Marcos 7:4 - Biblia Dc en Mixe de Quetzaltepec

⁴ Ets ko pën maayjoty tsyoony, pën ka'ap të kyë'ëpujy, nän ka'ap kyäyëty. May ja tsëna'ayën mëti'ipë pyatuuntëp, ijxtëm ko yajpujy ja a'ukën, tu'ts, texy taza, pujxn apëjkën ets ja maapäjn näjyëtu'un tpujtë.

Biblia Mixe de Quetzaltepec

⁴ Ets ko pën maayjoty tsyoony, pën ka'ap të kyë'ëpujy, nän ka'ap kyäyëty. May ja tsëna'ayën mëti'ipë pyatuuntëp, ijxtëm ko yajpujy ja a'ukën, tu'ts, texy taza, pujxn apëjkën ets ja maapäjn näjyëtu'un tpujtë.

Marcos 7:4 ပူးပေါင်းရင်းမြစ်များ

Salmos 26:6

Wa'atsës yë nkë'ë nmëëtëty ets ka'apës tii poky të ntuuntëkoy. Yë'ëjës nmëwinkonäämpy yë mwintsë'këntyakn,

Isaías 1:16

Näypyuj näjyä'ätsëtë, näyajwa'atsëtë. Ka'apës n'ëk'ixanë ja mpokyëty. Ja ëxëëk tu'u jä'ä m'ëxmatstëp.

Jeremias 35:5

Täätsës yë Recab ja'ayëty të nmo'otë nëëtu'ts ets a'ukën ma t'atämëtëty yë tsatym nyëë mëti'ipë tëë nyimaanaxyën, etsës të n'ënëëmëtë: Tyaa mtsatsym nyëëjëty, uuktë.

Jeremias 4:14

Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Mateo 23:25

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën, nëkëjxy ja a'ukën xytyätypyujtë ets näjyëtu'un ja atojkxën, e ko mtontë määtstë ets ko yë'ë xytyäty tsyojkën'ajtë ja wit meeny ka'ap ja xyjyotmayjyawëtë.

Mateo 23:26

Miitsëty ijxpëkyjyä'äytyëjkëty wiintstëjkëty, jëwyiin yajwa'atstë mëti'ipë jotjotyën ets wa'ats wyë'ëmëty mëti'ipë nëkëjxyën.

Mateo 27:24

Ënet ja Pilato t'ijxy ko niwi'ix'äämpy ja ja'ay kyaja'akyukëtë, wäänëni'ik y'o'ktëwtë, ënät ni'ënä'ämëy ets ja nëë tyajmintëty ets ojts kyë'ëpujy ets y'ënäny: Ëjts nitii pokyës nkamëëtëty ko ya'atë ja'ay y'ookëty, miits mnija'awëtyëp tii mtuuntëp.

Marcos 7:8

M'ëxmajtstëp ja Dios ja y'ënä'ämën ets yë'ë xypyanëjkxtë mëti'ipë ja ja'ay tyuuntëpën.

Juan 2:6

Tam ënety tëtujk ja mëjtsaa tu'ts, nëë atä'ämën mëti'ipë ijty yajtuuntëpë ja jutiis ja'ayëty ko näypyuj nyäjyä'ätsëtë, majkta'px ëkë mëko'px litrën ja jyot ja tu'ukpë.

Juan 3:25

Ojts jënaakën ja Juan ja y'ijxpëjkpë tyajkäjpxykyojtë mëët tu'uk ja jutiis ja'ay wi'ix ja ja'ay nyäyajwa'atsëtëtyën,

Hebreos 9:10

Ka'ayën ukën ja je'eyë nyikäjpxyp ets wi'ix ja ja'ay wa'ats nyäyaj'itëtëty, nëkëjxypyë ënä'ämën yë'ë, yë'ë tyuuntëp xëmë koonëm ja Dios tyajtëkatsëty.

Santiago 4:8

Mëwinkontë ja Dios ets näjyëtu'un mmëwinkonëtëty. Pokytyuunpë ja'ayëty, ëxmatstë ja mka'oy juukyajtënëty; ets miitsëty mëti'ipë mäjtsk aaw mäjtsk jot ja Dios mtsojktëpën, nänyajwa'atsëtë.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.