Marcos 8:35 - Biblia Dc en Mixe de Quetzaltepec

³⁵ Jä'ä ko pën ka'ap wi'ix jyata'any, kë'ëm ja jyuukyajtën tyajtëkoyëty; e pën y'ëxmajtsypyën ja jyuukyajtën koos ënety ëjts xypyatsoony ets tmëtoow'ity ja oy aaw oy ayuk, yë'ë yajtso'okäämpy ja jyuukyajtën.

Biblia Mixe de Quetzaltepec

³⁵ Jä'ä ko pën ka'ap wi'ix jyata'any, kë'ëm ja jyuukyajtën tyajtëkoyëty; e pën y'ëxmajtsypyën ja jyuukyajtën koos ënäty ëjts xypyatsoony ets tmëtoow'ity ja oy aaw oy ayuk, yë'ë yajtso'okäämpy ja jyuukyajtën.

Marcos 8:35 ပူးပေါင်းရင်းမြစ်များ

1 Corintios 9:23

Paatyës ya'atë jëtu'un ntuny koos ja aaw ayuk oypyë nkajpxwä'kxy, etsës ëjts näjyëtu'un npaatyës ja kënu'kxën.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

Lucas 17:33

Pën ja jyuukyajtën mëk tsyojkpyën, ni'ikyë tyajtëkoyä'äny; e pën yajtëkoopyën ja jyuukyajtën ni'ikyë jeky jyuuky'ata'any.

Mateo 16:25

Jä'ä ko pën ka'ap wi'ix jyata'any, tëkoyëp ja jyuukyajtën; e pën ja jyuukyajtën wintëkoopy mëët ëjtskyëjxm, jä'äts pyaatëp ja nitsokën.

Mateo 19:29

Ets ni'ëmukë pënjaty të t'ëxmatstën ja jyëën tyëjk, myëkä'äx, tyaak tyeety, y'u'unk y'ëna'k ets ja nyaax kyajpn; wäänëni'ik nëjkx yajmo'otë winë, mëko'px nipätën; näjyëtu'un yajmo'oja'antë ja juukyajtën xëmëkyëjxmëpë.

Mateo 10:39

Jä'ä ko pën ka'ap wi'ix jyata'any, tëkoyaanp ja jyuukyajtën; e pën y'ëxmatsyp ja nyaaxwiinyëtë juukyajtën mëët ëjtskyëjxm, jä'ä pyaatäämpy ja juukyajtën xëmëkyëjxmëpë.

2 Corintios 12:10

Ets jotkujkës näjyawëty koos n'ëyoy, koos nyajwinkäjpxy nyajjëjpkäjpxy, koos nyaj'ixjëtity nyajpajëtity ets koos ëxëëk ja Kristë nkujatë. Koos npëkyë n'ixyë jääjës näjyawëty nmëktä'äky.

Hechos 9:16

Ntuk'ix ntuknijawëpës wi'ixës xykyu'ëyowëtyën.

Lucas 9:24

Yë'ë ko pën yajtso'okäämpyën ja jyuukyajtën yajtëkoyäämpy jä'ä; e pën yajtëkoopy ja jyuukyajtën mëët ëjtskyëjxm, yë'ë ja nitsokën pyatäämpy.

Apocalipsis 12:11

Tëë ja nmëku'uk'ajtëm tmëmëta'aktë ja mëjku'u mëët ja Dios U'unk ja nye'pyny ets mëët ja tëyajtën mëti'ipë nyikajpxtën; ka'ap të tsë'ëkëtë ja o'kën, ni'ikyënëm të y'ëna'antë oy tyimwi'ix'atëty.

Mateo 10:22

Aak mmëtsip'atanëtëp ja ja'ay mëët ëjtskyëjxm; pën myëtënääpy mapaat kyukëxën, jä'ä nëjkx tsyo'oky.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Hechos 21:13

E ja Pablo jëtu'un y'ëtsooy: ¿Tii ko mya'axtë etsës xyajkumon xyajkutukëtë? Ëjts tëëjës ntuknipëjktaakë wä'än timwyi'ixëty, nkupëkäämpës pën yajtsuumpës ets oyës ntimy'ookëty jam Jerusalén mëët koos yë Wintsën Jesús nmëpëky.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Hebreos 11:35

Ojts y'itë ja to'oxytyëjkëty mëti'ipë jyiiky myëku'uk juuky pyatën mëti'ipë ënety të y'ooky'itën. Wiinkëtypë ojts y'ooktë ëyo'onjëjp'am, ets ka'ap tkupëjktë ets y'ëwaatsëpëtsëmtëty, jä'ä ko yë'ë tsyojktëp ets jatëkok jyuukpyëktëty ma wäänë oypyë juukyajtënën.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Dios ja ja'ay ttsoky tjawën.

Marcos 8:36

¿Tii ja ja'ay tyajwa'anëty ja wit meeny ëkë ja pëjktä'äky ëkë winëjaty pën yajtëkoopy ja jyuukyajtën?

Eclesiastés 3:6

Nyixëëw nyijëmëjt pyätyp ko pën tii t'ixmatsy ets ko pën nyäy'awijtsë'ëkyë. Ko pën tii tpëjkë'ëky tuunë'ëky ets ko pën tii t'ijxpëky.