Marcos 9:29 - Biblia Dc en Mixe de Quetzaltepec

²⁹ Tääts ja Jesús y'ënäny: Ya'atë jëtu'unpë ku'oypyë ënät yë pyëtsimy ko Dios yajpëjktsoy mëk'ajtën.

Biblia Mixe de Quetzaltepec

²⁹ Tääts ja Jesús y'ënäny: Ya'atë jëtu'unpë ku'oypyë ënät yë pyëtsimy ko Tios yajpëjktsoy mëk'ajtën.

Marcos 9:29 ပူးပေါင်းရင်းမြစ်များ

Santiago 5:15

Ko ëmuumtu'uk ja Dios tja'amyätstëty, tso'okaanp ja pa'amja'ay, yajmëkpëkëtëp ja Wintsën; ets pën tëë pyokytyuny, yajpokmyä'kxaanp jä'ä.

Mateo 17:20

Tääts ja Jesús y'ënëmaayëtë: Jä'ä ko miitsëty ka'ap oy mmëpëktë. Tëy n'ënëëmëtë, ko jeexyë mmëpëktë, oy tyim yi'inëmëty, jëtu'un tä mostasë pajkën, mnëmaaytyëp jeexyë xiipë kopk: Jëwa'ak yaa, ximtsow nëjkx ets ja kopk jëwa'kp ja jeexyë. Nitii jeexyë tsip xykyajawëtë.

Daniel 9:3

Ënet ja Wintsën të nmënu'kxtä'äkyës, tëëjës n'ayuu'aty ets tëëjës ja nwit mpëjktä'äky mëti'ipë u'kxpën ets tëëjës jaamjoty n'u'unyë.

Efesios 6:18

Këtii xy'ëxmatstëty ja Dios ja'amyäjtsën, mënu'kxta'aktë ets amëtowtë pëjktsowtë ja Dios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Dios ja kyajpn.

2 Corintios 12:8

Tëkëëk okës të nja''amëtoy yë Wintsën ets jeexyë tjëëpëky ya'atë pëjkën ijxën;

2 Corintios 11:27

Tëës nmënaxy nyajnaxy ja tuunk mëkpë tsaatsypë ets ja amay jotmay, ma nkama'ay nkapo'kxyës, ma ayuu nëëtëëtsë të n'ityësën ets ma ja potmjot näjyëtu'un të nyajnaxyës ets ko ja nwit nxoxës të kyaka'ty.

Lucas 11:26

Ënet tsyoony ets nëjkx tjaak woy ja myëmëjku'u niwëxtujk ets ënät tuktëkëtë ja ja'ay; tsënaaytyakn twa'antë ets ja ja'ay wäänë ëxëëk jyajnë ka'ap jyëtu'unëty ko ijty tu'uk ja ku'oypyë tmëëtëty.

1 Corintios 9:27

Ni'ikyës ja ni'kx nkopk ntëytyuny etsës winë mëtëy ntuny ijxtëm pyaat'atyën, këtiipës nwë'ëmtëty tukxi'iky ma ja ja'ayëtyën mëti'ipës të nyaj'ijxpëktën.

Hechos 14:23

Ojts ja Pablo ets ja Bernabé tnikajpxpätë ja mëjja'aytyëjk maajëty ja mëpëjkpëtëjk ye'eymyuktën, ets ja Dios tuknija'amyäjtsëtë ets y'ayuu'ajtë, ets tukë'ëtëjkëtyë ja Wintsën mëti'ipë ënety të tmëpëktën.

Mateo 12:45

Ënet tsyoony ets nëjkx tjaakwoy niwëxtujk ja myëku'oypyë ets jap tyëkëtë ma ja ja'ayën tsënääpyë; ja ja'ay ni'ik o'ktëy y'awinpity këtiinëm ënety jëtu'un të y'ity. Näyjyëtu'un jyata'antë ja ëxëëkja'aytyëjkëty mëti'ipë tyam juuky'ajtëpën.

2 Corintios 6:5

ja näywyop näkya'atsë, ja pujxntëjk, ja nëëmujk tukmujkën; ja mëktuunk, ja yuu nëëtëëtsë ets ko ja tsuu ma'ay kyaminy.

Mateo 17:21

Yë ku'oypyë jëwa'kp näjyëtu'un ko ja'ay Dios tja'amyetsy ets ko ja'ay y'ayuu'aty.

Marcos 9:28

Ok ja Jesús wyimpijty ets jyä'äjty ma tu'uk yë tëjkën, Tä ja y'ijxpëjkpëtëjk yajtëëwëtë ma ënety jap aakyë'ë yajpaatën: ¿Tii koos ja ku'oypyë ka'ap të xymyäytyë etsës n'ixkäxtëty?

Marcos 9:30

Ko ojts tsyo'onëtë, tääts nyajxtë jam Galilea ets ja Jesús ka'ap pën tjatuknijawëjany ko ënety jam yajpaaty,