Marcos 8:34 - Biblia Dc en Mixe de Quetzaltepec

³⁴ Ënet ja y'ijxpëjkpëtëjk ets ja mayjyä'äy tyaxëy, ets t'ënëmaay: Pën tsyojkpy etsës n'ijxpëjkpë'atëty, wä'än kyë'ëm winma'any tja'atyëkoy ets ja wyinma'any mëk tpëjkta'akëty, ëyowëp ijxtëm tu'uk ja ja'ay kyëruuts tpatsëmyën ko ja y'o'kën t'anëjkxë, ënätës xypyaminëty.

Biblia Mixe de Quetzaltepec

³⁴ Ënät ja y'ijxpëjkpëtëjk ets ja mayjyä'äy tyaxëy, ets t'ënëmaay: Pën tsyojkpy etsës n'ijxpëjkpë'atëty, wä'än kyë'ëm winma'any tja'atyëkoy ets ja wyinma'any mëk tpëjkta'akëty, ëyowëp ijxtëm tu'uk ja ja'ay kyëruuts tpatsëmyën ko ja y'o'kën t'anëjkxë, ënätës xypyaminëty.

Marcos 8:34 ပူးပေါင်းရင်းမြစ်များ

Mateo 10:38

Ka'apës xypyaat'aty n'ijxpëjkpë'atëty yë ja'ay mëti'ipë ka'ap ja wyinma'any mëk tpëjktä'äkyën ets y'ëyowëty ijxtëm tu'uk ja ja'ay jeexyë ja kyëruuts tpatsëmyën.

Juan 10:27

Yë nkupixynyës xyo'kmëtoowtëpës yë'ëjëty, etsës xypaye'eytyë.

1 Reyes 14:8

Ojtsës ja David ja y'u'unk y'ëna'k ets ja y'ok u'unk y'ok ëna'k npëjkë ja kuttujkën ets mijts nmooy. Je'eyëp ko mijts ka'ap tii winë oy xy'ëktuunë tä ja David winë oy tuunyën, ko ojts tpatuny ja n'ënä'ämënës ntëyajtënës winë aaw winëjot ets aak'oy ojts n'ijxës ja tyuunk;

Gálatas 5:24

Pën ja Kristë jä'ä''ajtëtëp jëtu'un tpaaty ijxtëm jeexyë të tyajkruutspätën ja y'ëxëëkjot y'ëxëëk winma'anyëty.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.

1 Juan 3:16

Nnija'awëm wi'ix ja Jesukristë xytsyojkëmën ëmuumtu'ukjot, paaty të xykyu'o'këmë. Näyjyëtu'un ëëts nkë'ëyajkmëty ja njuukyajtën'ajtëm ets nku'o'këmëty ja nmëku'uk'ajtëmë.

Mateo 16:24

Tääts ja Jesús t'ënëmaay ja y'ijxpëjkpëtëjk: Pën tsyojkpy etsës n'ijxpëjkpë'atëty, wä'än ja kyë'ëm winma'any tja'atyëkoy ets ja wyinma'any mëk tpëjkta'akëty ijxtëm tu'uk ja ja'ay kyëruuts tpatsëmyën ko ja y'o'kën t'anëjkxë, etsës xypyatsoonëty.

Filipenses 3:10

Yë'ës ntsojkpy etsës oy nnijawëja'any ja Kristë, etsës npaatëty ja mëk'ajtën ko të jyuukpyiky ets ko të tmënaxy të tyajnaxy ja ëyo'on jotmay; ets të xyajnaxyës tä yë'ëjën ko të y'ooky,

Romanos 8:17

Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Dios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

Lucas 9:23

Ok ni'ëmukë y'ënëmaayëtë: Pën tsyojkpy etsës n'ijxpëjkpë'atëty, wä'än kyë'ëm winma'any tja'atyëkoy ets winjëpom ja wyinma'any mëk tpëjkta'akëty ijxtëm tu'uk ja ja'ay ja kyëruuts tpatsëmyën ko ja y'o'kën t'anëjkxë, ënätës xypyaminëty.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

Filipenses 3:7

E mëti'ipës ijty ntijpyën ko ni'ik tsyowpaaty ma ka'ap ja Kristë ënety nmëpëkynyëmës, tyam tëëjës nijawë ko ka'ap tsyowpaaty.

1 Pedro 4:1

Jëtu'un ijxtëm ja Kristë jyot nyini'kx y'ëyooyën, jëtu'un mëpaat miits xykyupëktë ja ëyo'on. Mëti'ipë të y'ëyoyën ma ja nyi'kx kyopkën, tëë ja poky tpojtuky,

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

1 Corintios 15:31

Tëy miits nëëmëtë mëku'uktëjkëty, koos janaam jatsojkës n'ity o'kënjëjp'am ets tëyës n'ëna'any ko yë'ëjës ntukjotkujk'ajtyp ko miits ja Kristë të xymyëpëktë.

