Marcos 8:22 - Biblia Dc en Mixe de Quetzaltepec

²² Tääts jyajtë jam Betsaida. Jamts ja Jesús yajtuknimiiny tu'uk ja ja'ay wiintspë ets ojts yajmënu'kxtä'äky tkë'ënixajëty ja wiints ets tyajktso'okëty.

Biblia Mixe de Quetzaltepec

²² Tääts jyajtë jam Betsaida. Jamts ja Jesús yajtuknimiiny tu'uk ja ja'ay wiintspë ets ojts yajmënu'kxtä'äky tkë'ënixajëty ja wiints ets tyajktso'okëty.

Marcos 8:22 ပူးပေါင်းရင်းမြစ်များ

Mateo 11:21

Mon tuk myajpaatë miitsëty Corazín ja'ayëty ets Petsayëtë ja'ayëty, mëët ko të mkamëpëktë ets ko të xykyayaj'oyëtë mjot mwinma'anyëty. Ko jeexyë ja Dios ja myëj'ajtën të tyuny të jyätyë jam Tirë ets Sidón ijxtëm të tyuny të jyätyën ma miitsëtyën, tëëyëp ja nyajjootwinpijnëtë ets tëëyëp ja u'kxypyë wit natuktëjkënëtë, ets ja kuyjaam nyanätyukniwëjënëtë.

Mateo 14:36

ets tmëpëjktsoowtë ko oy je'eyë tyukpaatëtëty ja wyit jëjp; ets tu'kë'ëyë mëti'ipë patëtëp ja wit, ojts tsyokta'atë.

Mateo 8:15

Tääts ja Jesús toony ja to'oxytyëjk ja kyë'ë ets ja jëënpa'am nyiwatsë. Tääts ja to'oxytyëjk pyëti'ky ets yajkaay yaj'uukëtë.

Mateo 8:3

Tääts ja Jesús ojts tony ets t'ënëmaay: Ntsojkpyës ets mtso'okëty ets mwa'atsëty. Tso'ok ets wë'ëm wa'ats. Je'eyë ja Jesús jëtu'un y'ënäny ets ja ja'ay ja pyu'uts ënätyë tsyokaay ets wyatstaay ja nyini'kx.

Mateo 9:29

Tääts ja Jesús ojts ja wyiin tyo'onxëtë ets y'ënëmaayëtë: Wä'än jëtu'un tunyë tjatyë tä ja mëpëjkënëtyën.

Marcos 2:3

Ënet jyajtë nimajktaxk mëti'ipë kyiiyjmyiintëpën tu'uk ja ja'ay kë'ë xuxypyë tekyxyuxypyë.

Marcos 3:10

Jä'ä ko tëë ënety kanaak tyajtso'oky ja ja'ay; jëtu'unts ni'ëmukë ja pa'amja'ay myäymyiintë, mëpaatëp ja Jesús tyajkëtaawnëtë ko tona'antë.

Marcos 6:45

Ënätyë ja Jesús ja y'ijxpëjkpëtëjk tkukäjxëy kepy nëëwinye'epyëjoty ets nyëjkxtëty jam Betsaida ets ja Jesús ojts wäänë jyaak wë'ëmy ets nyäjyëkäjpxyë ma ja mayjyä'äyën.

Lucas 10:13

Miitsëty, Corazín ja'ayëty mon tuk myajpaatë ets miits Betsaida ja'ayëty mon tuk myajpaatë. Jä'ä ko jeexyë mëj'ajtën të yajtuny jam Tirë ets Sidón ijxtëm të yajtunyën ma miitsëtyën, wintiixyëp jeexyë ja u'kxywyit tmë'u'unyäänyëtë kuyjaamjoty, jëtu'unts jeexyë të tyajknikëxë'ëktë ko të jyootwinpitë.

Lucas 9:10

Tääts ja Jesús ja y'ijxpëjkpëtëjk jatëkok jyajtë ets tukmëmëtyaktë ja Jesús, wi'ixëty ënety të tuntën winë. Ënet ojts wyoowtsoonëtë ets ëpëky yajnëjkxëtë jam Betsaida kyajpnjotm.

Juan 1:44

Ja Felipe mëët ja Andrés ets ja Pedro, Betsaida ijty kyukajpn'atë.

Juan 12:21

Yë'ë ojts nimintë ja Felipe, mëti'ipë kukajpn'ajtpën Betsaida, Galilea y'itjotm tääts tmëpëjktsoowtë: Wintsën, Jesús n'ixantëpës.