Marcos 8:2 - Biblia Dc en Mixe de Quetzaltepec

² Mpa'ëyoopyës ya'atë ja'ayëty, jä'ä ko tëkëëk xëëw tyamnë ma mëët nyajpatëmën ets ka'ap tmëët'atë tii kyäytyëpën.

Biblia Mixe de Quetzaltepec

² Mpa'ëyoopyës ya'atë ja'ayëty, jä'ä ko tëkëëk xëëw tyamnë ma mëët nyajpatëmën ets ka'ap tmëët'atë tii kyäytyëpën.

Marcos 8:2 ပူးပေါင်းရင်းမြစ်များ

1 Reyes 19:6

Tää ja Elías y'ijx'ëwtijty ets pyë'aay t'ijxpaty jëënkëjxy y'ity jë'kxy y'aanpëky ets tu'ktu'ts yë uuky. Ënet pyëti'ky ets kyääy y'uky; ko kyääytyääy tääts jatëkok nyäkyo'kë.

Salmos 103:13

Yë Wintsën jëtu'un Tyios'aty tä tu'uk u'unkteetyën ma ja'ayëtyën mëti'ipë mëjpëjktakëpën,

Salmos 145:15

Tëkokyë yë ja'ay aakmijts mtuk'ijxpäjtëp, yë'ë y'ëwxijtëp ets xyajkay xyaj'uukëty ko yuu pyaatëtëty.

Salmos 145:8

Yë Wintsën janty'oy jot winma'any tmëëtëty, ets pa'ëyoop najts'ëyo'owëp, mä'kxtujkp ets tsojkp ja'ap.

Miqueas 7:19

Mëët'at jatëkok ja pa'ëyo'owën najts'ëyo'owën mëët ëëtsëty ets naaxnijääp ëëts ja n'ëxëëktu'un n'ëxëëk kajpxënëty. Jap kupëjknajxta'a këkmejyjoty ëëts ja nkäjpxykyutëjënëty.

Mateo 14:14

Ko ja Jesús pyëtsiimy kepy nëëwinye'epyëjoty ets t'ixy ja mayjyä'äy, ënät tpa'ëyooy ets tyajtsoky ja pa'amja'ay mëti'ipë ënety të tmëmintën.

Mateo 20:34

Tääts ja Jesús pya'ëyoowëtë ets ojts ja wyiin tyo'onxëtë. Ënätyë ja ja'ay ja wiintsëtypë ojts y'ijxpëktë ets ja Jesús tpatso'ontë.

Mateo 9:36

Ko ja Jesús t'ijxy ja mayjyä'äy, tääts tpa'ëyooy ko tëë y'ënu'kxëtë ets ka'ap ja mëtakën t'ëkmëët'ajnëtë, jëtu'un tä may kupixynyën mëti'ipë ka'ap ja nyi''ijxpë nyikëwent'ajtpë.

Marcos 1:41

Tääts ja Jesús pya'ëyoowë, ojts kyë'ënixajyë ets y'ënëmaayë: Ntsojkpyës ets mtso'okëty, tso'ok.

Marcos 5:19

Ka'ap ja Jesús tkupëjky, je'eyë t'ënëmaay: Nëjkx ma mtëjkën, ninëjkx ja mjëëky mmëku'uk ets xytyuk'ëwaanëty ko tëë ja Dios mpa'ëyoyë.

Marcos 6:32

Ënet ja kepy nëëwinye'epyë aak ayi'iyë tuktëjkëtyë ets nyëjkxtë të'ëts'itjotm.

Marcos 6:34

Ko ja Jesús mëët ja y'ijxpëjkpëtëjk jam jyajtë, tääts ja Jesús pyëtsiimy kepy nëëwinye'epyëjoty. Ënet t'ijxy ja mayjyä'äy ets ojts tpa'ëyoy ko jam tyänëtë ijxtëm ja kupixynyën mëti'ipë ka'ap tii nyikëwent'ajtpën. Ënet tyaj'ijxpëjktso'ony kanaakjëjp.

Marcos 8:3

Koos ayuu nkäxtëty ma tyëjkën, tsojk yuukëtawtëty tu'ujoty, jä'ä ko tam mëti'ipë jëkäm tso'ontëpën.

Marcos 9:22

Kanaak ok ja ku'oypyë jëënjoty ets nëëjoty të yajkukëtawëty ets yaj'ooka'anyë. Pën mëpaat xyajtso'oky, pa'ëyoowtëkës ets putëjkëtëkës.

Lucas 15:20

Ënet tyu'utëjkëy ets ojts nyijkx ma ja tyeety ja tyëjkën. Jëkämnëm ënety myiny ko ja tyeety y'ijxpatë, tääts pëyi'ikyë nyitso'onë ets pya'ëyoowë ets myënäänë ets tsyu'kxë.

Lucas 7:13

Ko ja Jesús t'ijxy ja to'oxytyëjk ja ku'ookpyë jyi'iy yä'äxy, tääts t'ënëmaay: Amonyë, këtii myä'äxy.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Dios wyintuuy y'itëty teety wintsën oypyë ets pa'ëyoopë ets ja Dios ja ja'ay tpokmyä'kxëty mëët ja wintsë'kën.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Hebreos 5:2

Jä'ä ko näjyëtu'un ja teety wintsën pyokyjyä'äy'atë, jyëkyejpy tpa'ëyowëty mëti'ipë kyanija'awëtëpën ets mëti'ipë tëkooytyëpën.