Marcos 7:37 - Biblia Dc en Mixe de Quetzaltepec

³⁷ Tääts ja ja'ay y'ënantë ko mëj'ixy t'ixtë: Oy tyaapë ja'ay winë tuny. Yajmëtoowë'kpy yë ja'ay natpë ets yajkajpxë'kpy yë uumpë.

Biblia Mixe de Quetzaltepec

³⁷ Tääts ja ja'ay y'ënantë ko mëj'ixy t'ixtë: Oy tyaapë ja'ay winë tuny. Yajmëtoowë'kpy yë ja'ay natpë ets yajkajpxë'kpy yë uumpë.

Marcos 7:37 ပူးပေါင်းရင်းမြစ်များ

Génesis 1:31

ënät yë Dios t'ijxy janty'oy tu'kë'ëyë mëti'ipë ënety të tyajkojyën. Jëtu'un ojts kyä'pxy ja mëtëtujk xëëwpë.

Salmos 139:14

Wintsën, nmëjja'ap njaantyjya'ap mijts, jä'ä ko mëj këjääjës yë jotkujk'ajtën nmëëtëty ets janty mëj këjää mijts winë të xytyuny. Mëët yë'ë nmëpëjkpyës yajxon ko jyëtu'unëty.

Isaías 29:18

Jä'ä xëëw, nëjkxëp ja nat tmëtoy ko ënety tii yajkäjpxy nokykyijxy, ets ja wiints nëjkxëp y'ixë'ëky oy ënety jënu'un kyootsëty.

Mateo 9:32

Tam ënety kyatsoontënëm ja ja'ayëty mëti'ipë të y'ijxë'ëktën, ko twoowmiintë ma ja Jesúsën tu'uk ja ja'ay uumpë, ku'oypyë myëët'ajtyp.

Marcos 1:27

Mëj'ixy ja mayjyä'äy t'ijxtë ets jaxim jayam nyäyajtëëwëtë: ¿Tii jëtää ya'atë? Jempyë ijxpëjkën ya'atë ets kuttujkën mëët, ku'oypyë paat t'ëne'emy ets myëmëtoyë.

Marcos 2:12

Pëtë'k ja pa'amja'ay ets ja myaapäjn tkëëyi'ky ets tsyo'onë mayjyä'äyjotm. Paaty ja ja'ay ni'ëmukë mëj'äämpy t'ijxtë ets ja Dios tmëjja'awëtyë tjaantyjya'awëtyë ets y'ënantë: Nijëna'a ëëts ya'atë jëtu'unpë nka'ixynyëm.

Marcos 4:41

E ojts tsyë'ëkëtë, tääts nyäyajtëëwëtë nixim niyam: ¿Pën ja'ay tëy ya'atënë? Pojpaat ets mejypyaat myëmëtoowënë.

Marcos 5:42

Tääts ja kiixy u'unk ënätyë pyëti'ky ets ye'eypyijky, jä'ä ënety ja jyëmëjt majkmäjtsk. Ënet ja ja'ay janty mëj ixy t'ijxtë ets amonyë ojts tyimwë'ëmtë.

Marcos 6:51

Ojts ja Jesús tyëkë kepy nëëwinye'epyëjoty ma ënety japëtyën ets ja poj y'ëtëtsmoony. Yë'ëjëty jëtu'unyë ojts tyimwë'ëmtë,

Marcos 7:36

Tä ja Jesús ojts t'ëne'emy ets ka'ap pën tuk'ëwaanëty. Oyts jënu'un mëktä'äky ja Jesús tjatuk'ëne'emy ja ja'ay ets ka'ap pën nyimëtya'akëtëty, wäänëni'ik ja ja'ay tjantynyimëtya'aktë.

Marcos 8:1

Tëkok ja mayjyä'äy myujktë ma ja Jesús ënety jamën, ka'ap tii tmëët'atë tii kyäytyëpën. Ënet ja Jesús tyaxëy ja y'ijxpëjkpëtëjk ets t'ënëmaay:

Lucas 23:41

Ëëts'ajtëm, xynyitëjkëm ets n'ëyo'owmëty, xypyaat'ajtëm ëëts nkëpäjtmëty mëti'ipë të ntuuntëko'oyëmën; ya'atë ja'ay ka'ap tii të tuuntëkoy.

Hechos 14:11

Ko ja mayjyä'äy t'ijxtë mëti'ipë ja Pablo tyuunën, ënät janty mëk y'ënaantaktë Licaonia ayuk kyajpxtëp: Tëë ja tios nimäjtsk xynyikëtakëmë ijxtëm ja ja'ayën.