Marcos 9:4 - Biblia Dc en Mixe de Quetzaltepec

⁴ Ënet ja y'ijxpëjkpëtëjk t'ijxtë ja Elías mëët ja Moisés tmëëtmëtya'aktë ja Jesús.

Biblia Mixe de Quetzaltepec

⁴ Ënät ja y'ijxpëjkpëtëjk t'ijxtë ja Elías mëët ja Moisés tmëëtmëtya'aktë ja Jesús.

Marcos 9:4 ပူးပေါင်းရင်းမြစ်များ

Mateo 11:13

Yë Dios yë kyäjpxynyajxpëtëjk ets Moisés yë y'ënä'ämën tyiyajtën je'eyë ojts t'akajpxtë ko ënety myiny wyinkony ja tsajpjotmëpë kuttujkën, koonëm myiiny ja Juan yajnëëpäjtpë;

Marcos 9:3

Yajxon ojts ja wyit y'atë'kxnë janty poop yaj'ixy, ni pën ja'ay jëtu'un ja wyit kyapoopëty oy jënu'un të tjapujy.

Marcos 9:5

Tääts ja Pedro t'ënëmaay ja Jesús: Wintsën, oy koos yaa nyajpaatë. Minës n'ëk'oytyuntë tëkëëk yë aaytyëjk, tu'uk mijts yë mjä'ä, tu'uk yë Moisés yë jyä'ä ets tu'uk yë Elías yë jyä'ä.

Lucas 24:27

Tääts ja Jesús ojts tyuk'ixëtë ja Dios ja y'aaw y'ayuk ma kë'ëm yajnimëtyä'äkyën, tyimtso'ontä'äky mëti'ipë Moisés jyääyën ets tu'kë'ëyë jënu'un ja Dios ja kyäjpxynyajxpëtëjk tjaaytyën.

Lucas 24:44

Tääts y'ënëmaayëtë: Mëti'ipës të xyäty të xykyëpetyën, yë'ë mëti'ipë ojts ntuk'ëwaanëtën ko ënety jää mëët miitsëty njaak'ityës, ko kopkpëky ko jëtu'un njata'anyës ijxtëm xynyimëtya'aktësën ja Moisés ja y'ënä'ämën, ja Dios ja kyäjpxynyajxpë ets ja Salmos.

Lucas 9:19

Tääts y'ëtsoowtë: Tam mëti'ipë ënantëpën ko mijts Juan Yajnëëpäjtpë; wiinkpë y'ëna'antë ko mijts m'Eliësëty, nän tam mëti'ipë ënantëpën ko mijts Dios kyäjpxynyajxpë të jyuukpyiky mëti'ipë tëëyëp juukyajtpën.

Juan 5:39

M'ijxpëjktëp oy'ixyë ja Dios ja y'aaw y'ayuk këxja'aypyë, jä'ä ko jëtu'un mmaytyë mtajtë ko jap xypyaata'antë ja juukyajtën xëmëkyëjxmëpë.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Dios y'itëty. Ets jyaak'ënany: Ya'atë tëyajtën, yë'ë ja Dios ja kyäjpxynyajxpëtëjk winma'anymyooyë.