Romanos 6:6

Nnija'awëm ko ëëtsajtëm ëxëëk ijty njuuky'ajtëmë, e tëë ja njuukyajtën'ajtëm mëët tu'ukyë ja Kristë kyëruutspety, ets jëtu'un kyutëkoyëty ja ëxëëk winma'any ets ka'ap ja poky xy'ëktëytyu'unënëty,

Lucas 14:33

Näyjyëtu'un miitsëty pën ka'ap xy'ëxmatstë tu'kë'ëyë winë, ka'ap tjëkyëpy n'ijxpëjkpë'atëty.

2 Pedro 1:14

Tëë ja Wintsën Jesukristë xytyuknijawës wäänë jyaak ijty ets ya'atë juukyajtën n'ëxmatsa'anyës;

1 Pedro 4:13

Ni'ikyë mëpaat jotkujk myajpaatë ko xymyënax xyajnaxtëty ja ëyo'on jotmay mëti'ipë ja Kristë näjyëtu'un myënajx yajnajxën, ets näjyëtu'un mxoonta'aktëty ko ënety nyikëxë'ëky ja mëj'ajtën oyajtën ko Kristë myinëty.

Tito 2:12

Tääpë Dios yë y'oyajtën yë'ë xytyukni''ijxëm ets n'ëxmajtsmëty ja ëxëëk tu'unën ets atsojkën yaapë naaxwiinyëtën, ets oy nyajtu'uye'emyëty ja juukyajtën tyampë, mëët ja tëyajtën jaanty'ajtën,

Colosenses 1:24

Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënety ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Dios ja kyutujkënën, kopkpëky ko nku'ëyo'owëmëty.

Lucas 18:22

Ko Jesús jëtu'un tmëtooy, tääts t'ënëmaay: Tap ja tu'uk mëti'ipë mtëkoy'ajtxëpën. To'kta'a winë mëti'ipë mmëët'ajtypyën ets xymyo'ojëty ja ëyoopëja'aytyëjk; jëtu'un xypyaatëty ja kuma'ayën tsajpjotmëpë ets pamiinkës ënät ok.

Lucas 13:24

Jam mëpaat mtëkëtë ma ja tëjk'aawën xu'utspë. Jëtu'un miits nëëmëtë ko may ja ja'ay nëjkx jyatëkëja'antë, je'eyëp ko ka'ap nëjkx nyaxtë.

Mateo 27:32

Ko jam tsyo'ontë, ënät tu'uk tpatë ja ja'ay mëti'ipë xyëëwajtypyën Simón, Cirenë ja'ay, jä'äts ojts tuk'akwanë'atë ets tpatsëmëty ja Jesús ja kyëruuts.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Hebreos 13:13

Tsojk mpanëjkxëm ja Jesús kajpnpë'am, tsojk n'ëyo'owëm ijxtëm ja Jesús y'ëyooyën.

2 Tesalonicenses 3:11

Tëës nnijawëtë ko tam yë ja'ayëty mëti'ipë ka'ap tyajnipaatëtën ets tyuntëty, yi'iyë yajnipatëtyëp ets pyo'kxtëty pyëktëty.

1 Corintios 9:19

Oyës pën xykyatuunpë'aty, tëëjës näpyëjktä'äkyë ijxtëm ja mëtuunpën ets ja ja'ay may tpaatëty ja Kristë.

1 Corintios 8:13

Paaty, pën ëjts yë nmëku'ukës nyajpokytyuunpy mëët koos tii ntsu'utsy, nikë oy koos nijëna'a nkatsu'utsëty ja tsu'utsy këtiipë ja nmëku'ukës nyajpokykya'ajëtyës.

Juan 19:17

Tääts ja Jesús tsyo'ony, tam ja kruuts tpakäpy, ets nyijkx ma txëëwatyën O'kpë Këpajk mëti'ipë hebreo ayuk yajtijpën Gólgota.

Lucas 20:45

May ja ja'ay ojts tmëtowtë ko ja Jesús ja y'ijxpëjkpëtëjk t'ënëmaay:

Marcos 10:21

Ënet ja Jesús wyintë'kxpäjtë mëët tu'uk ja oyjyot oywyinma'any ets y'ënëmaayë: Tu'uk mjaaktëkoy'ajtxëty. To'kta'a mëti'ipë mmëët'ajtypyën ets mo'o ja ëyoopëja'ay. Ënet ja Dios ja kuma'ayën mmo'ojëtëty tsajpjotm. Täänëm xypyaminëtyës.

Marcos 7:14

Tääts jatëkok tmëkajpxmujky ja mayjyä'äy ets t'ënëmaay: Mëtoow'itë ni'ëmukë ets xyjyä'äkyukëtëty: