Marcos 8:33 - Biblia Dc en Mixe de Quetzaltepec

³³ E ja Jesús ojts wya'akwinpity ets ja y'ijxpëjkpëtëjk twin'ijxpejty nixim niyam, tääts ja Pedro twinkukajpxëy: Winwa'ktutkës, jëtu'un mijts mkäjpxy ijxtëm ja mëtsipën. Ka'ap jëtu'un tii xymyëmay xymyëtajy ijxtëm ja Tiosën, jëtu'un mmay mtajy ijxtëm oynapën naaxwiinyëtë ja'ayën.

Biblia Mixe de Quetzaltepec

³³ E ja Jesús ojts wya'akwinpity ets ja y'ijxpëjkpëtëjk twin'ijxpejty nixim niyam, tääts ja Pedro twinkukajpxëy: Winwa'ktutkës, jëtu'un mijts mkäjpxy ijxtëm ja mëtsipën. Ka'ap jëtu'un tii xymyëmay xymyëtajy ijxtëm ja Tiosën, jëtu'un mmay mtajy ijxtëm oynapën naaxwiinyëtë ja'ayën.

Marcos 8:33 ပူးပေါင်းရင်းမြစ်များ

Mateo 4:10

Ënet ja Jesús y'ëtsooy: Nëjkx mëjku'u, jëtu'un ja Dios y'aaw y'ayuk kyëxja'ayëty: wintsë'ëkë mWintsën Dios. Yë'ë tu'ukyë m'ëwtatëp ets xymyëmëtowëty.

1 Juan 2:15

Këtii xy'atsoktëty ja naaxwiinyëtë juukyajtën ets mëti'ipë jää yajpatpën naaxwiiny. Pën ja naaxwiinyëtë y'atsojkpy, ka'ap ja Dios Teety ja tsyojkën tmëëtëty,

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.

Salmos 141:5

Mëyajtën ënety tu'uk yë oyjyä'äy tyuunpy koos xytyukkumëtowëty maas tii oy nkatunyën, jëtu'unës njawëty tä tu'uk yë on pya'akxuukyën koos xy'ojëty ka'apës jëtu'unpë nwiinkjawëja'any oy mëk njamëtowëtyës ëjts je'eyëmës Dios nmëkajpxa'any.

1 Pedro 4:1

Jëtu'un ijxtëm ja Kristë jyot nyini'kx y'ëyooyën, jëtu'un mëpaat miits xykyupëktë ja ëyo'on. Mëti'ipë të y'ëyoyën ma ja nyi'kx kyopkën, tëë ja poky tpojtuky,

1 Timoteo 5:20

Pën pokytyuuntëpën, tuknëëmë ma ja mayjyä'äyën ets ja ja'ay tsyë'ëkëtëty.

1 Corintios 5:5

Tääts ya'atë ja'ay yajkë'ëyakëty ma ja mëjku'ujën ets ka'ap t'ëktuunëty ja kyë'ëm winma'any ets kyutëkoyëty ja nyi'kx kyopk pokymyëëtpë ets ja jya'awën nyitso'okëty ko ja Wintsën myinëty.

Lucas 22:61

Tääts ja Wintsën tni''ijxwinpijty ja Pedro. Ets ja Pedro tja'amyejtsy wi'ix ënety ja Jesús të nyë'ëmxëtyën: Tyam, naamka'anëm ënety ja këtseynyë'aaw yaaxë'ëky ko mijts xykyuyu'utsa'anyës tëkëëk ok.

Marcos 3:34

Ënet ja Jesús twin'ijxë'ky ja ja'ay mëti'ipë winkon win'u'unyääyëtëpën ets t'ënëmaay: Ya'atë ja'ayëty ntaak'ajtypyës ets nmëkä'äx'ajtypyës.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënety ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Mateo 15:23

Ja Jesús ka'ap nitu'k'aaw t'ëtsooy. Ënet ja y'ijxpëjkpëtëjk nyinëjkxëtë ets myënu'kxtakëtë: Ënëëmë tääpë to'oxytyëjk wä'än tnëjkxy, jä'ä ko yaxp jojkp xypyami'inëmë.

2 Samuel 19:22

E ja David tyaa y'ëtsooy: Ya'atë ka'ap miitsëty mpaatëtë, miitsëty Sarvia y'u'unk y'ëna'k. ¿Wi'ix ko xyjyëjpkukajpxëtës? Ëjts wa'atsës nijawë ko ëjts yajkutujkpë'ajtp ma Israel kajpnën, tyam ni pën mëpaat kya'ooky.

Tito 1:13

Ets tëy ojts y'ënä'äny, paaty xywyinkukajpxëty mëk'äämpy ets tu'ukyë tmëpëktëty ja Wintsën,

Lucas 9:55

Tääts ja Jesús wya'akwinpijty ets twinkukajpxëy.

Lucas 4:8

Tääts ja Jesús y'ëtsooy: Jëtu'un ja Dios ja y'aaw y'ayuk kyëxja'ayëty: Mwintsë'ëkëp yë Wintsën ets yë'ë tu'ukyë m'ëwtatëp ets mmëtunëp.

Job 2:10

Ënet ja Job y'ëtsooy: Mijts to'oxytyëjk, këtii nëkoo ëxëëkjaty m'ëna'any. Pën ëëtsajtëm nkupëjkëm mëti'ipë Dios xymyo'oyëmën, ¿wi'ix ko ënät ka'ap nkupëjkmëty ko ëxëëk xytyu'unmëty? Ëxëëk ojts jyäty kyëpety yë Job, e yë'ë kä'äpyëm tmëtëkooy yë Wintsën mëët yë myä'äyën tyajën ets mëët yë y'aaw y'ayuk.

Mateo 16:23

Tääts ja Jesús wya'akwinpijty ets t'ënëmaay ja Pedro: Winwa'ktutkës mijts. Jëtu'un mkäjpxy ijxtëm yë mëjku'u tsokyën. Je'eyës mijts xy'atsipy. Ka'ap mwinma'any jyëtu'unëty ijxtëm yë Tiosën; jëtu'un mijts mwinma'any ijxtëm yë ja'ayën.