Marcos 9:7 - Biblia Dc en Mixe de Quetzaltepec

⁷ Ënet ja yoots ojts myiny ma ënety jamëtyën ets ojts ja yoots yajnitëkoyëtë; jap yootsjoty yajmëtooy tu'uk ja ayuk mëti'ipën ënanën: Ëjts ya'atë n'u'unk, mëti'ipës ntsojkpy nja'apën, mëtoow'itë ets mëmëtowtë wi'ix y'ënä'änyën.

Biblia Mixe de Quetzaltepec

⁷ Ënät ja yoots ojts myiny ma ënäty jamëtyën ets ojts ja yoots yajnitëkoyëtë; jap yootsjoty yajmëtooy tu'uk ja ayuk mëti'ipën ënanën: Ëjts ya'atë n'u'unk, mëti'ipës ntsojkpy nja'apën, mëtoow'itë ets mëmëtowtë wi'ix y'ënä'änyën.

Marcos 9:7 ပူးပေါင်းရင်းမြစ်များ

Salmos 2:7

Yë'ëjës nikajpxäämpy nimëtya'akäämpy mëti'ipë yë Wintsën të tuknipëjktaakën; yë'ëjës të xy'ënëëmë: Mijts n'U'unk'ajtyp, ëjts yë njot ne'pny mmëët'ajtyp.

Salmos 97:2

Na'ëwtity yajpaaty mëët yë yoots, yë mëtëypyë nipaye'eyën ets oypyë ja kuttujkën yë'ë jeky yaj'ijtyp ja kyutujktakn.

Éxodo 24:16

Yë Dios yë myëj'ajt y'oyajtën ojts jam kyëtä'äky ma ja Sinaí kopkën, tëtujk xëëw ojts jëtu'un y'ity. Ko wyëxtujkxëëwpejtyp täänëm ja Dios ojts tmëkäjpxy ja Moisés jap jokjoty yootsjoty.

Éxodo 40:34

ënät ja yoots nëma'a ojts tyajnituky ja wit tëjk ma ja näpyaatë y'ityën mëët ja Dios ets tyajtuktujktaay mëët ja myëj'ajt y'oyajtën.

Daniel 7:13

Tamës jëtu'un nwinkumaa ëtë'ëtsy koots. Ko ajotkumonë të n'ixyës: Ja'ayën myiny yootsjoty, naaxwiinyëtë ja'ayën yaj'ixy, jä'ä të tninëjkxy ja Mëjja'ay ets të yaj'ënëëmë ets wyinkonëty.

Mateo 27:43

Tëë jyot wyinma'any tpëjktä'äky ma Tiosën, wä'än Dios yë'ë tyam yajnitso'okyë pën tsojkëp, jä'ä ko yë'ë jëtu'un të y'ënä'äny ko Dios y'U'unk'atyë.

Mateo 27:54

Ko ja tsiptuunpë wintsën jëtu'un t'ijxtë, mëti'ipë ënety jam kyëwent'ajtëpën ja Jesús, ko nëkoo ja naaxwiinyëtë y'ëkyu'kxnë, ënät tsyë'këtyë ets y'ënantë: Tëytyëm ko tääpë ja'ay Tiostëm ijty U'unk'ajtëp.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

Marcos 1:11

ets yajmëtooy tu'uk ja ayuk jam tsajpjotm y'ënä'äny: Mijts n'u'unk'ajtyp, mëti'ipës ntsojkpyën, tëëpës.

Marcos 9:6

Paaty ja Pedro ojts jëtu'un y'ënä'äny jä'ä ko tëë ënety tsyë'ëkëtë, ka'ap y'ëkwinma'anypyatnëtë wi'ix t'ënëëmëtëty ja Jesús.

Marcos 9:8

Ko ënätyë y'ijx'ëwëtijtë, ni pën ojts maa tka'ëk'ijxnëtë mëët ja Jesús, yi'iyë ja Jesús näty'uknë.

