Marcos 8:15 - Biblia Dc en Mixe de Quetzaltepec

¹⁵ Tääts ja Jesús ja y'ijxpëjkpëtëjk t'ënëmaay: Näkyëwent'atëtë, këtiipë ja fariseë ja'ayëty ets ja Herodes ja'ay mtukpaatëtëty ja tsajpkääky nyitsooy.

Biblia Mixe de Quetzaltepec

¹⁵ Tääts ja Jesús ja y'ijxpëjkpëtëjk t'ënëmaay: Näkyëwent'atëtë, këtiipë ja fariseë ja'ayëty ets ja Herodes ja'ay mtukpaatëtëty ja tsajpkääky nyitsooy.

Marcos 8:15 ပူးပေါင်းရင်းမြစ်များ

1 Crónicas 28:20

Ënet yë David t'ënëmaay yë Salomón: Amëk jotmëk mtimy'itëty ets oy mtunëty, tuuntsoon. Këtii nëkoo mwinmaaytyëkatsëty ets këtii nëkoo mtsë'ëkëty, jä'ä ko yë nWintsën, ëjts yë nTiosës, mëti'ipës n'ëwtajtypyën yë'ë yajpaataanp mëët mijts xëmë. Yë'ë ka'ap nijëna'a m'ëxmatsa'anyë ets ka'ap mpuwa'ktuta'anyë, koonëm wyimpëtsëm jyëjpëtsëmëty ja tuunk mëti'ipë të xyajtso'ontä'äkyën ma ja Wintsën ja jyëën tyëjk xykyojyën.

Proverbios 19:27

U'unk maay, pën mijts ka'ap xy'oyjyawë ko pën tii mtuk'ënë'ëmxëty, jä'ä ënety m'ëxmajtsyp ja oypyë ja ëëwwijën kajpxwijën.

Mateo 14:1

Näy jää it ja yajkutujkpë Herodes ojts tmëtoy'äty ja Jesús ko yajnimëtyä'äky. Yë Herodes jam ënety yajkutuky Galilea,

Mateo 14:3

Jä'ä ko tëë ja Herodes ënety tni'ënä'ämë ja Juan ets yajmatsëty wä'än tsumy t'ity. Ja y'uty Filipo ja tyo'oxytyëjk mëti'ipë xyëëwajtypyën Herodías yë'ë ënety të y'ënë'ëmxëty ets tmatsëty ja Juan,

Mateo 14:6

E jää ma ja Herodes nyänyixëëwtunyën, ma ja xyëëw kyä'äxpäjnën, ënät ojts ja Herodías ja nyëëx tyëkë äjtspë, tap ënety ja ja'ay jyatëtë ets ja Herodes tyukjotkëtak ko ja Herodías ja nyëëx y'ejtsy.

Mateo 16:6

Ënet ja Jesús y'ënëmaayëtë: Näkyëwent'atëtë. Këtii mnätyukwin'ëënëtëty yë tsajpkääkytsyooy mëti'ipë myëët'ajtëpën yë fariseë ja'ayëty ets saduceos ja'ayëty.

Marcos 12:13

Tääts ja Jesús ojts yajktuknikexy ja fariseë ja'ayëty mëët ja Herodes ja jyä'äyëty, ets jeexyë ja Jesús muum kyajpxtëkoy mëti'ipë tyukni'ëënëtëpën.

Marcos 8:14

Tëë ënety tja'atyëkoytyë ja kyääkyëty, tu'uk jap je'eyë ja tsajpkääky tmënëjkxtë kepy nëëwinye'epyëjoty.

Marcos 8:16

Tääts ja y'ijxpëjkpëtëjk myäytyë tyajtë: Paty jëtää jëtu'un y'ënä'äny jä'ä ko ka'ap nmëmi'inëmë ja tsajpkääky.

Lucas 12:15

Näyjyëtu'un y'ënäny: Näkyëwent'atëtë ets ka'ap tii xy'atsoktëty, ka'ap yë'ëjëty yajjuuky'äty ko tii may'äämpy yajmëëtëty.

1 Timoteo 5:21

Y'ijxyp myëtoopy ja Dios Teety ets ja Jesukristë ja tsajpjotmëtë kukäjpxy winwityëtsypë, ko ya'atë yam ntuknipëky ets xykyuuytyunëty. Tu'knax mpaye'eyëty, ka'ap wyin'ixy wyinkexyëty.

1 Timoteo 6:13

Ja Dios, mëti'ipë myoopyën ja juukyajtën oy tyimtiijëty jam Jesukristë wyintum, mëti'ipë ojts näjyëtu'un nikäjpxyën jam ma ja Poncio Pilato, mijts yam ntuknipëjkpy

2 Timoteo 2:14

Tukja'amyäts ya'atë ja mëpëjkpëtëjkëty, tuknipëk Dios wyintuuy ko ka'ap je'eyë nye'ojëtëty. Ka'ap jëtu'unpë tyuny. Yë näy'ojë je'eyë nëkoo y'ëxëëktuny ma ja ja'ayëtyën mëti'ipë myëtoowtëpën.