Yë Dios yë y'aaw y'ayuk ka'ap ni'ëmukë ja'ay tijta'ay: U'unk ok, jä'ä y'ënäny mijts yë m'u'unk m'ok, ja Kristë yajtijp.

Romanos 1:3

Ma tnimëtyä'äkyën ja Dios ja y'u'unk, Wintsën Jesukristë, mëti'ipë mëxu'unk'ajtën jëtu'un tä oy pën ja'ayën; yë'ë ja David ja y'u'unk y'ok;

Apocalipsis 22:16

Ëjts, Jesús, tëëjës ja n'anklës nkexy ets ya'atë tu'kë'ëyë tuk'ix tuknijawëtëty ja niwëxtujk pëkpyë mëpëjkpëtëjk ma ye'eymyuktën. Ëjts ja David xy'u'unk'ajtp xy'ok'ajtp. Ëjts jëtu'un të'kxp ijxtëm ja jaayxyëëwën mëti'ipë jopyëp yaj'ijxpën.

Salmos 132:11

Yë Wintsën ojts yë waantakën tuny mëët yë David, ma y'ënänyën ko tääpë waantakën ka'ap tjëkyepy tyëkoyëty.

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Isaías 11:1

Jëtu'un tä tu'uk kepy jyiitsyën, jëtu'un ja Jesé tu'uk ja jyä'äy pyëtsëma'any.

Juan 7:42

Jëtu'un ja Dios ja y'aaw y'ayuk y'ënä'äny ko ja yajkutujkpë David ja y'u'unk y'ok nëjkx Kristë'aty ets jam tsyoona'any Belén, jä'ä ko jam ja David ijty kyukajpnëty.

Génesis 12:3

Nkënu'kxäämpyës mëti'ipë ënety mkënu'kxëpën, npokäämpyës mëti'ipë ënety mpojkëp mijts kyëjxmën; mëët mijtskyëjxm nkënu'kxta'ajäämpyës yë ja'ay naaxwiinyëtë apëtsëmy.

Hechos 2:30

Yë David, Dios käjpxynyajxpë ijty, nyija'ap jä'ä ko ënety ja Dios tëë mëktä'äky tyukwinwanëty ko ja y'u'unk y'ok tu'uk tpëjkta'aka'any mëti'ipë y'ëxajëpën ja David ja kyutujkën.

Mateo 1:18

Jëtu'un ja Wintsën Jesukristë myiiny kye'exy. Yë Maria, ja Jesús tyaak, yë'ë ënety mëët ja José tsyëënëja'any. Ka'anëm ënety tsyëënëtë tääts ja Maria ojts wyi'imy u'unk mëët, ja Wintsën ja myëk'ajtën y'oyajtën ojts tyukëtä'äkyë.

Isaías 53:8

Nanëkookyëjxm ojts tmënëjkxtë, ka'ap pën pyukajpxëyë, ets ka'ap pën pya'ëyoowë. Jëtu'un ja'ay yaj'o'kë tä aay ujts yajwijxë'ëkyën, ja nnaax nkajpnës ja nyëë pyoky ojts tkumëtoowë.

Romanos 9:5

Yë'ë y'u'unk y'ok ja y'aptëjkëty; yë'ë tsyikts'ajt y'aats'ajtëp, ma txëëwatën naaxwiinyëtë ja'ay, ma niTios'ajta'ayën winë, mëj'äämpy wintsë'ëkë y'itëty xëmëkyëjxm. Oy jyëtu'un'atëty.

Romanos 4:13

Dios ojts tukwinwanë ja Abraham ets ja y'u'unk y'ok tukumayä'äny ja naaxwiinyëtë; ka'ap yë'ëkyëjxmëty ko ja ënä'ämën tpatuntëty, yë'ëkyëjxm ets oy ets mëtëy ja paye'eyën jyää'atëty ko myëpëjky.

Mateo 15:22

Ets tu'uk ja to'oxytyëjk Canaán ja'ay nyimiinë yaxp jojkp: Wintsën, David yë y'u'unk y'ok, pa'ëyoowkës. Yë nnëëxës myëët'ajtyp tu'uk ku'oypyë mëti'ipë yaj'ëyoowëpën.

Mateo 9:27

Ko ja Jesús jam tsyo'ony ets ja ja'ay wiintspë nimäjtsk pyatso'onë yaxp jojkp: Pa'ëyoowtëkës, David yë myaank.

Jeremias 33:26

nijëna'ajës nka'ixtija'any yë Jacob ets ntuunpës David yë y'u'unk y'ok, ka'apës nijëna'a ntu'u'ëtuka'any yë Abraham, Isaac ets Jacob y'u'unk y'ok ets yajkutuktëty. Jä'ä ko npa'ëyoowtëpës paaty jatëkok nyajjotkujkëja'antës.

Génesis 2:4

Ya'atë jëtu'un yë nyimëtyä'äky, wi'ix ojts yë tsajp ets naaxwiinyëtë kyojtën. Ko yë Wintsën ojts tyajkojy yë tsajp ets naaxwiinyëtë,

Mateo 3:16

Ko ja Jesús nyëëpäjtaay, ënät pyëtsiimy nëëjoty. Tääts ënätyë y'ëwatsy ja tsajp ets t'ijxy ja Kënu'kxymyëkajtën nyikëtä'äkyë ijxtëm tu'uk ja pakën.

Zacarías 12:8

Ëjts Wintsën, nkuwa'anäämpyës yë Jerusalén ja'ayëty. Mëti'ipë ëmaay paki'ix yajpatëpën mëk nëjkx y'itë tä Davidjën ets David yë y'u'unk y'ok jëtu'un nëjkx yajpaatë Tiosën, jëtu'un tä yë Wintsën yë tsyajpjotmëtë kukäjpxyën mëti'ipë tu'uwinye'eyëtëpën.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënety jyotkujk'atyën,

Génesis 5:1

Yaa jëtu'un kuja'ay myiny ja y'u'unk y'okëty yë Adán. Ko yë Dios ojts tyajkojy yë naaxwiinyëtë ja'ay. Jëtu'un ojts tyajkojy ijxtëm yë Dios kë'ëm y'ixëtyën.

Salmos 89:36

Yë y'u'unk y'okëty yë'ë ënä'ämantëp xëmë ma kyutujktaknën, mapaat jyää'atyën yë xëëw.

Salmos 89:3

Ojts tu'uk yë käjpxytyu'unën xytyuny mëët yë David, ets ojts xytyukwinwanë ja mtuunpë mëti'ipë ojts kë'ëm xywyin'ixyën:

Mateo 1:2

Abraham yë'ë teety'ajtë Isaac, Isaac yë'ë teety'ajtë Jacob, Jacob yë'ë teety'ajtë Judá mëët yë myëkä'äxtëjk.

Lucas 1:33

ets yajkutukëty xëmëkyëjxm ma ja Israel ja'ayëtyën ka'ap kyëxa'any nyaxa'any ja kyutujkën.

1 Timoteo 2:5

Jä'ä ko tu'ukyë je'eyë Dios, ka'ap maa wiinkpë ets tu'ukyë ja ja'ay mëti'ipë itkujky yajpatpën ma ja Tiosën mëët ja naaxwiinyëtë ja'ay: Yë Kristë Jesús.

2 Timoteo 2:8

Ja'amyäts ja Jesukristë, mëti'ipë ojts jyuukpyikyën ko y'o'ky, ja David ja y'u'unk y'ok, ijxtëmës nnimëtyä'äkyën.