Marcos 9:20 - Biblia Dc en Mixe de Quetzaltepec

²⁰ Tääts ja Jesús ojts tukninëjkxtë ja yä'äy ëna'k. Ko ja Jesús ja ku'oypyë y'ijxpatë, ënätyë ja yä'äy ëna'k ojts jyëpijpkëtä'äky ets tyëjkëy yäjtspë pojpë tyam ja o'pky jyänty pyëtsimy ma y'aawën.

Biblia Mixe de Quetzaltepec

²⁰ Tääts ja Jesús ojts tukninëjkxtë ja yä'äy ëna'k. Ko ja Jesús ja ku'oypyë y'ijxpatë, ënätyë ja yä'äy ëna'k ojts jyëpijpkëtä'äky ets tyëjkëy yäjtspë pojpë tyam ja o'pky jyänty pyëtsimy ma y'aawën.

Marcos 9:20 ပူးပေါင်းရင်းမြစ်များ

Marcos 1:26

Mëk'äämpy ja ku'oypyë tyajtsëtyuupyijky ja ja'ay ets mëk yäxy jyojyky, ënät ja ku'oypyë pyëtsiimy.

Lucas 4:35

Tääts ja Jesús twinkukajpxëy ja ku'oypyë ets t'ënëmaay: Amonyë, ëxmats tääpë ja'ay. Ënet ja ye'etyëjk yajkëtaawë ja ku'oypyë mayjyä'äyjoty ets y'ëxmajtsë, kä'äp ojts wi'ix y'ëktuunënë.

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Lucas 9:42

Ko ja yujkyeeky ëna'k tyajmiintë, ënätyë ja ku'oypyë yajkëtaawë ets pyätë ja mootyë pa'am. Ënet ja Jesús twinkukajpxëy ja ku'oypyë ets tyajtsoky ja yujkyeeky ëna'k ets tukë'ëtëjkëy ja u'unkteety.

Lucas 8:29

Yë'ë kyu'ëna'anëp ko ja Jesús ja ku'oypyë t'ëne'emy ets ja ja'ay t'ëxmatsëty. Kanaak'ok ënety ja ku'oypyë të tsyäätsytyunyë. Ko ja pujxntejpxy jyayajtuktsumy ma kyë'ëjën ma tyekyën ets ka'ap maa nyëjkxëty, yë'ë tyukpojtëtyääpy ënätyë ets nyijkxy jam muum të'ëts'itjotm.

Marcos 9:26

Tääts ja ku'oypyë mëk y'ayaxtuty ets ja yä'äy ëna'k ojts tjaakyajmooty. Ënet ja ku'oypyë ojts pyëtsimy, jëtu'un yaj'ixy tëë yowë tyaj'ooky ja yä'äy ëna'k. Jëtu'un may ja ja'ay y'ënantë ko tëë y'ooky.

Marcos 9:18

Ko yë ku'oypyë myätsyë ënätyë yajkëtayë ets o'pky jyänty pyëtsimy ma y'aawën, tä ënät yë tyëts tjanty y'akä'pmuky ets jëtu'unyë wyi'imy tu'k'ityë. Tëës yë m'ijxpëjkpëtëjk njanëëmë ets jeexyë tyajpëtsëmtë ja ku'oypyë ma yë'ëjën e yë'ëjëty ka'ap të myäyëtë.

Marcos 9:19

Tääts ja Jesús y'ëtsooy: Miits ka'ap mmëpëktë. ¿Wi'ix ko miitsëty ka'ap tii xytyuntë, jä'ä xytyimtsoktë aak'ëjts winë ntunëty? Yajmintë yaa ya'atë yujkyeeky ëna'k.

Marcos 9:21

Ënet ja Jesús tyajtëëy ja u'unkteety: ¿Jëna'a jëtu'unpë pa'am pyäätyë? Tääts ja u'unkteety y'ënäny: Mutsknëm.

Lucas 9:39

Xëmë ku'oypyë myätsyë ets yajyä'äxy yajjokyë, mootyë pa'am myëët'ajtyp, yaxon o'pyk jyänty pyëtsimy y'aawjoty, o'ktëy jyäty kyëpety, ka'ap y'ëk'ëxmatsanënë.