Marcos 9:24 - Biblia Dc en Mixe de Quetzaltepec

²⁴ Ënet ja yä'äy ëna'k ja tyeety mëk y'ënäny: Nmëpëjkpyës; putëjkëtëkës ets njaaktimmyëpëkëtyës.

Biblia Mixe de Quetzaltepec

²⁴ Ënät ja yä'äy ëna'k ja tyeety mëk y'ënäny: Nmëpëjkpyës; putëjkëtëkës ets njaaktimmyëpëkëtyës.

Marcos 9:24 ပူးပေါင်းရင်းမြစ်များ

Lucas 17:5

Tääts ja Wintsën ja y'ijxpëjkpëtëjk y'ënëmaayë: Putëjkëtëkës etsës wäänëni'ik nmëpëktëty.

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënety ko ok y'ita'any ja xoontakën; tëë nyaaxweetsy aka'any'äämpy ma ja Dios ja kyutujktaknën.

Efesios 2:8

Dios të tuny ja mëyajtën ets të myajnitso'okëtë ko të mëpëktë. Ka'ap yë'ëkyëjxmëty ko miits oy tii të xytyuntë, Dios të tuny ja mëyajtën.

2 Tesalonicenses 1:11

Jä'ä ko jyëtu'unëty, paaty ja Dios xëmë ntuknija'amyätsëtë, n'amëtow nmpëjktsowtës ets xytyuntëty xykyajpxtëty oypyë ijxtëm pyaat'atyën mëti'ipë Dios të wyinwitsëtën. Wä'än yë myëk'ajtën tyajkëxë'ëky oy ma miitsëtyën mëti'ipë mtsojkën'ajtëpën ets ma mtuunkëtyën ko mëpëktë.

2 Tesalonicenses 1:3

Mëku'uktëjkëty, xëmës ja Dios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

Filipenses 1:29

Kristë mëët ja Dios të tuny ja mëyajtën ka'ap yi'iyëty ko xymyëpëktë ja Kristë, näjyëtu'un ko Kristëkyëjxm xymyënax xyajnaxtëty ja ëyo'on jotmay.

Salmos 126:5

Mëti'ipë niptëpën kojtëpën mëët yë jë'ëyën yaxën, mëët yë akujkajtën jotkujk'ajtën nëjkx tyajpëtë'knëtë ja pëjktä'äky.

2 Corintios 2:4

E ko ja noky ojts ntuknijayëtë, määpy tajpës ënety ets amutskëpës ets yaxpës. Ka'ap miits të nnijäyëtë ets nyajjotmaytyëkëja'antë, yë'ëkyëjxm ets miits xy'ixtëty xynyijawëtëty ko miits ni'ik ntsoktë.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

Hechos 10:31

Ënätës xynyëmaay: Cornelio, tëë ja Dios ja m'aaw m'ayuk tmëtoy, y'ijxyp nyija'ap ko të xyjyä'äymyetsy ets wi'ix ja mëyajtën xytyunyën ma ja ja'ayëtyën xypyutëkën.

Jeremias 14:17

Jëtu'un xy'ënëëmëty ja naax kajpn: Wä'än tka'ay yë nwiinnëëjës xëëny koots janaam jatsojk, mëët ko ja ëyo'on jotmay ja nnaax nkajpnës tyukminyë, ko tsyëtyuta'any mëjwiin këjää.

2 Timoteo 1:4

Nja'amyejtsypës xëmë ja mjë'ëyën myaxën, njaa'ixäämpy etsës jeexyë njotkujkë.

Lucas 7:44

Ënet ja Jesús t'ijxy ja to'oxytyëjk ets t'ënëmaay ja Simón: ¿M'ijxyp ya'atë to'oxytyëjkë? Nikë tëëjës yë nteky xyajkxo'kë mëët yë wyiin nëë ets wyääy të tukmäxtë'ëtsy; e koos yaa të ntëkë ma mtëjkën, ni nëës mijts të xykyamo'oy ets jeexyë ja ntekyës të npujy.

Lucas 7:38

Yaxp ja Jesús twinkuwa'këy ets ja tyeky ojts tyajxo'kë mëët ja wyiin nëë ets ja wyääy tukmäxtëtsy, ets ojts tsu'kxë ja Jesús ja tyeky ets tuktekymyëtä'ämëy ja pa'akxu'kpë nëë.

Salmos 39:12

Wintsën, mëtoow'ijtkës yë ntsajpkäjpxy, ja'akyukë tiijës ko një'ëy nyä'äxy, këtii amonyë m'itëty maas një'ëy nyä'äxyën. Ëjts jëtu'unës nnäjyawëty tä jaaypyaat jaaypyo'kxyën ma mijtsën, tä yë joon kyääkjëtityën, tääjës yë n'ap n'okën.

2 Reyes 20:5

Wimpit ets ënëëmë yë Ezequías, mëti'ipë nyiwintsën'ajtypyën yë nnaaxës nkajpnës: Yë Wintsën, mëti'ipë m'apteety David y'ëwtajtën, jëtu'un y'ënä'äny: Tëës nmëtoow'ity ja mjëëytyak mnu'kxtakën ets mjë'ëyën myaxën. Oy'atëp, tyam nyajtso'okëty, ko jyatëkëëk xëëw'atëty jyëkyäpëp mnëjkxëty ma tsajptëjkën.

2 Samuel 16:12

Pën xypya'ëyoopës jëna'a Wintsën ets pën jam tkëwentëtuny maas yam ëxëëk njaty nkëpetyën, wä'änxyëp ja ni'ikyë nëjkx xy'ëkënu'kxnës ets nëjkx jëëmpit winë y'ëktuun y'ëkjajtënë oyës ënety të njayajpoky jëtu'un tääjës tyam nmëtoyën.

Hebreos 12:17

Ets mnija'awëtëp miits ko ja tyeety ka'ap myooyë ja kënu'kxën ko ojts ok tja''amëtoownë jëëpy yaxp, niwi'ix'äämpy ojts kya'ëk'o'oyënë ets tyëkatsëty mëti'ipë ënety të tunyën.

Hechos 10:19

Tam ënety ja Pedro tmëmay tmëtajynyëm mëti'ipë të yajktuk'ixyën, ko ja Kënu'kxymyëkajtën y'ënëmaayë: Simón, tää ja'ay nitëkëëk m'ixta'ayë.

Marcos 9:23

Tääts ja Jesús y'ënäny: ¿Tii ko jëtu'un m'ëna'any pën mëpaat xyajtso'oky? Aak oy yë ja'ay pyëtsë'ëmxëtë winë mëti'ipë Dios mëpëjktëpën.

Marcos 9:25

Ko ja Jesús t'ijxy ja mayjyä'äy ko pyëyë'kmuktë, ënät mëk twinkukajpxëy ja ku'oypyë: Ku'oypyë, uumpë natpë, tyam n'ëne'emy ets xy'ëxmatsëty tyaapë yä'äy ëna'k ets ka'ap nëkoo xy'ëkmëwanëty.