Marcos 7:17 - Biblia Dc en Mixe de Quetzaltepec

¹⁷ Ko ja Jesús t'ëxmajtsy ja ja'ay ets tyëjkëy jap tëkoty. Ënet ja y'ijxpëjkpëtëjk ojts yajtëyë tii jëtu'un jyatijäämpy ko jëtu'un y'ënä'äny.

Biblia Mixe de Quetzaltepec

¹⁷ Ko ja Jesús t'ëxmajtsy ja ja'ay ets tyëjkëy jap tëkoty. Ënät ja y'ijxpëjkpëtëjk ojts yajtëyë tii jëtu'un jyatijäämpy ko jëtu'un y'ënä'äny.

Marcos 7:17 ပူးပေါင်းရင်းမြစ်များ

Mateo 13:10

Tääts ja Jesús ja y'ijxpëjkpëtëjk nyimiinëtë ets yajtëëwëtë pën tii ko ja ja'ay tyaj'ijxpëky mëët ja ijxpäjtën.

Mateo 13:36

Tääts ja Jesús ojts nyäjyëkäjpxyë ma ja mayjyä'äyën ets tyëjkëy tëkoty, jap ja y'ijxpëjkpëtëjk y'ënëmaayëtë ets ja ëxëëk ujts nyi''ijxpät tkajpxtë'kxëty.

Mateo 15:15

Ënet ja Pedro t'ënëmaay ja Jesús: Tukmëmëtyaktëkës tii jëtu'un të xyjyatija'any ko të mëtyä'äky.

Marcos 2:1

Komjeky, ënät ja Jesús tyëjkëy jatëkok Capernaúm ets ja ja'ay tnija'awëtyë ko ënety të jyä'ty jam tëjkwintum.

Marcos 3:20

Tääts ja Jesús tyëjkëy tëkoty. Ënet ja mayjyä'äy ënätyë myujkpäjtë, ka'apaat ja Jesús y'ëkkaaynyë mëët ja y'ijxpëjkpëtëjk.

Marcos 4:10

Ko ja Jesús ënety jam yajpaaty mëët ja nimajkmäjtskpë ja y'ijxpëjkpëtëjk ets mëët ja wiinkëtypë mëti'ipë ënety ja Jesús myëwinkon'ajtëpën, ënät tyajtëëwtë ja Jesús wi'ix nyiwijyën ja ijxpäjtën.

Marcos 4:34

E xëmë ja Jesús ja ja'ay tyaj'ijxpëky mëët ja ijxpäjtën, ok ja y'ijxpëjkpëtëjk tukmëmëtyä'äky mëti'ipë jyatijpyën.

Marcos 7:16

Pën myëët'ajtypyën yë tyatsk, wä'än tukmëtoy.

Marcos 7:18

Tääts t'ënëmaay: ¿Näyjyëtu'un miits ka'ap të xyjyä'äkyukëtë? ¿këtiijën xyjyä'äkyukëtë ko tii tyëkë aawjoty jootjoty, ka'ap yë'ëkyëjxmëty ja ja'ay y'ëxëëkë?,

Marcos 9:28

Ok ja Jesús wyimpijty ets jyä'äjty ma tu'uk yë tëjkën, Tä ja y'ijxpëjkpëtëjk yajtëëwëtë ma ënety jap aakyë'ë yajpaatën: ¿Tii koos ja ku'oypyë ka'ap të xymyäytyë etsës n'ixkäxtëty?