Lucas 3:22

ets ja Kënu'kxymyëkajtën nyikëtakë ijxtëm tu'uk ja pakën ets yajmëtooy ja ayuk jam tsajpjotm: Ëjts mijts n'u'unk'ajtyp, ntsojkpy nja'ap mijts ni'ik ets ntukjotkujk'ajtyp.

Juan 1:34

Tëës n'ixy, ëjts ijxpë nija'apës je'eyë ko yë'ë Dios y'u'unk'atyë.

Juan 1:49

Ënet ja Natanael y'ënëmaayë: Wintsën, mijts ja Dios m'u'unk'ajtëp, mijts ja Israel ja'ay yajkutujkpë.

Juan 12:28

Dios Teety, yaj'ixët ja mmëjajtën mjaantyajtën. Ënet ja ayuk yajmëtooy jam tsajpjotm y'ënä'äny: Tëës nyajmëjnaxy ets njaaktimyajmëjnaxäämpyës jatëkok.

Juan 19:7

Ets ja jutiis ja'ayëty y'ëtsoowtë: Tap ëëts tu'uk ja n'ënä'ämën nmëët'atë mëti'ipë ënaanpën ko y'ookëty ja ja'ay mëti'ipë nätyijëpën Dios U'unk.

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Dios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

Juan 5:18

Paaty ja jutiis ja'ayëty tjantyyaj'ooka'antë, jä'ä ko ka'ap yi'iyëty po'kxënxëëw tka'ëmaay'äty, näjyëtu'un nyätyijyë ko Tiosëty, jä'ä ko y'ënä'äny ko Dios teety'äty.

Juan 5:37

E tëë näjyëtu'un ja Dios Teety, mëti'ipës të xykexyën nikäjpxy ja tëyajtën ëjtskyëjxm. Oy miits nijëna'a të xykyamëtowtë ets të xykya'ixtë,

Juan 6:69

Tëës mijts nmëpëktë ets nija'awëtyëpës ko mijts mKristëty, Dios Wa'atspë.

Juan 9:35

Ojts ja Jesús tnijawë ko ënety ja wiints të t'ixkäxtë jap tsajptëkoty; ko tpaty, ënät tyajtëëy: ¿Mmëpëjkpy mijts ja naaxwiinyëtë ja'ay ja y'U'unkë?

Hechos 1:9

Ko ja Jesús kyajpxtaay, tääts nän jämyë ijxwintë'kxyë tsyajpejty ets yu'tsëy ja yoots.

Hechos 7:37

Ya'atë Moisés yë'ë näjyëtu'un y'ënëmaay ja Israel ja'ayëty: Dios tyuknipëjktaakëjäämpy ets jam ma miitsëtyën tu'uk pyëtsëmëty ja kukäjpxy ijxtëm ëjtsën.

Hechos 8:36

Jëtu'un tyu'uye'eytyë, ënät ja nëë tpatë ets ja Etiopíë ja'ay y'ënäny: Tyaa nëë, ¿ka'ap jëtää y'oyëty koos nnëëpätëtyë?

Romanos 1:4

je'eyëp ko jyuukpyijky o'kpë akujky jää ojts y'awinpity Dios u'unk, mëët ja kuttujkën, ets mëët ja mëk'ajtën mëti'ipë yajwatspën.

Hebreos 2:1

Paatykyëjxm wäänëni'ik nmëjpëjktakmëty mëti'ipë të nmëto'owëmën ets ka'ap n'ëxmajtsmëty mëti'ipë të nmëpëjkëmën.

2 Pedro 1:17

Ojts n'ijxëm ko ja Dios Teety myooyë ja mëj'ajtën oyajtën, ko ja Dios Teety ja y'aaw y'ayuk y'ënäny: Ëjts ya'atë n'u'unk, mëti'ipës të nwin'ixyën.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.