Marcos 9:2 - Biblia Dc en Mixe de Quetzaltepec

² Komtëtujk xëëw ja Jesús mëët ja Pedro, Santiagë ets ja Juan pya'tëjkëtë ma tu'uk ja kopkën mëti'ipë këjxmën. Jamts ja Jesús ojts tyëkatsy ja wyiin jyëjp.

Biblia Mixe de Quetzaltepec

² Komtëtujk xëëw ja Jesús mëët ja Pedro, Santiagë ets ja Juan pya'tëjkëtë ma tu'uk ja kopkën mëti'ipë këjxmën. Jamts ja Jesús ojts tyëkatsy ja wyiin jyëjp.

Marcos 9:2 ပူးပေါင်းရင်းမြစ်များ

Isaías 33:17

Nëjkxëp jatëkok ja yajkutujkpë ja myëj'ajtën xy'ijxë; ja naax tsëpa'an jëkämpaat nëjkx nyäxy.

Marcos 5:37

Ka'ap t'a'ijxëy ets nimay pën pyanëjkxëtëty, yi'iyë wyoow Pedro, Santiagë ets Juan, yë Santiago y'uty.

Marcos 14:33

Ojts twoownëjkxy ja Pedro, Santiago ets Juan. Tääts ja Jesús tyëjkëy moonpë tujkpë ets y'amutskëy,

Éxodo 24:13

Ënet ja Moisés pyëti'ky ets ojts jam pyety ma ja Dios ja kyopkën, ojts pyanëjkxyë ja Josué mëti'ipë ijty xëmë jämyëët'ajtëpën.

2 Corintios 13:1

Mëtëkëëk'ok tyam miits nëjkx nku'ixëja'antë. Jää nëjkx winë tyiytyëkë mëët nimäjtsk nitëkëëkën mëti'ipë y'ixtëp nyijawëtëpën winë.

Isaías 53:2

Wintsën kë'ëm të t'a'ixë ets tyuunpë yääkëty pyätëty tä aay ujtsën wintë'ëtstuuypyë. Ka'ap ijty oy yaj'ixy ets ka'ap ijty nijënu'un ja wyiin jyëjp tyäky, ja jyot nyini'kx aak tëkatsy ets aak ma'at ijty;

1 Reyes 18:42

Ja Ahab ojts ja nyijkxy ma jyëën tyëjkën kääpyë ukpë. E ja Elías jam ojts nyijkxy tunkëjxm ma kyëpäjta'ayën ja kopk mëti'ipë yajtijpën Carmel, jamts nyäkyoxtënaaytyakë ëmuumtu'ukjot,

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Marcos 16:12

Ko jëtu'un y'ëknajxy, ënät ja Jesús wiink nyänyikëxë'kë ma ënety nimäjtsk ja ja'ay tyu'uye'eytyën, kyamjotm nyëjkxtë.

Filipenses 3:21

mëti'ipë ja ni'kx'ajt nkopk'ajtëm yajtëkatsäämpyën ets yë'ë xymyo'oja'anëmë ja kyë'ëm nini'kx mëti'ipë mëj'ajtën jaanty'ajtën myëët'ajtypyën ets tyunäämpy mëët ja myëk'ajtën mëti'ipë myëët'ajtypyën ets tmëmëtakta'ajëty oy tyimtiijëty.

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Dios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Lucas 6:12

Jää po'o ja Jesús ojts nyijkx Dios mëkajpxpë kopkëjxm, tu'ktsu'um ja Dios ojts tja'amyetsy.

Mateo 14:13

Ko ja Jesús tnija'awëy, ënät jam nätyu'uk tsyo'ony kepy nëëwinye'epyëjoty, jëkäm ojts nyijkxy. Ko ja ja'ay tnija'awëtyë ënät tsyo'ontë ma ja kyajpnëtyën ets ojts t'anëjkxëtë ja Jesús tekye'epy.

1 Reyes 18:33

Ko jëtu'un tma'ktaay ja ja'axy, ënät ojts ja tsajpkaa tsu'utsy jam tpëjktä'äky.